Fakalaulauloto—Taimi Lōloa Tahá: Miniti ʻe 5

Fakakaukau fakafoʻituitui ki he meʻa kuó ke ako he ʻaho ní mo fakakaukauʻi pe ko e hā ha meʻa ʻe finangalo ʻa e ʻEikí ke ke faí. Lau ʻa e konga leá pea hiki hoʻo tali ki he ngaahi fehuʻi ʻi laló.

“ʻOku ʻikai tūkunga kovi ia ʻo hangē ko hoʻo fakakaukau he taimi ʻe niʻihi. ʻOku lelei e meʻa kotoa. ʻOua te ke hohaʻa. Naʻá ku lea ʻaki ia kiate au ʻi he pongipongi kotoa pē. ʻE lelei e meʻa kotoa pē. Kapau te ke fai ho lelei tahá, ʻe lelei e meʻa kotoa. Falala ki he ʻOtuá, pea laka atu ki muʻa ʻi he tui mo falala ki he kahaʻú. He ʻikai liʻaki kitautolu ʻe he ʻEikí. He ʻikai ke Ne liʻaki kitautolu” (Gordon B. Hinckley, “Excerpts from Addresses of President Gordon B. Hinckley,” Ensign, Oct. 2000, 73).

Ko e hā e ngaahi meʻa mahuʻinga taha kuó u ako he ʻaho ní?

Ko e hā ha meʻa pē taha te u fai ko ha ola ʻo e meʻa ne u ako he ʻaho ní? (ʻE lava ke hoko ʻeni ko hoʻo tukupā fakataautaha ki he uiké. Kapau he ʻikai te ke lava ʻo fakakaukau ki ha tukupā, ʻoku hiki atu ʻi lalo ha ngaahi fakakaukau ʻe niʻihi.)

Ngaahi Fakakaukau ki he Tukupaá:

• Akoako fakahoko ʻeku palani ke holoki e loto-mafasiá mo e loto-hohaʻá (mei he fika 4 ʻi he konga ki he “Akó”).

• ʻAhiʻahi fakahoko ha taha ʻo e ngaahi ʻekitivitī ki he mālōloó ʻi he konga “Ngaahi Maʻuʻanga Tokoni” he vahe 4.

• Akoako ʻa e loto-tokangá pe moʻui ʻi he taimi lolotongá.