Fakalaulauloto—Taimi Lōloa Tahá: Miniti ʻe 5

Fakakaukau fakafoʻituitui ki he meʻa kuó ke ako he ʻaho ní mo fakakaukauʻi pe ko e hā ha meʻa ʻe finangalo ʻa e ʻEikí ke ke faí. Lau ʻa e konga lea ʻi laló pea hiki hoʻo tali ki he ngaahi fehuʻí.

“ʻOku ʻikai ha ʻulungaanga, ʻikai ha faʻahinga maʻunimā, fakafepaki, maumaufono, hē mei he moʻoní, pe ha hia ʻe taʻofi ai ha taha mei he talaʻofa ʻo e fakamolemoleʻi kakató, tukukehe pē ha niʻihi tokosiʻi ʻoku nau tafoki fakaʻaufuli ki he malaʻiá. Ko e talaʻofa ia ʻo e fakalelei ʻa Kalaisí” (Boyd K. Packer, “The Brilliant Morning of Forgiveness,” Ensign, Nov. 1995, 20).

Ngaahi Fakakaukau ki he Tukupaá:

• Poupouʻi ha taha ʻokú ke ʻofa ai ʻi ha liliu ʻokú ne feinga ke fakahoko (vakai ki he fika 4 ʻo e konga ki he “Akó”).

• Lotua ha tokoni ʻi ha tōʻonga moʻui ʻokú ke feinga ke liliu.

• Fili ha tōʻonga ke ngāue ki ai pea fokotuʻu ha ngaahi fakangatangata ʻoku moʻui leleí.