Magkat-on

Kinahanglan ba kong mag-loan sa Perpetual Education Fund?

Oras:I-set ang timer sa 30 minutos alang sa seksyon nga Magkat-on.

Basaha:Naghunahuna mi og mga paagi sa paggasto para sa among pag-eskwela. Ang usa ka opsyon mao ang pag-loan sa Perpetual Education Fund (PEF).

Week 1	Week 2	Week 3	Week 4	Week 5	Week 6
Unsa nga matang sa trabaho ang makatabang nako nga mahimong self-reliant?	Unsa nga edukasyon ang maghimo nakong kwalipikado sa akong trabaho?	Unsaon man nako pagbayad ang akong pag-eskwela?	Kinahanglan ba kong mag-loan sa Perpetual Education Fund?	Unsaon man nako nga magmalampuson sa klase?	Unsaon man nako nga magmalampuson sa gawas sa klase?

Basaha:Karong semanaha, atong makit-an ang mga tubag sa mosunod nga pangutana ug kini ang atong buhaton:

Basaha:PANGUTANA SA SEMANA—Kinahanglan ba kong mag-loan sa Perpetual Education Fund?

BUHATUNON SA SEMANA—Modesisyon uban sa akong pamilya kon mo-apply ba ko og loan sa PEF o dili. Kon ang PEF loan maayo para nako, akong kompletuhon ang akong loan application.

Unsa ang Perpetual Education Fund loan?

Tan-awa:“What is a PEF Loan?” (Walay video? Basaha ang pahina 68.)

Hisguti:

Unsay inyong mga nahunahuna o pagbati atol sa video?

Praktisa:Magpundok ngadto sa duha o tulo ka team. Pagpuli-puli og basa sa mosunod nga mga pamahayag ni Presidente Gordon B. Hinckley mahitungod niadtong nakadawat og PEF loan.

“[Sila] makakat-on og … mga kahanas nga gipangita [demand]. … Kon may maayong mga kahanas sa pagpanarbaho, kining mga batan-on makalingkawas sa … kakabus. … Ang edukasyon mao ang yawe ngadto sa oportunidad” (“The Perpetual Education Fund,” Ensign, Mayo 2001, 52–53).

“Magminyo sila ug magpadayon uban sa mga kahanas nga maghimo nilang kwalipikado alang sa mas maayong kinitaan ug mapahimutang ang ilang kaugalingon sa katilingban diin makahimo sila og dako nga kontribusyon” (“The Church Goes Forward,” Ensign, Mayo 2002, 6–7).

“Mamahimo silang mga lider niining talagsaon nga buhat sa yuta nilang natawhan. Mobayad sila sa ilang mga ikapulo ug mga halad, nga maghimong posible nga ang Simbahan makapadako sa buhat niini sa tibuok kalibutan” (“Reaching Down to Lift Another,” Ensign, Nob. 2001, 53–54).

“[Sila] mobayad, ug kon buhaton nila kini, ilang mabatyagan ang talagsaong pagbati sa kagawasan tungod kay ilang napalambo ang ilang kinabuhi. … Ikapataas nila ang ilang mga ulo uban sa diwa sa pagkagawasnon” (“The Perpetual Education Fund,” Ensign, Mayo 2001, 53).

Hisguti:Asa sa mga saad diha sa ibabaw ang importante alang ninyo? Sa unsang paagi ang kinabuhi lahi para ninyo ug sa inyong pamilya kon matuman kini nga mga saad?

Kinsa ang makadawat og PEF loan?

Basaha:Sa una, ang PEF loan available ra sa mga returned missionary nga nanag-edad og 18 ngadto sa 30. Karon available na kini sa tanang kwalipikado nga mga miyembro sa Simbahan nga nag-edad og 18 ug pataas. Atong i-explore [suhiron] ang mga requirement. (Ang mga eksepsyon niini nga mga kinahanglanon mahimong aprubahan sa mga lider sa priesthood aron makab-ot ang dili sagad nga panginahanglan.)

