Alang sa mga Facilitator

Sa adlaw sa miting:

I-text o tawagi ang mga sakop sa grupo kon anaa nimo ang ilang mga impormasyon sa pagkontak. Pangutan-a kon motunga ba sila sa miting. Dapita sila nga mosayo og 10 minutos sa pag-abut aron makapirma sa attendance roll.
Andama ang mga materyal para sa miting:
- Pagdala og kopya niining workbook ug sa booklet nga My Foundation: Principles, Skills, Habits alang sa matag sakop sa grupo.
- Pag-andam og paagi aron ikapakita ang mga video, kon mahimo.
- Walay mga libro o video? Makuha nimo kini sa online diha sa srs.lds.org.
- Pagdala og mga kopya sa Self-Reliance Services Preferred Lists: (1) ang Preferred Jobs List ug (2) ang Preferred Schools and Programs List. Makakuha ka og kopya niini diha sa inyong stake self-reliance center, gikan sa self-reliance specialist, o sa online sa srs.lds.org/pef.

Imahe

table diagram

Ipahimutang ang mga lingkuranan libut sa lamesa aron magdug-ol ang tanan.
- Ang facilitator dili magbarug panahon sa miting ug dili maglingkod sa atubangan sa lamesa. Ang facilitator kinahanglang dili maoy sentro sa pagtagad apan angay nga motabang sa mga sakop sa grupo sa pag-focus sa usag usa.

Abi-abiha sa mainitong paagi ang mga sakop sa grupo sa ilang pag-abut. Ilha ang ilang mga ngalan.
Ipasa ang usa ka papel ug ilibut aron sulatan sa mga sakop sa grupo sa ilang kompleto nga ngalan, ward o branch, ug petsa sa pagkatawo (adlaw ug bulan, dili ang tuig).
Pag-assign og timekeeper aron masuta nga ang grupo nakatuman sa iskedyul. Hangyoa siya sa pag-set sa timer sigun sa gitudlo sa libro:
- Sama pananglit, makakita ka og instruksyon nga nag-ingon “Oras: I-set ang timer sa 60 minutos alang sa seksyon nga Magkat-on.” Ang timekeeper mo-set sa oras sa cellphone, relo, o ubang magamit nga timer ug mopahibalo sa grupo kon human na ang oras. Dayon ang grupo makahukom kon magsugod ba sa laing seksyon o magpadayon ba sa ilang panaghisgot sa dugang nga pipila pa ka minutos.

Human sa miting sa grupo, adto sa srs.lds.org/report ug sunda ang mga instruksyon sa pag-register sa tanang mga sakop sa grupo.
Human sa unang miting, paghimo og usa ka lista alang sa pagkontak nga ika-share sa grupo inig ka sunod nga miting.

Ingna: “Welcome dinhi sa grupo sa self-reliance.”
Hangyoa ang mga tawo sa pagpalong sa ilang mga cellphone ug ubang mga device.
Isulti kining mosunod:
- “Mao kini ang grupo sa self-reliance nga gitawag og ‘Education for Better Work.’ Kamong tanan ba nia aron makakuha og dugang nga edukasyon?
- “Kon wala mo magkinahanglan nga mo-loan sa Perpetual Education Fund, maayo hinoon! Kon kamo nagkinahanglan nga mo-loan sa PEF, maandam kamo sa pagsugod sa application human sa atong ikaupat nga miting.
- “Magmiting kita sa 12 ka higayon. Ang matag miting mokabat og mga duha ka oras. Kita usab mogahin og usa o duha ka oras matag adlaw sa pagtuman sa atong mga commitment nga maoy makatabang nato nga makakuha og edukasyon o training. Inyo bang buhaton kini nga commitment kabahin sa oras?”
Sugdi og pangbukas nga pag-ampo (ug himno, kon gusto).
Isulti kining mosunod:
- “Sa matag miting nato, magsugod kita sa hilisgutan gikan sa booklet nga gitawag og My Foundation: Principles, Skills, Habits. Kini nga booklet makatabang nato sa pagkat-on ug pagsunod sa mga baruganan, mga kahanas, ug mga gawi [habit] nga mogiya ngadto sa espiritwal ug temporal nga pagka-self-reliant.”
I-set ang timer sa 20 minutos alang sa My Foundation.
Basaha ang Pasiuna nga sulat sa Unang Kapangulohan sa pahina 2 sa My Foundation. Dayon kompletuha ang baruganan 1 niana nga booklet ug dayon mobalik niini nga workbook.

Imahe

My Foundation cover