iOtioti ni iTaviqaravi

Toso Kiliu ka Veiqaravi

Vakananuma Vakatitobu:Yavutaki ena ivolanikalou kei na vosacavuti ena imatau, e rawa vakacava ni da vakayali keda ena veiqaravi vei ira tale eso ka vakabulai keda?

“Ia ko koya yadua sa via maroroya na nona bula, ena vakayalia: ia ko koya yadua ena vakayalia na nona bula ena vukuqu, ena maroroya.”

Maciu 16:25

“Ko ni sa qaravi Koya tiko na nomuni Kalou, ena nomuni qaravi ira tiko na wekamuni.”

Mosaia 2:17

“Na inaki ni bula rawati koya vakayago ka vakayalo sai koya na noda tu ena dua na vanua cecere cake me rawa ni da laveti ira cake o ira era vakaleqai tu.”

Robert D. Hales, “Kilai Yaloda: Na Sakaramede, na Valetabu, kei na Solibula ena Veiqaravi Ensign se Liaona, Me 2012, 36.

Wilika:Oqo o sa vakacavara na Noqu Yavu, keitou sureti iko mo vakasamataka tale na ivakasala ena ika 7 ni ivakavuvuli. E a kaya o Peresitedi Uchtdorf:

“Na veiqaravi sega ni nanumi koya ga kei na soli-ka e dau vakasavasavataka na yaloda, cilumi laivi na malamala mai na matada vakayalo, ka tadolava na katuba kei lomalagi. Ni da sa isau ni masu ni dua na tamata, eda na dau kunea vakakina na isau ni noda masu.”

Dieter F. Uchtdorf, “Wawa Toka Ga ena Gaunisala i Tamasiko,” Ensign se Liaona, Me 2011, 76.

Veivosaki: Ena rawa vakacava me dolava na “katubaleka kei lomalagi” na veiqaravi vei ira tale eso ena nomu bula?

Vakatovotovo:Tauyavutaka e dua na ituvatuva vakailawalawa se ena nomu matavuvale me caka kina e dua vei ira oqo:

1. Vakayacora e dua na veiqaravi vakailawalawa ena nomu itikotiko. Ena rawa ni o qaravi tauvimate e valenibula, kau kakana vei ira na sega ni vakaitubutubu, se digia tale e dua na itaviqaravi.

2. Sikova na Vale volavola ni Tuvakawa voleka kei na nomu matavuvale. vakarautaka na nomu tuva kawa ena vakayagataki ni ivolalobi Noqu Matavuvale: iTalanoa Eso E Kauti Keitou Vata Mai. Ka qai gole e valetabu ka vakayacora na cakacaka tabu me baleti ira na leweni matavuvale era sa mate.

3. Volodia ena dua na vale ni volavola ni bula rawati koya se qarava na itavi vaka dauveituberi. Mo nona daunivakasala vua e dua ena nona salatu ni bula rawati koya.