Praktisa:Iatubang ang inyong mga lingkuranan ngadto sa laing sakop sa grupo. Ang tanan, mobasa sa mga kinahanglanon diha sa wala nga box sa ubos. Dayon badlisi padulong sa mga pulong nga naa sa tuo aron ikabutang sa mga blangko. Usa ka example ang gipakita.

ANG MGA PARTISIPANTE SA PEF LOAN PROGRAM KINAHANGLAN NGA:
Aktibo nga miyembro sa Simbahan kinsa nagserbisyo sa .	Institute
Giendorsar sa ilang mga lider sa priesthood isip takus, nagkinahanglan og pinansyal nga tabang, ug may dedikasyon sa pagkab-ot sa ilang mga tumong.	18 o labaw pa
Mga edad .	calling
Nagtuon og usa ka programa ug eskwelahan nga .	Education for Better Work
Naandam pinaagi sa pag-apil sa usa ka grupo ug pagkompleto sa plano sa PEF loan.	templo
Nagpuyo, nagtrabaho, ug nag-eskwela sa lokal nga mga eskwelahan sa mga dapit diin .	diha sa Preferred Schools and Programs List
Mipasalig sa kaligdong ug pagka-self-reliant pinaagi sa .	mentor
Giparisan og usa ka , kinsa motabang sa mga partisipante nga molampus sa pag-eskwela, trabaho, ug pagbayad sa loan.	Ang mga PEF loan naaprubahan
Nagtambungan og , kon usa ka young single adult.	nagbayad sa tibuok loan

Palihug og refer ngadto sa pahina 69 alang sa tabang aron makasabut sa mga requirement.

Sa unsang paagi magamit ang PEF loan?

Pahinumdom alang sa facilitator: Ipanghatag ang PEF pamphlet nga naglangkob sa piho nga mga patakaran sa PEF program sa inyong dapit.

Hisguti:Sa daklit basaha ang lokal nga PEF pamphlet, nga naglakip sa mga patakaran sa PEF loan sa inyong dapit. Unsa ang inyong nakat-unan?

Basaha:Kon maayo ang atong nahimo, magkaminus ang atong bayranan sa loan. Ang total nga kantidad sa loan nga bayranan mominus kon kita (1) makakuha og maayong mga grado, (2) maka-graduate, (3) makakab-ot sa atong tumong sa trabaho, ug (4) makabayad sa loan sa tukmang panahon. Kon kini atong mahimo, makakuha kita og mga credit sa maayo natong nahimo, ug ang kantidad nga atong nautang maminusan.

Alang sa dugang nga impormasyon bahin sa mga PEF loan, tan-awa sa pahina 70. Basaha og maayo pag-usab kini nga impormasyon diha sa balay. Mahimo usab nga mokontak kamo sa self-reliance center kon may mga pangutana.

Hisguti:Duna pa ba moy laing mga pangutana diin ang grupo makatabang og tubag?

Unsaon nako sa pag-apply?

Basaha:Ang mosunod mao ang mga lakang sa pag-apply og PEF loan. Pagkuha og partner ug pagkat-on bahin sa impormasyon nga inyong gikinahanglan alang sa matag lakang. Balik ngadto sa pahina nga gilista alang sa matag lakang ug pagpuli-puli og basa (apan ayaw sulati ang impormasyon sa ubang mga pahina). Dayon balika kini nga pahina ug i-tsek ang box alang niana nga lakang [step].

1. Mopili og trabaho, programa, ug eskwelahan, gikan sa SRS Preferred Lists (tan-awa sa mga pahina 11, 14, 33, 34).

2. Mokompleto sa plano sa pag-finance sa edukasyon (tan-awa sa pahina 50).

3. Mopili og usa ka PEF loan mentor (tan-awa sa mga pahina 71–72).

4. Mokompleto sa PEF loan plan worksheet (tan-awa sa mga pahina 73–74).

5. Modawat og endorsement sa lider sa priesthood (tan-awa sa mga pahina 75–76).

6. Mokompleto sa online PEF loan application sa srs.lds.org/pef (tan-awa sa pahina 77).

Hisguti:Duna ba mo sa tanang impormasyon nga inyong gikinahanglan aron makompleto ang mga lakang? Kon wala, unsaon man ninyo sa pagkuha niini?

