4

Vakatulewataka na iLavo

Vakananuma:Na cava e sa rui dredre—ka bibi kina na vakatulewataki ni lavo?

Sarasara:“First Things First!” (Sega na vidio? Wilika na draunipepa ka tarava.)

Veivosaki:Na cava o vulica mai vei ira na gone oqo? Na cava meda dau vaqaqa na noda ilavo? Na cava meda vakabulai ilavo kina?

Wilika:iTukutuku mai na Sa Taqomaki Taucoko Vakavinaka; Vunau kei na Veiyalayalati 104:78 (ena imatau)

“Sauma na ikatini kei na isolisoli tale eso, … kakua na dinau, … vakayagataka na ituvatuva ni ilavo, … lewa na kena vakalailaitaki na ka e vakayagataki ena veika sega ni bibi … [kei na] vakarautaki iko mo bula ena ka e tiko ena ituvatuva ni ilavo.”

Sa Taqomaki Taucoko Vakavinaka: iLavo ni Matavuvale (ivolalailai, 2007), 3

“Raica oqo na ka au sa vakarota, ena vuku ni nomudou dinau—sa kilikili sara mo dou sauma kece na nomudou dinau.”

Vunau kei na Veiyalayalati 104:78

Vakatovotovo:Oqo e va na ikalawa o rawa ni taura me vakatulewataki na nomu ilavu mo rawa ni qaravi ira vakavinaka na tani. Wilika na veikalawa oqo. Vakailawalawa, veitalanoataka ena rawa vakacava mo vakaitovo tudei taki iko kina.

❶

Cakacaka Vakaukauwa ka Vakavuku talega

Vakaraitaka vei nomu liuliu ni cakacaka ni o dau cakacaka vakaukauwa e veisiga. Vakaraitaka ni o tamata nuitaki. Mo dina.

❷

SAUMA NA IKATINI KEI NA ISOLISOLI

Ni o rawa ilavo vakai iko, sauma eliu na ikatini. Ena qai vakalougatataki iko na Kalou.

❸

Me Lailai na ka o Volia mai na iLavo o Rawata

Vakadavora e dua na tuvailavo. Volaitukutukutaka na veika o rawata ka vakayagataka. Levea na dinau. Rawata e levu tale. Me lailai na ka o volia mai na ilavo o rawata.

❹

Taracake na Vakabulai ilavo e Veisiga

Vakabulai lavo e veisiga me vakalevu na vakacegu kei na galala.

Yalataka:Yalataka mo vakayacora na veika oqo ena veimacawa. Tikitaka na kato ni ko sa vakacavara na itavi:

• Vakatovotovotaka na vakabulai lavo ena veisiga.

• Vakavulica na ivakavuvuli oqo ena nomu matavuvale.

• Tomana na vakatovotovotaki ni yavu ni vakavuvuli e liu.

“E tiko e dua na yalo ni dodonu ena itovo ni kua. … Nida vakacolati tu ena levu na dinau, eda sa … biuti keda tu ena ituvaki ni bobula, vakayagataki tiko noda gauna, igu, kei na veika kece me saumi kina na dinau. … E sa bibi meda … bucina na ituvatuva ni vavayagataki kei na vakabulai—tuvatuva vakailavo—ka vakaduiduitaka na veika e gadrevi kei na ka o vinakata.”

Robert D. Hales, “Vakasaqara ka Rawata na iTuvaki Cerecere Vakayalo ena noda Bula” (Church Educational System fireside, Mar. 2009), 6–7; speeches.byu.edu

iDusidusi nei Dauveituberi

Kerea e dua me wasea na sala sa vakalougatataki tiko kina na nona matavuvale mai na ivakavuvuli oqo.

Liu na Veika E Dodonu me Liu Taumada!

Kevaka o sega ni sarava rawa na vidio, digia na itavi ka wilika na itukutuku.

TUVATUVA: Gone tagane kei na yalewa lailai, erau vakasulu tu vakaqase, ka rau dramataki nodrau itubutubu tiko.

CAURAVOU: Au sa yaco mai, watiqu.

GONEYALEWA : Bula vinaka mai Oi isa, o sa rairai oca.

CAURAVOU: O iko talega O dau cakacaka vakaukauwa saraga, e sega beka?

GONEYALEWA : Io, e dodonu meda dau cakacaka vakaukauwa, se cava?

CAURAVOU: Au rawata e 10 nikua.

GONEYALEWA : Oi, sa dua na veivakalougatataki. Ia, me liu mada na ka eliu. Me daru sauma na ikatini?

CAURAVOU: Vakacava ke sega ni veirauti?

GONEYALEWA : Oqori na vanua ena qai curu mai kina na vakabauta!

CAURAVOU: Donu. Na cava tale?

GONEYALEWA : Sa dodonu me daru voli kakana kei na ivodovodo, ka saumi na vale. Ena totoka sara ke voli e dua na idabedabe. …

CAURAVOU: E sega ni rawa. Raica? E sega ni veirauti na ilavo.

GONEYALEWA : E rawa ni daru kerekere?

CAURAVOU: Era dau kaya na dinau e vakarerevaki. E sega ni vinakati me daru vakaleqai.

GONEYALEWA : Donu. O dina saraga. Ia na cava e daru na cakava eke?

CAURAVOU: Daru maroroya! Eda sega ni kila na cava e na yaco.

GONEYALEWA : O vakila ni donu. Ia e sa sega ni dua na ka e vo me baleta na lasa.

CAURAVOU: E daru sa tiko vata ga qo! Au na qai tovolea meu rawaka vakalevu cake.

GONEYALEWA : Au na saga meu vavayagataki vakalailai!

CAURAVOU: Ena sala oqo ena rawa ni daru marau—ka bula rawati kedaru!

GONEYALEWA : Donu! E sega so ni dredre. Na cava era sa dau vakadredretaka saraga o ira na qasecake?

CAURAVOU: O Kila Beka. E sa vakoto ga oya o ira na qasecake!