1

Vakaraitaka na Vakabauti Jisu Karisito

Vakananuma Vakatitobu:Ena tara vakacava na noqu bula rawati au na noqu vakabauti Jisu Karisito?

“Exercise Faith in Jesus Christ” (e tiko ena srs.lds.org. Ke sega na vidio, wilika na draunipepa ka tarava.)

Veivosaki:Na cava o rawa ni cakava mo vakaraitaka na nomu vakabauti Jisu Karisito ena rawa ni vukei iko kina mo bula rawati iko vakalevu cake?

Wilika:Wilika Vunau kei na Veiyalayalati 104:15 (ena yasana imatau).

“Raica sa noqu inaki me’u vakarautaka na veika oqo me yaga vei ira na noqu tamata; io au sa lewa na ka kece ga.”

Vunau kei na Veiyalayalati 104:15

Vakatovotovo:Digia e dua na malani vosa e ra ka mo wilika lo. Vakasamataka e yaga vakacava vei iko na ivolanikalou oqo ena nomu vakasaqara tiko na bula rawati koya. Wasea na nomu vakasama kei ira na ilawalawa.

iVolanikalou me baleta na Cakacakataki ni Vakabauta
Ena nona sega ni via sorovaka o Taniela na masumasu, a viritaki ki na qara ni laione, ia na “Kalou … sa tala mai na nona agilose, ka … sogota vakaruburubu na gusudra na laione, … a sa sega ni kune vua e dua na tikina e ca, ka ni sa vakabauta na Kalou.” Taniela 6:22–23 Raica talega tikina e 16–21)
“Sa rawarawa na ka kecega vua sa vakabauta. … A sa vaka e dua sa mata. … A sa taura na ligana ko Jisu, ka vakaduria cake; a sa qai tucake mai.” Marika 9:23, 26–27 Raica talega na tikina e 17–22, 24-25)
“Dou masulaka vua na nomudou qele ni manumanu me ra tubu me ra lewe levu mai.” Alama 34:25
E solia na Turaga na Liaona vei Liai me dusimaka na nona matavuval, ka “sa vakatau na cakacaka ni ka oqo, e na nodra vakabauta na Kalou. … [Ia] ni ra sa vucesa ka sega ni vakabauta … a sa berabera sara na nodra ilakolako.” Alama 37:40–41
“Dou kauta kece mai nai sigana ki na lololo … ka vakatovolei au mada … se’u na dolava se segai na katuba ni lomalagi, ka sovaraka vei kemudou na ka ni veivakalougatataki, me na sautu dina sara.” Malakai 3:10
Ena na gauna ni lauqa, a kerea e dua na yada o Ilaija me solia vua na otioti ni ka e tu vua me kana kina. E yalataka vua o Ilaitia ni na vakarautaka na Kalou vua na kakana, ka sega vakadua ni oti na kena. Raica 1 Tui 17
“Ka sa … vakani kemuni ena mana [me 40 na yabaki] … me vakatakila vei kemuni ni sa sega ni bula na tamata e na madrai duaduaga, ka ni sa bula ga na tamata e na madrai duaduaga, ka ni sa bula ga na tamata e na ka kecega sa vosataka ko Jiova.” Na iVakarua 8:3

Vakatovotovo:Vola vakamatata e rua na sala o rawa ni vakaraitaka na vakabauti Jisu Karisito:

Yalataka:Ena loma ni macawa, vakananuma vakatitobu e dua na malanivosa kei na ivolanikalou e cake, ka yalataka mo vakayacora na veika oqo. Tikitaka na kato ni ko sa vakayacora oti na itavi yadua oqo:

• Vakatovotovotaka na nomu vakaraitaka na vakabauti Jisu Karisito e veisiga.

• Vakavulica na iVakavuvuli oqo ki na nomu matavuvale.

“Ena ka tinikava ni wase ni vola ni Lako Yani era [vosavakacacataki] Mosese na Isireli ena nona kauti ira voli—ena dua na vakasama e sega ni veidonui—ki na Wasa Damudamu [baleta ni sega ni dua kina na nodrai drodro]. Era vakanamata tu ena Wasa Damudamu, e sa volekati ira sara yani na mataivalu i Fero, e sega sara ga ni rawa ni ra namaka … ni ra na raica e dua na salatu qiqo ni tauyavutaki me vaka e sega ni se bau tauyavutaki ena dua na gauna. Ia e yaco vakakina!”

Neal A. Maxwell, “On the Straight and Narrow Way,” New Era, Okosi. 1971, 42

VAKARAITAKA NA VAKABAUTI JISU KARISITO

Kevaka o sega ni sarava rawa na vidio, wilika na itukutuku oqo.

ELDER BEDNAR: Noda cakacakataka na veika eda vinakata sai koya na vakaraitaki ni vakabauta. Era sa laveta tiko na Isireli na kato ni veiyalayalati. Era sa yaco yani ena Uciwai ko Joretani. Nai yalayala sai koya ni ra na takoso ki tai ka dua ena vanua mamaca. Ena gauna cava e qai tawasei kina na wai? Ena gauna sa suasua kina na yavadra. Nodra sa butu yani ki uciwai-cakava. E muria mai na kaukauwa - sa tawasei na wai.

Ena levu na gauna eda vakabauta, “Donu, Au na rawata na kila deivaki cecere, kau na qai veisautaka oya mena veika meu cakava.” Au vakatura meda tekivu ena veika sa tiko rawa. Meda vakila na veimuataki dodonu eda vakanamata tiko kina. Na Vakabauta e dua na ivakavuvuli - na ivakavuvuli - ni cakacaka kei na kaukauwa. Na vakabauta dina e vakanamata vua na Turaga ko Jisu Karisito ka na dau veimuataki ki na cakacaka.

(David A. Bednar, “What Must I Do?” [Leadership Pattern video, 2014]; David A. Bednar, “Seek Learning by Faith” [address to Church Educational System religious educators, Feb. 3, 2006], lds.org/media-library)