Հարություն

Հիսուս Քրիստոսի հաղթանակը մահվան հանդեպ

Մեր կյանքի ինչ-որ պահի մեզանից յուրաքանչյուրը առիթ կունենա մտածելու. «Ի՞նչ է տեղի ունենում, երբ մենք մահանում ենք»: «Ես երբևէ նորից կտեսնե՞մ իմ մահացած սիրելիներին»: «Որտե՞ղ կարող եմ խաղաղություն գտնել, երբ մահանում է մեկը, ում ես սիրում եմ»:

Թեև մենք չունենք բոլոր պատասխանները, Հիսուս Քրիստոսի Հարության ճշմարտությունը կարող է մխիթարել բոլոր սգացողներին: Այն փաստը, որ բոլոր նրանք, ովքեր մահանում են, մի օր նորից կապրեն, խաղաղություն է բերում մեր հոգիներին և խոստանում, որ ավելի լավ օրեր են սպասվում:

Մահից դեպի անմահություն բարձրանալով՝ Հիսուս Քրիստոսը դարձավ Հարության «առաջին պտուղը» (տես Ա Կորնթացիս 15.20–23) և բոլորիս համար մի օր ուղի ստեղծեց հարություն առնելու այնպես, ինչպիսին Նա:

Ի՞նչ է Հարությունը:

Հարությունը հոգևոր մարմնի և ֆիզիկական մարմնի վերամիավորումն է մահից հետո, այլևս երբեք չբաժանվելու համար (տես Ալմա 11.45): Երբ մենք հարություն առնենք, մեր մարմինները կլինեն կատարյալ և անմահ, այլևս ենթակա չեն հիվանդության և մահվան: Քանի որ Հիսուս Քրիստոսը հաղթեց մահին Իր Հարության միջոցով, բոլոր մարդիկ հարություն կառնեն այնպես, ինչպես Նա:

Թեմայի ակնարկ. Հարություն

Ավետարանի ուսումնասիրության ուղեցույցներ. Հիսուս Քրիստոսի Քավություն, Հիսուս Քրիստոսի մահկանացու ծառայություն, Փրկության ծրագիր

Բաժին 1

Հիսուս Քրիստոսը հարություն առավ

Նկար

Քրիստոսը ուսուցանում է Իր հարությունից հետո

Հիսուս Քրիստոսն առաջինն էր, որ հարություն առավ: Նրա հաղթանակը մահվան հանդեպ հիմնարար է մեր հավատքի համար: Մարգարե Ջոզեֆ Սմիթն ուսուցանել է. «Մեր կրոնի հիմնական սկզբունքներն Առաքյալների և Մարգարեների վկայություններն են Հիսուս Քրիստոսի մասին` որ Նա մահացել է, թաղվել է և կրկին, երրորդ օրը, հարություն է առել և համբարձվել է երկինք»:

Տերը բազմաթիվ վկայություններ է տվել այս կարևոր վարդապետության վերաբերյալ: Չորս Ավետարաններից յուրաքանչյուրը ներառում է պատմություններ նրանց մասին, ովքեր ականատես են եղել Հիսուսին՝ որպես հարություն առած էակի։ Մորմոնի Գիրքը նաև վկայում է, որ Ամերիկա մայրցամաքում հազարավոր մարդիկ տեսան հարություն առած Փրկչին: Արդի ժամանակներում վկաները, ներառյալ Ջոզեֆ Սմիթը և այլ մարգարեներ ու առաքյալներ, վկայել են, որ Հիսուս Քրիստոսը հարություն է առել և ապրում է այսօր

