Հոգիների աշխարհ

Որտեղ բնակվում են հոգիները մահվան և հարության միջև

Երբևէ մտածե՞լ եք, թե ինչ է տեղի ունենում մեր մահից հետո: Հիսուս Քրիստոսի ավետարանը հստակորեն ուսուցանում է, որ կյանքը Երկրի վրա վերջը չէ: Մեր հոգևոր մարմինները գոյություն են ունեցել նախքան մեր ծնվելը և կշարունակեն ապրել մեր մահից հետո: Մահից հետո մենք գնում ենք հոգիների աշխարհ՝ սպասելու մեր հարությանը: Հիսուս Քրիստոսի ավետարանը ուսուցանվում է նաև հոգիների աշխարհում: Քանի որ յուրաքանչյուր հոգի թանկ է Աստծո համար, Հիսուս Քրիստոսը փրկության ուղի է տվել նրանց, ովքեր մահացել են առանց ավետարանը ստանալու հնարավորության:

Որտե՞ղ է հոգիների աշխարհը:

Հոգիների աշխարհում մահացածների հոգիները ժամանակավորապես ապրում են, սպասելով հարությանը: Հոգիների աշխարհը բաղկացած է դրախտից և հոգևոր բանտից: Հիսուս Քրիստոսի ավետարանը քարոզվում է նրանց, ովքեր մահկանացու կյանքում հնարավորություն չեն ունեցել ընդունելու ավետարանը և ստանալու փրկության ու վեհացման արարողությունները:

Թեմայի ակնարկ․ Հոգիների աշխարհ

Ավետարանի ուսումնասիրության ուղեցույցներ․ Փրկության ծրագիրը, Հարություն, Փոխարինող արարողությունները մահացածների համար, Մասնակցություն տաճարային և ընտանեկան պատմության աշխատանքին

Բաժին 1

Մահից հետո կյանք կա

Նկար

Գերեզմանի վրա ծաղիկներ դնող աղջիկը

Ընկերոջ կամ սիրելի մարդու մահը ցավ և վիշտ է առաջացնում։ Թեև ուրիշների կորուստը սգալը մեր մահկանացու փորձառության մի մասն է, սուրբ գրությունները հայտարարում են, որ Հիսուս Քրիստոսը հեռացրել է «մահվան խայթոցը» Իր Հարության միջոցով (Մոսիա 16․8, Ալմա 22․14, Մորմոն 7․5)։ Քանի որ Հիսուս Քրիստոսը կոտրեց մահվան կապանքները, մենք բոլորս նորից կապրենք (տես Ալմա 11.42-43): Երբ մենք մահանում ենք, մեր ֆիզիկական մարմինը և մեր հոգևոր մարմինը բաժանվում են: Մեր հոգևոր մարմինը «այնուհետև նշանակված է մի տեղ՝ արդարների կամ անարդարների հետ [մեր] գործերի համաձայն, այնտեղ՝ սպասելու հարությանը»: (Տես Ալմա 40․11-13։)

Մտորելու հարցեր

Երեց Վեզերֆորդ Տ. Քլեյթոնն ասել է. «Աշխարհը ծնունդն ու մահը տեսնում է որպես սկիզբ և վերջ: Բայց Աստծո սուրբ ծրագրի շնորհիվ մենք գիտենք, որ ծնունդը և մահը իրականում պարզապես կարևոր իրադարձություններ են մեր Երկնային Հոր հետ հավերժական կյանք տանող մեր ճամփորդության մեջ»: Ինչպե՞ս կարող է այս հեռանկարը պատրաստել ձեզ այն ժամանակին, երբ ձեր սիրելին մահանում է:
Կարդացեք Ա Կորնթացիս 15.51-55, 57: Մտածեք այն ժամանակի մասին, երբ մահացավ ձեզ համար սիրելի մարդը: Ինչպե՞ս է այդ ժամանակ ձեզ օգնել գիտելիքը, որ Հիսուս Քրիստոսը հաղթեց մահին: Ինչպե՞ս կարող եք օգտագործել այդ գիտելիքը՝ զորացնելու ուրիշներին, ովքեր հարցեր ունեն կորստի և մահվան հետ կապված:

