Miaging mga Edisyon
Mga Kapanguhaan

Mga Kapanguhaan

Unsa ang PEF Loan?

Pagpili og mga tahas ug i-drama ang mosunod.

BRAZILIAN BROTHER: Dihang nauli ko gikan sa akong misyon, gusto gyud kong makakuha og edukasyon. Naningkamot gyud ko, kada tuig, apan dili gyud ko maka-eskwela. Padayon kong naghunahuna nga ang mga kurso unta mas mobarato, apan wala gayud kini mobarato. Padayon kining nagkamahal, nagkaanam og kalisud.

HAITIAN SISTER: Kon wala ang edukasyon, imposible kini sa Haiti. Dili mahimo ang kinabuhi kon walay edukasyon.

ARGENTINE BROTHER: Pareho ra ang akong pangandoy sa ubang mga batan-on sa Simbahan—magsugod og pamilya ug moserbisyo sa Simbahan. Ug aron mas maayo ang pagkahimo niini, nagkinahanglan ko og maayong trabaho.

PRESIDENT HINCKLEY: Sa paningkamot nga masolusyunan kini nga sitwasyon, naghimo mi og usa ka plano—usa ka plano nga gituohan namo nga dinasig sa Ginoo. … Gitawag ni nato og Perpetual Education Fund.

VANDERLEI: Dihang nauli ko gikan sa akong misyon, wala koy oportunidad nga maka-eskwela. Dayon, boom! Ang Perpetual Education Fund miabut, ug nalipay kaayo ko! Miadto ko sa eskwelahan, nagpa-enrol, ug gibayaran ang kurso. Gibuhat nako ang akong pinakamaayo ug milampus ko. Ako ang pinakamaayo nga estudyante sa akong klase! Sa wala pa ko mokuha ani nga kurso, usa ko ka trabahante. Sugo-sugoon ra ko sa uban. Dihang nakahuman na ko, gidawat ko nga magdumala og usa ka team nga may 450 ka tawo, ug karon maayo kaayo ang akong sweldo. Ang akong asawa dili na kinahanglan pang manarbaho. Siya ang nag-atiman sa among mga anak, nga maoy pinakaimportanting butang alang namo. Ug ako nakaserbisyo sa Simbahan uban sa paghigugma. Nakaserbisyo ko uban sa dedikasyon. Nakausab gayud kini sa akong kinabuhi ug sa kinabuhi sa akong pamilya.

NADINE: Kinahanglan nakong buhaton ang tanan aron makabayad sa loan, tungod kay nasayud kong makatabang kini sa uban aron makaapil ug makakuha og edukasyon. Kinahanglan nga matinuoron [honest] ka kon apil ka niini nga programaha.

CARLOS: Sa akong patriyarkal nga panalangin giingon nga maangkon nako kini nga oportunidad, ug natuman kini. Para nato ang Perpetual Education Fund dili lang butang nga temporal. Para nato usa kini ka panagna. Sagrado kini.

KEVIN: Akong gibati nga ang propeta nagtan-aw nako, nga siya nakakita sa akong kahimtang. Ug akong gibati nga siya miingon, “Kinahanglan kong motabang nimo.”

PRESIDENT HINCKLEY: Ang atong dalan sa unahan klaro, ang panginahanglan hilabihan, ug ang Ginoo mihatag og paagi. Mamahimo kini nga usa ka panalangin sa tanang kinabuhi nga matandog niini—ngadto sa mga kabatan-onan, sa umaabut nilang mga pamilya, sa Simbahan. Kami nag-ampo sa tinuoray ug sa pasalamat nga ang Dios mopalambo niini nga paningkamot.

Balik sa pahina 60

Unsa ang mga Requirement aron Makadawat og PEF Loan?

  • Moapil sa usa ka grupo sa Education for Better Work [Edukasyon alang sa Mas Maayong Trabaho]; mokompleto sa worksheet sa PEF loan plan.

  • Mopili og trabaho, eskwelahan, ug programa gikan sa SRS Preferred Lists; ang mga eksepsyon ipaagi sa request.

  • Mopili og loan mentor aron makatabang sa mga commitment sa pag-eskwela, pagtrabaho, ug sa loan.

  • Motambong og institute (para sa mga young single adult).

  • Mag-edad og 18 o mas magulang pa.

  • Takus alang sa templo ug dunay calling.

  • Mokuha og endorsement gikan sa lider sa priesthood.

