Mga Kapanguhaan
Pagpili og Eskwelahan o Training Program
Pagpili og mga tahas ug i-drama ang mosunod.
KWAME: Ah, morag duna koy mas maayong ideya bahin sa maayong mga trabaho nga angayang tinguhaon.
CONSUELO: Makatabang ba ni nimo sa pagkab-ot sa imong tumong sa self-reliance?
KWAME: Tingali. Apan wala pa gihapon koy mga kahanas aron mahimong kwalipikado alang niini.
MEKALA: Oo. Mao usab ako.
ROBERT: Kitang tanan kinahanglan pa og dugang nga edukasyon o training.
CONSUELO: Apan sa tanang kapilian nga eskwelahan, unsaon nato sa pagkahibalo asa moadto? Bisan asa makagasto gyud ta. Ug unsaon nato sa pagkahibalo nga maayo kini sila?
KWAME: Usa ka tawo sa akong ward moadto sa New Age. Usa kini ka technical school. Tingali adto lang ko didto.
MEKALA: Nakakita ko og daghang poster nga nag-ingon nga ang unibersidad sa gobyerno maoy pinakamaayo. Apan dili gyud ko makasulod.
ROBERT: Ug nakadungog ko nga mas dako ang kahigayunan sa maayong trabaho kon mag-apprentice ka o mag-intern.
CONSUELO: Unya unsaon man nato sa pagkahibalo?
KWAME: Mahimo bang mangadto ta og makig-istorya og mga tawo sa eskwelahan? O tingali sa mga tawo nga naka-graduate na?
MEKALA: Lisud kana. Nerbyuson dayon ko.
ROBERT: Apan mao tingali na ang kinahanglan natong buhaton. Kinahanglan tang makig-istorya nila ug sutaon kon ang mga estudyante nila naka-graduate ba ug maayo ba sila og mga trabaho. Ug unya ang mga bayranan ug mga scholarship—tanang mga galastuhan? Siguro makig-istorya lang ta nila. Ug sa mga tawo usab nga naka-eskwela anang eskwelahana.
CONSUELO: Mokuyog ko ninyo, Mekala. Magtinabangay ta.
MEKALA: Maayo na!
KWAME: Dako kini nga desisyon—sa atong kwarta ug sa atong ugma. Tingali, kinahanglan usab tang mag-ampo bahin niini. O mangayo og panalangin sa paggiya kanato. Nakakat-on ko sa akong misyon nga magiyahan ta sa Ginoo.
MEKALA: Ako usab, mituo niana. Tingali ang pagtuo usa ka dakong bahin niini. Pagtuo ug paglaum ug atong paningkamot. Nagsugod ko sa pagbati nga ang Langitnong Amahan gustong mopanalangin nato niini.
ROBERT: Ug dili nato kalimtan ang Preferred Schools and Programs List. Duna kini maayong mga ideya bahin sa mga programa ug mga kahanas aron mahimo tang kwalipikado alang sa preferred jobs. Tingali mao kana ang dapit sa pagsugod—magkinahanglan man kita og PEF loan o dili.
Balik sa pahina 29