Fakalaulauloto—Taimi Lōloa Tahá: Miniti ʻe 5

Fakakaukau fakafoʻituitui ki he meʻa kuó ke ako he ʻaho ní mo fakakaukauʻi pe ko e hā ha meʻa ʻe finangalo ʻa e ʻEikí ke ke faí. Lau ʻa e konga leá pea hiki hoʻo tali ki he ngaahi fehuʻi ʻi laló.

“ʻOku ou fakamoʻoni ʻe ʻi ai e ʻaho ʻe tuʻu ai ʻa hotau ngaahi ʻofaʻanga ne tau ʻiloʻi ne faingataʻaʻia fakaesino ʻi he matelié, ʻi hotau ʻaó kuo nāunauʻia mo fakaʻeiʻeiki ʻi he sino mo e ʻatamai haohaoa. Ko ha momeniti fakafiefia moʻoni ia! ʻOku ʻikai ke u ʻiloʻi pe te tau fiefiá koeʻuhí ko ʻetau mātā tonu ha meʻa peheé, pe ko ʻetau fiefiá koeʻuhí te nau haohaoa kakato pea ʻfaifai angé kuo nau tauʻatāina.’ Ka kimuʻa pea hokosia e houa ko ia te tau mātā tonu ai ʻa e meʻa-foaki fisifisimuʻa ʻa Kalaisi kiate kitautolú kotoa, ʻofa ke tau moʻui ʻi he loto-tui, ʻo pikitai ki he ʻamanaki leleí pea fakahaaʻi ha ʻfemanavaʻofaʻaki [ʻiate] kitautolu’ [1 Pita 3:8]” (Jeffrey R. Holland, “Hangē ha Ipu Kuo Maumaú,” Liahona, Nov. 2013, 42).

Ko e hā e ngaahi meʻa mahuʻinga taha kuó u ako he ʻaho ní?

Ko e hā ha meʻa pē taha te u fai ko ha ola ʻo e meʻa ne u ako he ʻaho ní? (ʻE lava ke hoko ʻeni ko hoʻo tukupā fakataautaha ki he uiké. Kapau he ʻikai ke ke lava ʻo fakakaukau ki ha tukupā, ʻoku hiki atu ʻi lalo ha ngaahi fakakaukau ʻe niʻihi.)

Ngaahi Fakakaukau ki he Tukupaá:

• Fakamālohia ha taha ʻokú ke ʻiloʻi ʻoku fiemaʻu tokoni.

• Akoako fakaʻaongaʻi e ngaahi tali ʻoku tokoní ʻi he taimi ʻokú ke fai ai ha poupou ki he niʻihi kehé (vakai ki he fika 3 ʻi he konga ki he “Akó”).