Balik sa pahina 61

Sa Unsang Paagi ang PEF Loan Magamit? Unsaon sa Paghimo ang Pagbayad?

Ang mga PEF loan magamit para ibayad sa:

  • Edukasyon ug training aron makakita og maayong trabaho o negosyo dinhi.

  • Tuition, mga libro, ug ubang mga suplay (ang tuition ibayad ngadto sa eskwelahan).

Ang mga patakaran alang sa pagbayad sa loan mao ang mosunod:

  • Ang mga instruksyon sa piho nga kantidad ug pagbayad anaa sa matag nasud.

  • Ang pagbayad himoon pinaagi sa kombinasyon sa performance incentives ug cash.

    • Ang mga incentive for performance mopagamay sa balance sa loan sama sa mosunod:

      • 5% nga reduction sa annual loan disbursement kon maayo og grado matag tuig (tan-awa sa PEF pamphlet alang sa definition sa maayong mga grado)

      • 10% nga reduction sa pagkompleto sa educational program (graduating)

      • 10% nga reduction sa pagkab-ot sa plan goals (sa trabaho og level sa kinitaan)

      • Matching incentive nga 25% alang sa tanang on-time nga pagbayad sa loan

      • Dugang nga 10% reduction sa nahibilin nga kantidad kon ang loan sayo nga maimpas

    • Binulan nga pagbayad sa loan samtang nag-eskwela

      • Ang unang bayad gikinahanglan sa dili pa bayaran ang eskwelahan

      • Gagmayng bayranan matag bulan samtang nag-eskwela sa dili mahal, mas dali mahuman nga mga programa

      • Mas dagkong bayranan matag bulan samtang nag-eskwela sa mas mahal, mas dugay mahuman nga mga programa

    • Binulan nga bayranan sa loan magsugod unom ka bulan human makompleto ang pag-eskwela o pag-undang

      • Ang bayranan tinoon pinaagi sa kantidad sa loan ug gidugayon sa programa

      • Ilakip ang gamayng kantidad sa interes

      • Mahimong mabayaran ang tanan sulod sa tulo o upat ka tuig uban sa full performance incentives

Balik sa pahina 62

Ang PEF Loan Mentor

Kinsa ang PEF Loan mentor?

Ang PEF loan mentor usa ka hamtong kinsa motabang nimo nga molampus sa pag-eskwela, sa trabaho, ug pagbayad sa loan. Ang PEF loan mentor dili usa ka co-signer o guarantor ug siya walay pinansyal nga obligasyon bahin sa PEF loan.

Unsaon nako sa pagpili og akong PEF loan mentor?

Mohangyo ka og usa ka responsable nga hamtong nga himoon nimong PEF loan mentor. Tingali pilion nimo ang tawo kinsa nasayud sa imong mga plano, lakip niadtong imong gipakig-istoryahan bahin sa mga trabaho o mga eskwelahan. Siya mahimong usa ka miyembro sa Simbahan o dili miyembro.

Aron maka-access sa pahina sa PEF loan mentor sa website sa PEF, ang PEF loan mentor magkinahanglan og LDS account. Imong gikinahanglan ang mosunod nga impormasyon gikan sa imong mentor aron makompleto ang imong online PEF loan application:

  1. LDS Account username (opsyonal) (Ang mga LDS Account magamit sa tanan.)

  2. Telepono (primary)

  3. Telepono (secondary)

  4. Email

Ang imong PEF loan mentor kontakon sa PEF representative aron sa pagdawat sa mga responsibilidad sa usa ka mentor.

Unsay angay mahibaloan ug buhaton sa akong PEF loan mentor?

Ang imong mentor:

  • Kinahanglang mahibalo nga dili siya responsable sa imong PEF loan.

  • Moawhag nimo ug motambag kon makasugat ka og mga hagit sa pag-eskwela, sa trabaho, o sa pagbayad ug motabang nga imong matuman ang imong commitment sa pagbayad sa PEF loan.

  • Kinahanglang modawat og mga tawag sa telepono o mga electronic message gikan sa mga PEF representative ug mga lider sa priesthood aron hisgutan ang imong kalamboan.

  • Kinahanglang mohupot sa kakompidensyal sa impormasyon sa imong loan.

  • Mouyon ug motugot nga ang PEF maka-access, makakolekta, ug maka-process sa impormasyon gikan sa mga membership record sa Simbahan alang sa mga katuyoan nga may labut sa iyang tahas isip usa ka PEF loan mentor.

