Օգնել մյուսներին ստանալ պատասխաններ

Արձագանքեք սիրով

Երբ ձեր մտերիմներից մեկը կիսվում է Եկեղեցու վերաբերյալ իր հարցերով կամ մտահոգություններով, անհանգստանալը հասկանալի է: Փորձեք մի կողմ թողնել այս զգացմունքները և արձագանքեք բարությամբ ու կարեկցանքով: Դուք կարող եք լիովին չհասկանալ դիմացինի փորձառությունը, բայց կարող եք հետևել Հիսուս Քրիստոսի օրինակին և միշտ սեր դրսևորել:

Երբեմն մարդիկ վարանում են կիսվել իրենց դժվարություններով, քանի որ վախենում են վնասել իրենց հարաբերությունները իրենց մտերիմների հետ: Եթե ինչ-որ մեկը դիմում է ձեզ, նա աջակցություն է փնտրում: Արձագանքեք սիրով, նույնիսկ, եթե չգիտեք, թե ինչ անել կամ ասել: Գտեք կարեկցանք և բարություն ցուցաբերելու եղանակներ, անգամ, եթե համաձայն չեք նրանց ընտրությունների հետ։

Ահա մի քանի սկզբունքներ, որոնք կօգնեն ձեզ սեր ցուցաբերել, երբ մյուսները կիսվում են ձեզ հետ իրենց հարցերով.

• Խոսեք սիրով: Հաղորդակցվեք խոնարհությամբ, բարությամբ և անկեղծությամբ: Ճարտարախոսությունն ու փայլուն գաղափարներն ավելի քիչ օգուտ կտան, քան Քրիստոսանման սեր ցուցաբերելը: Արտահայտեք ձեր սերը պարզ, անկեղծ և հաճախ: Հոգու ուղղորդությամբ գտեք ձեր մեջ եղած հույսի պատճառը բացատրելու ամանալավ ժամանակը և եղանակը։¹

• Ծառայեք նրանց իմաստալից եղանակներով։ Գտեք ձեր սերն ու նվիրումը արտահայտելու ձևեր։ Հարցրեք նրանց, թե ինչն է օգնում իրենց արժևորված զգալ և ինչպես կարող եք աջակցել իրենց։ Այնուհետև խորհեք, թե ինչպես կարող եք գործել։ Ձեր ծառայությունը կամրապնդի ձեր սիրո խոսքերը և կվերահաստատի ձեր հոգատարությանը:

• Պահպանեք ձեր հարաբերությունները: Ավելի կարևոր է սիրո և վստահության հարաբերություններ զարգացնելը, քան արագ պատասխաններ տալը: Լավ նպատակ կարող է լինել աշխատել շարունակել զրույցը: Ձեր ուխտերը պահելով միաժամանակ հարաբերությունները պահպանելը դրական ազդեցություն ունենալու լավագույն միջոցն է։

• Փորձեք տեսնել նրանց Տիրոջ աչքերով։ Երեց Դեյլ Գ. Ռենլանդն ուսուցանել է․ «Մենք չենք կարող լիովին իրականացնել մեր ուխտի պարտականությունը՝ սգալ սգացողների հետ և սփոփել նրանց, ովքեր սփոփանքի կարիք ունեն, եթե մենք նրանց չնայենք Աստծո աչքերով»։² Ձեր ընկերը կամ սիրելի անձը Աստծո զավակն է՝ աստվածային ներուժով։ Նրանք անցնում են փորձություններով, որոնք, ըստ Պետրոս Առաքյալի, մենք պետք է ակնկալենք կյանքում։³ Հիսուս Քրիստոսն Իր աշակերտներին պատվիրում է սիրել միմյանց այնպես, ինչպես Նա է սիրում:⁴ Աղոթեք, որպեսզի կարողանաք տեսնել նրանց այնպես, ինչպես Նա է տեսնում։

• Սիրեք նրանց առանց պայմանների: Երբ ինչ-որ մեկը, ում սիրում ենք, որոշում է այլ կերպ հավատալ կամ որոշումներ է կայացնում, որոնք մենք չենք հասկանում, մենք պետք է հարգենք նրա ազատ կամքը և շարունակենք սիրել նրան: Մենք կարող ենք դա անել՝ չհրաժարվելով մեր սեփական համոզմունքներից: Նախագահ Մ. Ռասել Բալլարդն ուսուցանել է. «Մենք կարող ենք սիրել միմյանց՝ առանց զիջելու անձնական աստվածային համոզմունքները: Եվ մենք կարող ենք խոսել այդ համոզմունքների մասին՝ առանց ուրիշներին նսեմացնելու»։⁵

Հիմնական սուրբ գրություններ․ Առակաց 15․1, Հովհաննես 13․34-35, Վարդապետություն և Ուխտեր 52․16, 121․41-42։

Եթե ուզում եք սովորել ավելին․

• Ջերիթ Վ. Գոնգ, «Տեղ Իջևանում» Լիահոնա, մայիս 2021, 24–27

• Patrick Kearon, “To Love Them All” (video), ChurchofJesusChrist.org

• Christina B. Franco, “Love in Our Hearts” (video), ChurchofJesusChrist.org

• G. Sheldon Martin, “Mourn with Those That Mourn,” Hope Works, ChurchofJesusChrist.org

Հղումներ

1. Ա Պետրոս 3.15:

2. Dale G. Renlund, “Through God’s Eyes,” Liahona, Nov. 2015, 94.

3. Sես Ա Պետրոս 4․12։

4. Sես Հովհաննես 13․34-35։

5. M. Russell Ballard, “The Eternal Importance of Family,” Ensign, Jan. 2018, 28.