Սովորեք միասին

Որպեսզի օգնեք նրանց, ովքեր ծանոթ չեն ոգեղեն մարմինների հասկացությանը, դուք կարող եք օգտագործել ձեռնոց՝ ֆիզիկական մարմինը ներկայացնելու համար, իսկ ձեր ձեռքը՝ հոգին ներկայացնելու համար: Ձեռքը դրեք ձեռնոցի մեջ և նշեք, որ ձեռնոցը «կենդանի» է միայն այն ժամանակ, երբ ձեռքը դրա մեջ է: Այնուհետև հետ վերցրեք ձեր ձեռքը և բացատրեք, որ ձեռքը շարունակում է ապրել՝ անկախ նրանից, թե ինչ է պատահում ձեռնոցի հետ: Այնուհետև կարող եք նորից հագնել ձեռնոցը և բացատրել, որ հարություն առնելուց հետո մեր հոգին և մեր մարմինն այլևս չեն բաժանվի: (Տես Ալմա 11․45։)

Լրացուցիչ աղբյուրներ

2 Նեփի 9․4-13, Վարդապետություն և Ուխտեր 138․11-24:
Փոլ Վ. Ջոնսոն, «Եւ մահն այլեւս չի լինիլ», Լիահոնա, մայիս 2016, 121-23:

Բաժին 2

Ի՞նչ գիտենք հոգևոր աշխարհի մասին

Նկար

Դատարկ գերեզմանը

Մահից հետո մեր հոգիները գնում են հոգիների աշխարհ: Այնտեղ արդարների հոգիները «ընդունվում են երջանկության մի վիճակի մեջ, որը կոչվում է դրախտ՝ հանգստության մի վիճակ, խաղաղության մի վիճակ, որտեղ նրանք պիտի հանգստանան բոլոր իրենց տագնապներից և բոլոր մտահոգություններից և վշտից» (Ալմա 40.12): Նրանք, «ովքեր մահացել էին իրենց մեղքերի մեջ, գիտություն չունենալով ճշմարտության մասին, կամ օրինազանցության մեջ՝ մերժած լինելով մարգարեներին» բանտում գտնվող հոգիներ են (Վարդապետություն և Ուխտեր 138․32, տես նաև Ա Պետրոս 3․18-20)։

Մտորելու հարցեր

Բանտում գտնվող հոգիները կարող են ստանալ Հիսուս Քրիստոսի ավետարանի ուսմունքները։ Սակայն բանտում գտնվող որոշ հոգիների վիճակը սուրբ գրություններում երբեմն հիշատակվում է որպես՝ «դժոխք», կամ ժամանակավոր վայր, որտեղ անհավատարիմները և նրանք, ովքեր չեն ստանա ավետարանը, տառապում են մինչև իրենց հարությունը (տես Վարդապետություն և Ուխտեր 76․81-85)։ Նրանք, ովքեր կընտրեն չապաշխարել իրենց մեղքերից կամ չընդունել Հիսուս Քրիստոսի ավետարանը, կտառապեն իրենց մեղքերի համար՝ նախքան փրկվելը և ընդունվելը փառքի թագավորությունում՝ հավերժության մեջ (տես Վարդապետություն և Ուխտեր 19․16-18)։ Ինչպե՞ս կարող է այս հատվածն օգնել ձեզ ավելի լավ հասկանալ այն, ինչ զգում են հոգևոր բանտում գտնվողները։
Հոգիների աշխարհում արդարների հոգիները «ընդունվում են երջանկության մի վիճակի մեջ, որը կոչվում է դրախտ՝ հանգստության մի վիճակ, խաղաղության մի վիճակ, որտեղ նրանք պիտի հանգստանան բոլոր իրենց տագնապներից և բոլոր մտահոգություններից և վշտից» (Ալմա 40.12): Ինչպե՞ս է այս ճշմարտությունը մեծացնում Աստծո պատվիրանները պահելու և արդար ապրելու ձեր ցանկությունը:

Սովորեք միասին

Որպեսզի սովորեք, թե սուրբ գրությունները ինչ են ուսուցանում հոգևոր աշխարհի մասին, թղթի վրա երկու սյունակ գծեք՝ «Արդար» և «Ամբարիշտ» վերնագրերով: Այնուհետև ուսումնասիրեք Ալմա 40․6-14 և Վարդապետություն և Ուխտեր 138․12–14, 20–22։ Քննարկեք այն, ինչ բացահայտեցիք սուրբ գրությունների այս հատվածներում:

