Fakalaulauloto—Taimi Lōloa Tahá: Miniti ʻe 5

Fakakaukau fakafoʻituitui ki he meʻa kuó ke ako he ʻaho ní mo fakakaukauʻi pe ko e hā ha meʻa ʻe finangalo e ʻEikí ke ke faí. Lau e konga leá pea hiki hoʻo tali ki he ngaahi fehuʻi ʻi laló.

“Kuo pau ke fakamaʻu ʻetau tokangá ʻi he Fakamoʻuí mo ʻEne ongoongoleleí. ʻOku mafatukituki fakaʻatamai ke hanga kiate Ia ʻi he fakakaukau kotoa pē. Ka ʻi heʻetau fai iá, ʻoku mole atu ʻetau veiveiuá mo e manavasiʻí” (Russell M. Nelson, “Ko Hono Tohoakiʻi mai e Mālohi ʻo Sīsū Kalaisí ki Heʻetau Moʻuí,” Liahona, Mē 2017, 41).

Ko e hā e ngaahi meʻa mahuʻinga taha kuó u ako he ʻaho ní?

Ko e hā ha meʻa pē taha te u fai ko ha ola ʻo e meʻa ne u ako he ʻaho ní? (ʻE lava ke hoko ʻeni ko hoʻo tukupā fakataautaha ki he uiké. Kapau he ʻikai ke ke lava ʻo fakakaukau ki ha tukupā, ʻoku hiki atu ʻi lalo ha ngaahi fakakaukau ʻe niʻihi.)

Ngaahi Fakakaukau ki he Tukupaá:

• Fakakakato ʻa e “Saati Mapuleʻi e Fakakaukaú” (ʻi he konga ki he “Tukupaá”).

• Akoako ke fakafepakiʻi ʻeku ngaahi fakakaukau halá ʻaki e ngaahi fakakaukau tuʻuloá.

• Feinga ke ʻiloʻi e ngaahi sīpinga fakakaukau ʻoku taʻetotonú ʻa ia te u lava ʻo ngāueʻí.

• Lotua mo kole fakamātoato ki he Tamai Hēvaní pe ko e hā ʻEne ongoʻi kiate aú.