Lipooti—Taimi Lōloa Tahá: Miniti ʻe 15

Sitepu 1: Siviʻi mo Hoʻo Hoa Ngāué (miniti ʻe 5)

Fakaʻaongaʻi ha ngaahi miniti siʻi ke ke fakakaukau ai pe naʻe fēfē hoʻo ngaahi tukupā he uike kuo ʻosí. Taaʻi ha foʻi siakale ʻi he lanu ʻokú ne fakafofongaʻi ʻa e ongo naʻá ke maʻu ʻi he tukupā takitaha. Hangē ko ʻení, ʻoku ʻuhinga ʻa e siakale kulokulá naʻá ke feinga siʻisiʻi pē, ʻoku fakafofongaʻi ʻe he siakale engeengá ha ngāue pē ʻe niʻihi, pea ko e siakale lanu matá ki he ngāue lahí. Vahevahe ʻa e meʻa naʻá ke siviʻí mo hoʻo hoa ngāué.

Sitepu 2: Vahevahe Hoʻo Ngaahi Aʻusiá mo e Kulupú (miniti ʻe 5)

Vahevahe mo e kulupú ʻa e ngaahi meʻa naʻá ke ako he uike kuo ʻosí lolotonga hono ngāueʻi hoʻo ngaahi tukupaá. ʻE ala tokoni e ngaahi fehuʻi ʻi laló ki he fealēleaʻakí.

Aleaʻi:

Ko e hā ha ngaahi aʻusia naʻá ke maʻu ʻi hoʻo fakahoko ʻa e tefitoʻi moʻoni ʻi he Ko Hoku Fakavaʻé?

Naʻe anga fēfē hoʻo fokotuʻu ha ngaahi vā fetuʻutaki ʻoku mahuʻingamālié?

Sitepu 3: Fili ha Ngaahi Hoa Ngāue (miniti ʻe 5)

Fili ha hoa ngāue mei he kulupú ki he uike hoko maí. Ko e angamahení, ko e ngaahi hoa ngāué ko ha ongo tangata pe ongo fafine mei ha fāmili kehekehe.

Tuku ha kiʻi miniti siʻi ke ke fakafeʻiloaki ai koe ki hoʻo hoa ngāué. Mo fefakafeʻiloakiʻaki pea aleaʻi e founga ke mo fetuʻutaki ai he lolotonga ʻo e uiké.

Hingoa ʻo e hoa ngāué

Fakamatala ki he fetuʻutakí

Hiki ʻa e founga mo e taimi te mo fetuʻutaki ai he uike ní.

Sāpate	Mōnite	Tūsite	Pulelulu	Tuʻapulelulu	Falaite	Tokonaki
Sāpate	Mōnite	Tūsite	Pulelulu	Tuʻapulelulu	Falaite	Tokonaki