Լրացուցիչ աղբյուրներ

Ալմա 34․32-34
The Spirit World, Teachings of Presidents of the Church: Brigham Young (1997), 279–84

Բաժին 3

Ավետարանը քարոզվում է հոգիների աշխարհում

Նկար

երիտասարդ կինը

Դուք մտածե՞լ եք, թե ինչ է պատահում մարդկանց հետ, որոնք մահանում են առանց երբևէ լսելու Հիսուս Քրիստոսի ավետարանը կամ չունենալով փրկության և վեհացման արարողությունները ստանալու հնարավորություն: Իմաստուն և սիրառատ Երկնային Հայրը ճանապարհ է պատրաստել Իր բոլոր զավակների համար՝ վերադառնալու և ապրելու Իր հետ, եթե ցանկանան: Նախագահ Ջոզեֆ Սմիթը հայտարարել է․ «Թող մահացածները հավերժական գովքի օրհներգ ասեն Էմմանուել Թագավորին, որը, նախքան աշխարհի լինելը, կարգել է այն, ինչը մեզ հնարավորություն կտա բանտից փրկագնելու նրանց. քանզի բանտարկյալները պիտի ազատվեն» (Վարդապետություն և Ուխտեր 128.22):

1918 թվականին Նախագահ Ջոզեֆ Ֆ․ Սմիթը տեսավ երկնային մի տեսիլք հոգիների աշխարհի մասին։ Վարդապետություն և Ուխտեր 138 բաժնում արձանագրված տեսիլքի մանրամասները պարզաբանում են, թե Հիսուս Քրիստոսն ինչպես հնարավոր դարձրեց հոգիների բանտի գերության մեջ գտնվողներին սովորել ավետարանը, ապաշխարել և ստանալ քահանայության հիմնական արարողությունները:

Մտորելու հարցեր

Կարդացեք Վարդապետություն և Ուխտեր 138․16-19, 50-52: Ըստ այս հատվածների, ինչպե՞ս է ամբողջ հոգիների աշխարհը նմանվում բանտի՝ անգամ արդարակյաց հոգիների համար (տես նաև Ա Պետրոս 3․18-20, 4․6)։ Ի՞նչ զգացումներ են ունեցել դրախտում գտնվողները Հիսուս Քրիստոսի մահից և հոգիների աշխարհում Նրա հայտնվելուց հետո։
Կարդացեք Վարդապետություն և Ուխտեր 138․29-37, 57-59 հատվածները, ուշադրություն դարձնելով, թե ինչպես են ավետարանի օրհնությունները հասանելի դառնում նրանց, ովքեր մահացել են առանց այս կյանքում ավետարանը ստանալու։ Ի՞նչ է ձեզ համար նշանակում այն, որ ձեր նախնիները կարող են փրկվել նրա շնորհիվ, ինչ արեց Հիսուս Քրիստոսը:

Սովորեք միասին

Նախագահ Ռասսել Մ. Նելսոնն ասել է․ «Ամեն անգամ, երբ դուք անում եք ինչ-որ բան, որն օգնում է վարագույրի երկու կողմերում գտնվող որևէ մեկին քայլ կատարել՝ Աստծո հետ ուխտեր կապելու և մկրտություն ու տաճարային արարողությունները ստանալու ուղղությամբ, դուք օգնում եք Իսրայելի հավաքմանը»։ Քննարկեք, ինչպես կարող եք օգնել մահացածներին, ստանալ քավություն և կարևորագույն արարողությունները։ Հրավիրեք խմբի անդամներին, ովքեր մասնակցել են այդ աշխատանքին, կիսվել իրենց փորձառություններով:

Լրացուցիչ աղբյուրներ

Հովհաննես 5․25-29, Ա Պետրոս 3․18-22, 4․6, Վարդապետություն և Ուխտեր 138․53-56
Դեյլ Գ. Ռենլանդ, «Ընտանեկան պատմություն և տաճարային աշխատանք. կնքում և բժշկում», Լիահոնա, մայիս 2018, 46-49:
Redeeming Our Dead through Temple Service, Teachings of Presidents of the Church: Joseph F. Smith (2011), 407–15