12

Tokadei ena Cakacaka Solimai, Ciqoma na Cakacaka Vakalotu

Vakananuma Vakatitobu:Na cava e dau tarovi keda mai na noda cakava na veika e bibi duadua?

Sarasara“Doing What Matters Most” (Sega na vidio? Wilika na draunipepa ka tarava.)

Veivosaki:Na cava eso na ka e sega ni bibi era dau cakava tu eso na tamata me ra vakalusia kina nodra gauna? Na Kalou a vakaroti Josefa Simici me tara na valetabu dina ni ra dravudravua tu na leweni Lotu. Na cava na vuna?

WilikaVunau kei na Veiyalayalati 84:20; 136:4; 1 Nifai 18:2–3 (ena imatau)

“Ia na ilesilesi oqo sa vakatakilai mai kina na kaukauwa va-Kalou.”

Vunau kei na Veiyalayalati 84:20

“Raica oqo na ka meda bubului kina ka yalayala kina—meda muria na ivakaro kecega ni Turaga.”

Vunau kei na Veiyalayalati 136:4

“Ia au sa taya ga [na waqa] me vaka sa vakatakila vei au na Turaga; a sa sega ni ta me vaka na kena i cakacaka era kila na tamata. Koi au, ko Nifai, au sa dau lako vakawasoma ki na ulunivanua, meu laki masu vua na Turaga; a sa vakatakila vei au na Turaga na veika lelevu.”

1 Nifai 18:2-3

Wilika“Na Lawa ni Qarauni ni Qele” (e na draunipepa ka tarava)

Veivosaki: Na cava e a vakatakila na Kalou vei Elda Widtsoe ena valetabu? Na cava e a vakatakila na Kalou vei Nifai e ulunivanua?

Ena noda vakasaqara na bula rawati koya, na cava e sa rui bibi kina meda bula kilikili vakavaletabu?

Vakaitokani, wilika na ivolanikalou e ra. Na cava na kena ibalebale vei iko ni ena kilikili vakavaletabu eda sa vakarautaki me da ciqoma na veika e gadrevi ena bula oqo? Veitalanoataka na kena ibalebale ni veika oqo ena nomu bula kei na nomu takete ni bula rawati koya.

“Ia mo ni yalololoma na Tama i keimami Yalosavasava, ka vukei ira kece ga na tamata sa so Kalou ena vale oqo me ra … cokonaki kina e na veika sa dui ganiti ira.”

Vunau kei na Veiyalayalati 109:14–15

Yalataka:Yalataka mo cakava na veika oqo ena lomani macawa. Tikitaka na kato ni o sa vakacavara yadua:

• Vakatovotovotaka mo kilikili vakavaletabu e veisiga.

• Vakavulica na ivakavuvuli oqo kina nomu matavuvale. Vakatavulica vei ira ni golevi ni valetabu ena vukei ira me rawaka vakayalo ka vakayago, ka veivosakitaka kei iratou na veika mo cakava me ciqomi na nona kaukauwa na Kalou e kune ena cakacakavaka lotu ni valetabu.

• Tomana tiko na vakatovotovotaki na yavu ni vakavuvuli e liu.

“Na Turaga ena vukei keda ni da cakava na cakacaka tabu ni valetabu. Na veivakalougatataki ena sega walega ni yalani ena noda veiqaravi e valetabu. E da na vakalougatataki ena veika kece eda vakayacora. E na kauwaitaka na Turaga na veika baleti keda ena bula vakayalo ka vakayago.”

Boyd K. Packer, Na Valetabu Savasava 1980, 182

“Na Cava e Bibi Duadua?”

Kevaka o sega ni sarava rawa na vidio, wilika na itukutuku.

DAUVAKAMACALA: E a voca e dua na waqavuka ena dua na bogi buto ni Tiseba mai Florida. Sivia e 100 na tamata era mate. E a tiko mai na vanua taqomaki ena rauta ga na 20 na maile.

PERESITEDI UCHTDORF: Ni oti na vakacalaka, era saga me kila na dauvakadidike na vu ni leqa. Na iroro e mua e liu a vakarau tu vakavinaka. A taucoko tu na ituvaki vakaigacagaca ni waqavuka. A cakacaka vakavinaka tu na ka kece—vakavo ga e dua na ka: e dua na matanicina lailai sa kama. Na matanicina lailai oqo—e kena isau e 20 na sede—a vakavuna na semati ni leqa me ra laki mate vakaciriloloma sara kina e 100 na tamata.

E dina, na matani cina sa boko tu oya a sega ni vakavuna na vakacalaka; a yaco baleta ni ra sa laki vakatabakidua na kaimua kina ka lailai sara ena gauna oya ka ra guilecava na ka e bibi duadua.

Na ivakarau ni noda dau raica ga na veika tawayaga ka tagutuvi kina na veika bibi e sega ni yaco ga vei ira na pailate kivei keda taucoko. Eda rawa ni vakaleqai kece kina. … E vakatabakidua tiko beka na nomu vakasama kei na yalomu ki na veika lalai e yaga ga vakalekaleka, se ki na veika bibi duadua?

(Dieter F. Uchtdorf, Eda Kitaka Tiko e Dua na Cakacaka Levu Sa Dredre Me da Lako Sobu Ensign se Liaona, Me 2009, 59–60).

Na Lawa ni Qarauni ni Qele

ELDA WIDTSOE: Ena vica na yabaki, ena solisoli ni matanitu kei ira na noqu leweni cakacaka, keitou a kumuna rawa kina e udolu vakaudolu na itukutuku ena tabana ni qele suasua; ia au sega ni rawa ni wasea mai e dua na lawa raraba ni wai e drodro tiko mai kina. Au sa qai mai soro tu yani.

Au gole kei watiqu ki valetabu ena siga oya meu guilecava kina na druka oya. Ena ikatolu ni rumu ni edaumeni, ena veika e sega ni rairai, a basika kina na iwali ni leqa, e sa volai makawa tu. …

Oqori na isolisoli e soli vei ira era curu dodonu ki valetabu, baleta oqori na vanua e namaki kina na ivakatakila. Au wasea vei iko na noqu ivakadinadina ni vakadina kina.

(Ena Alan K. Parrish, Na So-Kalou e Valetabu ena Gauna oqo, 156–57)