Unsay mahitabo human sa akong pag-apply?

Basaha:Kon makompleto na ang application, kini ang mahitabo.

¹Mosumiter ka og application

²Ang mga staff sa PEF ug mga lider moribyu sa application

³Kon aprubahan ang application, inyong i-accept ang loan agreement diha sa PEF website

⁴Ang PEF specialist mo-interbyu nimo ug sa imong mentor pinaagi sa telepono

⁵Magpa-register ka sa eskwelahan ug mo-request nga ang eskwelahan bayaran

Hisguti:Duna bay mga pangutana? Kon wala mo kahibalo sa mga tubag, adtoa ang pinakaduol nga self-reliance center.

Human sa miting, kon ang inyong facilitator dunay access sa Internet, mahimo niyang i-open ang PEF loan application website ug ipakita kon unsaon kini sa paggamit.

Unsaon man nako sa pagbayad?

Basaha:Ang PEF loan dili usa ka regalo ug gilauman kita nga mobayad niini. Mo-commit kita sa pagbayad niini. Himoon nato kini nga commitment atol sa atong interbyu para sa PEF loan endorsement uban sa atong lider sa priesthood ug atol sa atong pagkompleto sa application online.

Ang atong mga gibayad sa PEF loan mapundo para sa uban aron makadawat sila og PEF loan sa umaabut, lakip sa mga miyembro sa atong stake o district. Kon dili ta mobayad, magkagamay ang kwarta para sa umaabut nga mga PEF loan.

Basaha ang kinutlo diha sa tuo.

“Ang mga benificiary mobayad, ug kon buhaton nila kini, ilang mabatyagan ang talagsaong pagbati sa kagawasan tungod kay ilang napalambo ang ilang kinabuhi dili tungod sa hinatag o gasa, apan pinaagi sa paghulam ug sa pagbayad. … Ikapataas nila ang ilang mga ulo uban sa diwa sa pagkagawasnon. Ang ilang pagpabiling matinud-anon ug aktibo sa tibuok nilang kinabuhi mas molambo gayud.”

Gordon B. Hinckley, “The Perpetual Education Fund,” Ensign, Mayo 2001, 53

Hisguti:Nganong importante ang pagbayad sa PEF loan? Ikonsiderar kini nga mga rason:

• Motuman sa mga commitment ug pagpalambo sa abilidad sa pagtuman sa mga pakigsaad.

• Mohatag sa uban og sama nga oportunidad nga maka-loan.

• Modawat sa gisaad nga mga panalangin alang sa inyong kaugalingon ug sa inyong pamilya.

• Mopalambo sa inyong pagtuo kang Jesukristo ug mamahimong self-reliant.

Basaha:Sa pagsiguro nga nahibalo kita kon unsaon sa pagbayad ang loan, kinahanglang himoon nato ang unang pagbayad sa loan sa dili pa makadawat ang atong eskwelahan sa kwarta.

Pahinumdom alang sa facilitator: Ipanghatag ang mga instruksyon sa pagbayad para sa inyong nasud.

Ang tanan, moribyu sa daklit sa mga instruksyon sa pagbayad para sa inyong nasud.

Unsay angay buhaton aron molampus gamit ang PEF loan?

Tan-awa“I Have Two Hands to Work” (Walay video? Basaha ang pahina 78.)

Hisguti:Magpili og usa ka pulong nga mohulagway unsay inyong gibati bahin niini nga video. Ipakigbahin ang inyong pulong.

Gikan sa unsay inyong nahibaloan karon, mopili ba mo nga mo-apply og PEF loan? Unsay inyong mahimong buhaton atol sa semana aron makahimo og maayong desisyon bahin niini nga opsyon?

Basaha:Samtang mag-uswag kita, wala kita mag-inusara. Atong hinumduman: “Mahimo ko ang tanang butang pinaagi kaniya [kang Kristo] nga nagapalig-on kanako” (Mga Taga-Filipos 4:13).