Hoko Atu ʻi Hoʻo Fononga ki he Moʻui Fakafalala pē Kiate Kitá

Laukonga:

Mālō e Ngāue! Kuo mou fokotuʻu ʻi he uike ʻe 10 kuohilí ha ngaahi tōʻonga moʻui foʻou pea hoko ʻo moʻui fakafalala lahi ange pē kiate kimoutolu. ʻOku finangalo ʻa e ʻEikí ke ke hoko atu hono tanumaki ʻo e ngaahi meʻa ko ʻeni ʻokú ke malavá pea mo fakatupulaki ha niʻihi foʻou. ʻE lava ʻa e Laumālie Māʻoniʻoní ʻo tokoniʻi kitautolu ke tau ʻilo ʻa e ngaahi meʻa ʻi heʻetau moʻuí ʻoku fiemaʻu ke fakaleleiʻí, ʻi heʻetau lotu mo fakafanongó.

Tukupā:

Tukupā ke fakahoko e ngaahi ngāue ko ʻení ʻi he uike ʻe 10 ka hoko maí. Fakaʻilongaʻi ʻa e kiʻi puhá ʻi he taimi kuó ke fakakakato ai e ngāue takitaha:

• Toe fakamanatu pea hoko atu ke moʻui ʻaki e ngaahi tefitoʻi moʻoni ʻe 10 ʻo e Ko Hoku Fakavaʻé mo e ngaahi tōʻonga moʻui ʻo e moʻui fakafalala pē kiate kitá.

• Vahevahe mo ha niʻihi kehe ʻa e meʻa kuó ke ako fekauʻaki mo e moʻui fakafalala pē kiate kitá. Hoko atu ʻi hono tokoniʻi ʻo e kau mēmipa hoʻomou kulupú, pe pole ke tokoniʻi ha kulupu foʻou ʻi he moʻui fakafalala pē kiate kitá.

• Fakatupulaki e ngaahi meʻa ʻokú ke malavá ʻaki haʻo kau ki ha kulupu kehe ʻo e moʻui fakafalala pē kiate kitá.

• Ako ʻa e ngaahi tefitoʻi moʻoni fakatokāteline ʻo e moʻui fakafalala pē kiate kitá ʻi laló.

Ngaahi Tefitoʻi Moʻoni Fakatokāteline ʻo e Moʻui Fakafalala Pē Kiate Kitá

Ko e Moʻui Fakafalala Pē Kiate Kitá Ko ha Fekau	Ko e Taumuʻa ʻa e ʻEikí Ke Tauhi ʻa ʻEne Kau Māʻoniʻoní, pea ʻOkú Ne Maʻu ʻa e Mālohi Kotoa ke Fai Ia.	ʻOku Taha pē ʻa e Fakatuʻasinó mo e Fakalaumālié
Tokāteline mo e Ngaahi Fuakava 78:13–14; Mōsese 2:27–28	Tokāteline mo e Ngaahi Fuakava 104:15; Sione 10:10; Mātiu 28:18; Kolose 2:6–10	Tokāteline mo e Ngaahi Fuakava 29:34; ʻAlamā 34:20–25

Laukonga:

“Pea ko ʻeni, ʻe hoku kāinga ʻofeina, ʻo ka hili hoʻomou hū ki he hala … ko iá, ʻoku ou fie fehuʻi kiate kimoutolu kuo mou fai ʻa e meʻa kotoa pē? Vakai, ʻoku ou pehē kiate kimoutolu: ʻIkai; he kuo ʻikai te mou aʻusia ki he potu ko iá ka ne taʻeʻoua ʻa e folofola ʻa Kalaisí mo e tui taʻe-fakaʻaloʻalongaua kiate ia, ʻo falala kakato ki he ngaahi lelei ʻaʻana ʻa ia ʻokú ne māfimafi ke fakamoʻuí. … Kuo pau ke mou vivili atu ki muʻa ʻi he tui mālohi kia Kalaisi”(2 Nīfai 31:19–20).

“ʻOku feʻunga e tokanga mai ʻa e ʻEikí kiate kitautolú ke Ne tuku mai ai ha fakahinohino ki he tokoní pea mo e faingamālie ke fakatupulaki ai ʻa e moʻui fakafalala pē kiate kitá. Ko ʻene ngaahi tefitoʻi moʻoní ʻoku tatau maʻu pē mo ʻikai feliliuaki” (Marvin J. Ashton, “Give with Wisdom That They May Recieve with Dignity,” Ensign, Nov. 1981, 91).