Balik sa pahina 62

Plano sa PEF Loan

Plano sa PEF Loan (gipadayon)

Endorsement sa Facilitator

Si (pangalan) nakakompleto sa upat ka leksyon sa Education for Better Work ug andam na nga mo-apply og PEF loan.

Pangalan sa facilitator

Pirma sa facilitator

Petsa

Endorsement sa Lider sa Priesthood

Kini nga porma makuha gikan sa inyong stake self-reliance center o sa online sa srs.lds.org/pef. Dad-a ang imong plano sa PEF loan (mga pahina 73–74) atol sa imong interbyu para sa endorsement sa lider sa priesthood.

interview and endorsement form

Mahinungdanong mga Doktrina sa Self-Reliance alang sa mga Lider sa Priesthood ug mga Aplikante

Hugot nga Pagtuo diha kang Jesukristo
D&P 104:15; Ether 12:27

Saligi nga katuyoan sa Dios ang paghatag alang sa Iyang mga Santos sa temporal nga mga panginahanglan ug nga Siya aduna sa tanang gahum sa paghimo niini.

Pagkamasulundon
D&P 130:21; Mateo 7:21

Ang panalangin sa self-reliance mag-agad sa kamasulundon ngadto sa mga balaod ug mga ordinansa diin ang self-reliance gipasikad.

Ang mga Indibidwal Kinahanglang Molihok
2 Nephi 2:16, 26

Ang self-reliance mao ang pagtabang sa kaugalingon, dili kay katungod nga makadawat [entitlement]. Kinahanglan kamo nga molihok. Kinahanglan kamo nga molihok ug dili pagaaghaton.

Panaghiusa ug Pag-alagad
Moises 7:18; D&P 56:16–17

Ang mga kabus ug adunahan kinahanglang usa ra. Ang tanan kinahanglang mag-inalagaray ug maghigugmaay.

Balik sa pahina 62

Pag-connect ngadto sa Online [Internet] nga PEF Loan Application

Aron maka-apply alang sa PEF loan, kinahanglan nimong kompletuhon ang online nga loan application sa srs.lds.org/pef gamit ang imong LDS Account.

Ang mga mentor sa PEF loan kinsa dunay LDS Account mahimong mo-access sa ilang PEF loan mentor page diha sa website sa PEF.

Kon nakaserbisyo ka og misyon bag-o lang, tingali ikaw duna nay LDS Account. Kon wala, makahimo ka og LDS Account sa ldsaccount.lds.org.

Kinatibuk-ang mga Pangutana

  1. Unsa ang LDS Account?

    Ang LDS Account mao ang sistema sa pag-sign-in (username ug password) sa kadaghanang website sa Simbahan, lakip ang ldsjobs.org, family history, online nga mga missionary application, ug mga website sa ward o stake.

  2. Kinahanglan ba nga miyembro ko sa Ang Simbahan ni Jesukristo sa mga Santos sa Ulahing mga Adlaw aron makagamit sa LDS Account?

    Dili kinahanglan. Samtang ang mga miyembro sa Simbahan maka-access sa dugang nga mga kapanguhaan labi na sa ilang membership (nga gikinahanglan alang sa PEF loan), si bisan kinsa mahimo ra nga magpa-register og usa ka account isip usa ka “higala” (lakip sa mga loan mentor nga dili miyembro).

  3. Unsa nga impormasyon ang akong gikinahanglan sa pagset-up og akong LDS Account?

    Kon miyembro ka sa Simbahan, magkinahanglan ka sa imong membership record number, imong petsa sa pagkatawo, ug usa ka balido nga email address. Makita nimo ang imong membership record number diha sa imong temple recommend o sa pagpakigsulti sa inyong ward o branch clerk. Kon ang imong loan mentor dili miyembro sa Simbahan, gikinahanglan niyang ihatag ang iyang pangalan, petsa sa pagkatawo, gender, ug nasud.

    Aron ma-access ang online nga PEF loan application, atong gikinahanglan ang:

    1. Nag-unang impormasyon bahin sa kaugalingon ug sa pamilya

    2. Pinirmahan nga endorsement sa lider sa Priesthood

    3. Kompleto nga “Plano sa PEF Loan”

      • Impormasyon sa Mentor

      • Plano sa trabaho

      • Plano sa edukasyon

      • Plano sa Pag-finance sa Edukasyon

      • Endorsement sa Facilitator

Balik sa pahina 62

Ako Adunay Duha ka Kamot nga Itrabaho

Pagpuli-puli og basa niining sugilanon bahin ni Arturo, usa ka miyembro sa Simbahan nga taga-Peru.

