10

Vakaraitaka na Buladokai

Vakananuma Vakatitobu:Na cava e dau lomani ira kina na dau “dina e yalodra” na Kalou? (Raica na Vunau kei na Veiyalayalati 124:15.)

Sarasara“What Shall a Man Give in Exchange for His Soul?” (Sega na vidio? Wilika na draunipepa ka tarava.)

Veivosaki: Na cava na ibalebale ni ligasavasava? Na cava e so na sala lalai era solia kina na yalodra e so na tamata me ra rawata mai kina eso na ka ni bula qo?

WilikaYavu ni Vakabauta 1:13.; Mosaia 4:28; Jope 27:5, (ena imatau)

“Eda vakabauta na tiko savasava.”

Yavu ni Vakabauta 1:13

“Ia mo ni nanuma tiko, ko koya yadua sa kerea e dua na ka mai vua na wekana, me vakasuka tale na ka sa kerea mai me vaka sa yalataka oti, kevaka e sega sa na nona ivalavala ca, ka rawa talega ni vakavuna me ivalavala ca ko koya na wekana.”

Mosaia 4:28

“Au na sega ni biuta tani vei au na noqu yalododonu, ka yacova na siga kau na mate kina.”

Jope 27:5

Vakatovotovo:Vakayacora vakataki iko, vakatagedegedetaki iko ena wasewase e so oqo:

Biuta e dua na naba e matai veika oqo me vakaraitaki e vakacava na levu ni gauna o dau cakava na ka oqo. 1 = sega, 2 = so na gauna, 3 =vakawasoma, 4 = voleka ni veigauna, 5 = veigauna

1. Au maroroya na noqu iyalayala, veika au yalataka, kei na veiyalayalati.

2. Au dau dina vakataucoko ena veika au tukuna kei na itukutuku kece au maroroya.

3. Au sega ni dau vakalevulevuya na ka me rawa ga ni rairai vinaka cake mai na kena irairai dina.

4. Au vakalesuya na veika kece au kerea kau sega ni dau kauta na iyaya e sega ni noqu.

5. Au dau dina taucoko vua na watiqu ena noqu vosa kei na ivalavala.

6. Au sega ni dau lawaki, ena gauna talega au kila niu na sega ni tobo kina.

7. Niu kunea e dua na ka e sega ni noqu, au dau vakasuka vua na kena itaukei.

8. Au dau sauma lesu tale na ilavo au dinautaka, okata kina na dinau ni LLV mai na Lotu.

Yalataka:Yalataka mo cakava na veika oqo ena loma ni macawa. Tikitaka na kato ni ko sa vakacavara yadua:

• Vakatovotovotaka na kena vakaraitaki tiko na yalododonu e veisiga.

• Vakavulica na ivakavuvuli oqo kina nomu matavuvale

• Tomana tiko na kena vakatovotovotaki tiko na yavu ni vakavuvuli e liu.

“Na bula dokai e kena ibalebale na nomu cakava na ka e dodonu ka vinaka veitalia na kena isau. E kena ibalebale mo yalododonu mai na yalomu sara e loma, e sega wale ga ena noda ivalavala, ka vakabibi ena noda vakanananu kei na lomada. … Na lasu, lawaki lalai, se lawaki ca mo rawata vakailoa na veika sa sega sara ni ciqoma oqo na Turaga. … Na ivakasokumuni ni sau ni yalodina e veitokani dredre kei na Yalo Tabu, … [ o koya] ena tuberi keda ena veika kece eda cakava.”

Josefa B. Wirthlin, “Yalodina Yadudua,” Ensign, Me 1990, 30–33

iDusidusi nei Dauveituberi

Vukei ira kece me ra vakanamata kina kena cakacakataki—sega ni veivosaki ga.

Cava ena Solia na Tamata me iSau ni Yalona?

Kevaka o sega ni sarava rawa na vidio, wilika na itukutuku.

ELDER ROBERT C. GAY: E a taroga na iVakabula vei ira na Nona tisaipeli na taro: “Cava ena solia na tamata me isau ni yalona?”

Qo e dua na taro e dau tukuna wasoma o tamaqu meu vakasamataka ena veiyabaki sa oti. Niu tubucake tiko, erau dau lesia vei au na noqu itubutubu meu sasamaki e loma ni vale ka rau qai dau saumi au ena cakacaka au cakava. Au qai dau vakayagataka na ilavo o ya, sivia toka e 50 na sede meu laki sara iyaloyalo kina. Ena gauna o ya e rauta ni 25 na sede na icurucuru ni dua na gonelailai. Qo sa na qai vo kina e 25 na sede me saumi kina na loli, ka dau tau ya 5 na sede dua. Dua na iyaloyalo ka kena i vaqa e lima na loli! O ya sa bau totoka dina sara ga.

E vinaka tu na veika kece me yacova ga noqu sa yabaki 12. Totoka tu na soko me yacova niu sa yabaki 12. Ena noqu sa laini tu meu voli tikite au qai kila ni sa tauya 35 na sede na icurucuru ni yabaki 12, ka kena ibalebale sa na lailai mai na rua na loli. Ena noqu se bera ni tu vakarau me sotava na leqa oqo, au sa qai vakanananu lo ga e lomaqu, “Tautauvata sara ga na kemu irairai mai na macawa sa oti.” Au toso yani ka sauma na 25 na sede na isau ni tikite. Au sa qai taroga na tikite ni 25 na sede. E sega mada ga ni sauriva o kesia, kau qai sauma e lima na loli ka sega ni tolu.

Niu marautaka tiko na ka au cakava, au sa gole yani ki vale ka laki talanoataka vei tamaqu na ka au sa cakava. Sega ni tukuna o koya e dua na ka ena noqu talanoataka tiko na ka e yaco. Niu sa vakacavara noqu italanoa, e rai cake mai o koya ka kaya, “Luvequ, ko sa na volitaka tu vaqori na yalomu ena dua na sede lailai vaqori?” E curubasikata sara ga na utoqu yabaki 12 na nona vosa. Au na sega vakadua ni guilecava na lesoni o ya.

(Robert C. Gay, Cava ena Solia na Tamata me iSau ni Yalona? Ensign se Liaona, Nove. 2012, 34.