Mo Tekivu

Vakananuma Vakatitobu:Na cava e vinakata kina na Tamada Vakalomalagi meda bula rawati keda tiko? Ena noda sa bula rawati keda, eda sa vakataki Koya vakacava?

Wilika:Ena ilawalawa, wilika na nodratou ivola na Mataveiliutaki Taumada (ena draunipepa 2) kei na mala ni vosa nei Peresitedi Monson (ena imatau).

“Bula rawati koya e … tiki bibi ena keda ituvaki vakayalo ka vakayago talega. … ‘Na veivakabulai ena rawati walega ena ivakavuvuli oqo.’”

Thomas S. Monson, “Guiding Principles of Personal and Family Welfare,” Ensign, Sepi. 1986, 3).

Veivosaki:Na cava soti na yalayala ena itukutuku oqo? Na cava nomu itutu?

Wilika:Wilika na Vunau kei na Veiyalayalati 29:34 (ena imatau).

“Au sa okata na ka kecega me ka vakayalo, io au sa sega mada ni vakarota vei kemudou ena dua na gauna e dua na ka vakayago ga.”

Vunau kei na Veiyalayalati 29:34

Veivosaki:Na cava o vulica mai na Vunau kei na Veiyalayalati 29:34 me baleta na lako i vuli, vaqara cakacaka, se tauyavutaki na bisinisi? Na cava e sa rui bibi kina mo kila deivaki na dina oqo?

Wilika:Na Noqu Yavu e tiki bibi ni bose vakailawalawa ni bula rawati koya. Na leweni lawalawa era dau tiko ena bose ka vakayacora na veika yalataki era na rawa ni ciqoma na sitivikiti mai na LDS Business College. Gole ki na draunipepa 29 mo railesuva na veika e gadrevi me baleta na kena ciqomi na sitivikiti.

Ena ika 12 ni ivakavuvuli ena Noqu Yavu, eda na veitalanoataka na bibi ni cakacaka vakalotu ni valetabu kei na kedra isema ki na bula rawati koya. Eda rawa ni vakavakarau vakamatavuvale ena gauna oqo me baleta na lesoni oqo. Meda tekivuna na cakacaka ni tuvakawa ena kena vakayagataki na ivolalobi Noqu Matavuvale: iTalanoa Eso E Kauti Keitou Vata Mai. Ena vakaukauwataki na veituvaki kece ni noda bula ena noda doka na noda veiyalayalati ka vukea na nodra vakalougatataki na noda qase e liu.

iDusidusi nei Dauveituberi

Vakabauta na iyaya.

Muria na veidusimaki.

Lewa vinaka na vakayagataki ni gauna.