Ang pagbiya sa misyon dili sayon. Daghan kaayo ko og mga tumong ug pangandoy; apan dihang miuli na ko kinahanglan nakong atubangon ang kamatuoran. Wala koy mga kahanas ug gamay ra ang kinitaan. Ang pagpangita og trabaho dili sayon.

Sa katapusan, nakapabarug ko og fruit stand, ug pinaagi niana nga kwarta nakabayad ko sa pag-eskwela, nakatabang sa balay, ug nakabayad sa akong ikapulo ug mga halad.

Gihimo nako kana hangtud Septyembre. Samtang namaligya ko og prutas, usa ka trak sa mga ilimnon diha sa akong luyo ug nadasmagan ko. Nalabay ko ngadto sa paril ug naputol ang tuo nakong tiil. Wala na koy tuong tiil ug nabuta ang pikas nakong mata. Ang tuo nakong bukton ug wala nga tiil naangol usab.

Human nianang tanan, nakadungog ko sa propeta nga miingon nga ang kakabus kinahanglang wagtangon, ug ang mga returned missionary kinsa walay pinansyal nga mga kapanguhaan makakuha og edukasyon. Ang Perpetual Education Fund gimugna alang sa kabatan-onan nga may tag-as nga pangandoy. Tinuod nga nawad-an ko og tiil ug mata apan wala mawala ang akong tinguha sa pagpakabuhi o ang padayon nga pagpangandoy. Mihukom kong manglimbasug sa pagkab-ot sa akong mga tumong.

Salamat sa Perpetual Education Fund, akong nahuman ang akong vocational training sa tulo ka tuig, ug gusto pa gyud ko og dugang. Miaplay ko og gidawat sa unibersidad.

Karon nagtrabaho na ko isip help desk representative. Mohatag ko og customer support ug technical computer support para sa ubang kompanya sugod sa buntag hangtud sa mga alas 4:00 sa hapon. Mang-repair sab ko og mga computer diha sa balay. Inig kagabii moeskwela ko. Mogikan ko og alas 5:00 ug magsugod sa klase og alas 6:00. Ang klase mahuman alas 11:00 sa gabii. Mosakay ko og taxi mga alas 11:30 aron makauli sa balay sa tungang gabii ug mga alas12:30. Mokaon ko, magribyu sa mga buhaton sa eskwelahan ug matulog. Pagkabuntag sayo kong mobangon aron motrabaho o mangita og trabahoon. Motrabaho ko hangtud alas 2:00 o alas 3:00 sa hapon ug dayon moadto sa unibersidad.

Nagpasalamat kaayo ko sa Dios sa tanan nga nia nako. Gusto nako Siya nga mabalusan sa ubang paagi sa tanan nga Iyang gihimo nako. Wala koy daghang mahimo ug kanunay ko nga utangan kaniya. Nagserbisyo ko isip volunteer sa call center sa mga opisina sa Simbahan sa Perpetual Education Fund.

Sulod sa duha ka tuig ug tunga akong makita nga maka-graduate ko isip systems engineer. Sulod sa lima ka tuig, magtrabaho ko sa dakong kompanya nga makatabang sa akong pamilya ug usab sa umaabut nakong pamilya ug mga anak.

Akong tumong nga maminyo sa templo. Mao nga nagtuon ko, ug mao nga nagtrabaho ko. Ug mao nga nanglimbasug ko matag adlaw.

Nahibalo ko nga dili sayon, apan nakakat-on ko nga ang Ginoo dili gayud mohatag nato og mga sugo nga dili mag-andam og paagi.

Gihatagan ko Niya og kinabuhi. Gihatagan ko Niya sa Perpetual Education Fund. Gihatagan ko Niya og duha ka kamot aron makatrabaho, utok nga makahunahuna, ba-ba nga makasulti, ug kasingkasing nga mobati ug magpadayon sa akong mga pangandoy.

Nasayud ko nga ang tanan posible, sama sa giingon ni Pablo: “Kay ang akong gahum ginahingpit diha sa kahuyang.” Ang Ginoo mitabang kanako.

Ang tanan nga nia nako—akong pamilya, eskwelahan, ug gani ang akong kinabuhi—utang nako sa Dios. Ang tanan naggikan sa Iyang mga kamot ug nagpasalamat ko niana.

Balik sa pahina 64