Fakalaulauloto—Taimi Lōloa Tahá: Miniti ʻe 5

Fakakaukau fakafoʻituitui ki he meʻa kuó ke ako he ʻaho ní mo fakakaukauʻi pe ko e hā ha meʻa ʻe finangalo ʻa e ʻEikí ke ke faí. Lau ʻa e potufolofolá pea hiki hoʻo tali ki he ngaahi fehuʻi ʻi laló.

“He ko au ko [e ʻEiki] ko ho ʻOtuá te u puke ho nima toʻomataʻú, ʻo pehē kiate koe, ʻOua ʻe manavahē, te u [tokoniʻi] koe” (ʻĪsaia 41:13).

Ko e hā e ngaahi meʻa mahuʻinga taha kuó u ako he ʻaho ní?

Ko e hā ha meʻa pē taha te u fai ko ha ola ʻo e meʻa ne u ako he ʻaho ní? (ʻE lava ke hoko ʻeni ko hoʻo tukupā fakataautaha ki he uiké. Kapau he ʻikai ke ke lava ʻo fakakaukau ki ha tukupā, ʻoku hiki atu ʻi lalo ha ngaahi fakakaukau ʻe niʻihi.)

Ngaahi Fakakaukau ki he Tukupaá:

• Fekumi ki ha tokoni ʻoku tāú ke maʻu ai ha poupou.

• Akoako e tali ki hono fakaʻaiʻaí ʻi ha ngaahi founga moʻui lelei.

• Ako ke ʻilo e ngaahi maʻuʻanga tokoni ʻoku lava ke maʻu ʻi homou tukui koló.