Մտորելու հարցեր

Պատկերացրեք, որ դուք իրավաբան եք, որը գործ է կազմում՝ ապացուցելու, որ Հիսուս Քրիստոսը հարություն է առել: Ո՞ւմ կկանչեիք որպես վկա։ Վկաները ինչպե՞ս կամրապնդեին ձեր գործը: Ինչպե՞ս կարող է հարություն առած Տիրոջ ականատեսների վկայությունն ազդել ձեզ վրա: Գաղափարների համար տես Հովհաննես 20.1–20, 3 Նեփի 11.3–17, և Վարդապետություն և Ուխտեր 76.19–24:
Կարդացեք Հովհաննես 20.26–29 հատվածները։ Ի՞նչ ուղերձ է տալիս Փրկիչը այս հատվածում մարդկանց, ովքեր Նրա Հարության ականատեսը չեն: (Տես նաև Եթեր 12․5-6:) Նույնիսկ, եթե մենք չենք տեսել հարություն առած Տիրոջը, մենք դեռ կարող ենք անձնական վկայություն ստանալ, որ Նա հարություն է առել: Հարության ի՞նչ վկայություն եք ունեցել ձեր կյանքում: Ինչպե՞ս է այդ ապացույցն ազդել ձեզ վրա:

Սովորեք միասին

Նախագահ Գորդոն Բ. Հինքլին (1910–2008) հայտարարել է. «Մարդկության ժամանակագրության մեջ եղած բոլոր հաղթանակներից ոչ մեկն այնքան մեծ չէ, ոչ մեկն այնքան համընդհանուր չէ իր արդյունքներով, ոչ մեկն այնքան հավերժական չէ իր հետևանքներով, որքան խաչված Տիրոջ հաղթանակը, ով դուրս եկավ գերեզմանից Զատիկի այդ առաջին առավոտը»: Քննարկեք, թե ինչու է կարևոր իմանալ, որ Հիսուս Քրիստոսն ապրում է այսօր: Նախագահ Հինքլին նաև գրել է «Իմ Քավիչը ապրում է» հիմնի խոսքերը: Կարդացեք կամ լսեք այս օրհներգը միասին, այնուհետև կիսվեք այն մտքերով և զգացմունքներով, որոնք այն ներշնչում է ձեզ:
Շատ ոգեշնչված արվեստագետներ պատկերել են այն պահը, երբ անհատները տեսան հարություն առած Փրկչին: Նայեք հետևյալ պատկերներին կամ ուրիշներին, որոնք ձեզ դուր են գալիս: Կիսվեք, թե ինչ են այդ պատկերներն օգնում ձեզ հասկանալ Հիսուս Քրիստոսի Հարության մասին: Ինչպե՞ս են դրանք ազդում Նրա նկատմամբ ձեր վերաբերմունքի վրա: Ի՞նչ կզգայիք, եթե այնտեղ լինեիք:

Նկար

Մարիամը և Հարություն առած Տերը:

Նկար

Քրիստոսը հայտնվում է Թովմասին հարությունից հետո

Նկար

Կղեոպասը և աշակերտը նստած են ճաշելու, երբ ճանաչում են Փրկչին

Լրացուցիչ աղբյուրներ

Մատթեոս 27.52–53, Մատթեոս 28, Ղուկաս 24.13–43, Ա Կորնթացիներ 15.1–8, 2 Նեփի 9.3–7, 13–15, Հելաման 14.14–17, 3 Նեփի 23.6–14
Դ. Թոդ Քրիստոֆերսոն, «Հիսուս Քրիստոսի Հարությունը», Լիահոնա, մայիս 2014, 111-114
«Հիսուս Քրիստոսի Քավությունը և Հարությունը», Եկեղեցու նախագահների ուսմունքները. Հովարդ Վ. Հանթեր (2015), 99–110:
Ռոբերտ Ջ. Մեթյուզ, «Հարություն», Լիահոնա, ապրիլ 1996, ChurchofJesusChrist.org
«Հիսուսը հարություն է առել» (տեսանյութ), Ավետարանի գրադարան
«Գլուխ 54. Հիսուսը հարություն առավ», Նոր Կտակարանի պատմություններ, 139–44

Բաժին 2

Մենք բոլորս հարություն կառնենք

Նկար

Ընտանիքը հուղարկավորության ժամանակ

Քանի որ Հիսուս Քրիստոսը հարություն առավ, մենք բոլորս հարություն կառնենք Հիսուս Քրիստոսի Հարությունից կարճ ժամանակ անց շատ հավատարիմ մարդիկ նույնպես հարություն առան (տես Մատթեոս 27.52–53): Թեև բոլորը հարություն չեն առնի միաժամանակ, բոլորն ի վերջո կստանան կատարյալ, անմահ մարմին՝ համընդհանուր հարության փառավոր պարգևի միջոցով:

Մեր հարություն առած մարմինները նման կլինեն այն մարմիններին, որոնք այժմ ունենք, միայն անմահ, կատարյալ՝ զերծ հիվանդություններից և ցավից: Մենք «կստանանք ուրախության լիություն» (Վարդապետություն և Ուխտեր 93.33–34, տես նաև Ալմա 11.43): Մեր հարություն առած մարմինները մեզ հնարավորություն կտան վերադառնալ Աստծո ներկայություն և դատվել: Նրանք, ովքեր ապաշխարել են իրենց մեղքերից, կվայելեն հավերժական կյանքը և հավերժ կապրեն Աստծո ներկայության մեջ:

Մտորելու հարցեր

Ալմա կրտսերի որդի Կորիանթոնի «միտքը [խռովված] էր մեռելների հարության վերաբերյալ» (Ալմա 40.1): Այսպիսով, Ալման Կորիանթոնին և Մորմոնի Գրքի ընթերցողներին ուսուցանեց Հարության վերաբերյալ շատ կարևոր ճշմարտություններ: Կարդացեք, թե նա ինչ է ուսուցանել Ալմա 40․41 հատվածներում: Երբ կարդում եք, ուշադրություն դարձրեք Հարության մասին ձեզ համար կարևոր ճշմարտություններին: Ինչպե՞ս կարող էին այս ճշմարտությունները օգնել Կորիանթոնին խաղաղություն զգալ: Ինչպե՞ս կարող են դրանք ազդել այն որոշումների վրա, որոնք այժմ կայացնում եք:
Պողոս Առաքյալն իմացավ, որ Կորնթոսի որոշ սրբեր չէին հավատում Հարությանը: Կարդացեք Ա Կորնթացիս 15 գլուխը՝ հատուկ ուշադրություն դարձնելով Հարության մասին Պողոսի ուսմունքներին: Ահա մի քանի հարցեր, որոնց մասին պետք է խորհել ուսումնասիրելիս.
- Հատվածներ 12–15. Ինչո՞ւ քարոզչությունը և հավատքը ունայն կլինեին, եթե հարություն չլիներ:
- Հատվածներ 16–19. Ինչո՞ւ մենք «դեռ [մեր] մեղքերի մեջ կլինեինք», եթե հարություն չլիներ: Ինչո՞ւ մենք «ամենաթշվառը» կլինեինք:
- 55–58 հատվածներ. Ինչպե՞ս են Հարության մասին ձեր գիտելիքները ձեզ «հաստատ» և «անշարժ» դարձնում:

Սովորեք միասին

Հիսուս Քրիստոսի վերականգնված ավետարանը ուսուցանում է, որ հարության պարգևը անվերապահորեն տրվում է բոլոր մարդկանց, սակայն Աստծո զավակներից շատերը տեղյակ չեն այդ օրհնության մասին: Քննարկեք, թե ինչպես է Հարությունը փոխում ձեր կյանքը Կարող եք նաև արժեքավոր համարել քննարկելու Քույր Ռեյնա Ի. Ըբարթոյի անձնական փորձառությունները նրա՝ «Գերեզմանը հաղթանակ չունի» ուղերձում և երեց Ս. Մարկ Փալմերի «Մեր տրտմությունն ուրախություն կլինի» ելույթում: Քույր Ըբարտոն և երեց Փալմերը ինչպե՞ս օրհնվեցին Հարության մասին գիտելիքով: Ինչպե՞ս կարող է այդ գիտելիքը օրհնել մեզ:

Լրացուցիչ աղբյուրներ

Ա Պետրոս 1.3–5; Մոսիա 15.19–25, 16.7–9, Ալմա 11.40–45
Դալին Հ. Օուքս,«Հարություն», Ensign, մայիս 2000, 14–16.
«Մահ և հարություն. անհույս արշալույսից մինչև ուրախ առավոտ», Եկեղեցու նախագահների ուսմունքները. Թոմաս Ս. Մոնսոն (2020), 113–22:
«Հույս գտնել Քրիստոսի Հարության միջոցով» (տեսանյութ), Ավետարանի գրադարան

Հարության մասին այլ աղբյուրներ