2

Vakayagataki Vakavuku ni Gauna

“Raica me vakarautaki koya na tamata e na bula oqo me na lesu tale vua na Kalou; io, oqo na bula me kitaka kina na tamata na nona cakacaka kecega.”

Alama 34:32

Vakananuma:Na cava e dua kina vei ira na isolisoli cecere ni Kalou na gauna?

Sarasara:“The Gift of Time” (Ke sega na vidio? Wilika na draunipepa ka tarava.)

Veivosaki:Na cava o vulica mai vei Sister Benkosi?

Vakatovotovo:Oqo e lima na ikalawa o rawa ni taura ena veisiga mo vakayagataka vakavinaka nomu gauna. Me ra qai wiliki kece. E a vakayacora beka o Sister Benkosi na veika oqo?

❶

Lisi ni itavi me qaravi

Ena vei mataka, cakava e dua na lisi ni itavi mo vakayacora. Tomana na yacani tamata mo veiqaravi kina.

❷

Masu

Masuta na veidusimaki. Vakarorogo. Yalataka mo vakayacora na nomu vinaka taucoko.

❸

Tuvanaka na veika me vakabibitaki

Nabataki na veika me vakabibitaki e liu. Me biu na “1” ena itavi bibi duadua, me biu na “2” ena kena e tarava, ka qai tuvai yani vakakina.

❹

Tuvanaka na Takete, Cakava

Vakarogoca na Yalotabu. Tuvanaka na Takete. Cakacaka vakaukauwa. Tekivu ena itavi bibi duadua ka cakacaka muria sobu nomu lisi.

❺

Ripote

Ena veibogi, ripote vua na Tamada Vakalomalagi ena masu. Mo dau taro. Vakarorogo. Vakila na Nona loloma. Veivutuni.

Mo tekivu saraga oqo. Vola ena ivola oqo se ena duatani tale na tikini pepa. Cakava nai 1 ni kalawa: Lisitaka na nomu itavi ni mataka. Oqo me ra itavi bibi ni nomu cakacaka, vuli, se baleta na veiqaravi ena lotu se matavuvale—e sega walega ni cakacaka e lomani vale ni veisiga.

Cakava nai 2 kei na 3 ni kalawa.

Mataka, cakava nai 4 kei na 5 ni kalawa.

Yalataka:Yalataka me vakayacori na veika oqo ena lomani macawa. Tikitaka na kisi ni o sa vakayacora oti na veitavi yadudua oqo:

• Vakatovotovotaka na veikalawa oqo ena veisiga me vakayagataki vakavuku nomu gauna.

• Vakavulica na ivakavuvuli oqo kina nomu matavuvale.

• Tomana tiko na vakatovotovotaki ni yavu ni vakavuvuli e liu.

“Na gauna sa ikoya kece na iyau e tiko e vuravura. … Kevaka e vakayagataki vakavinaka, ena kauta mai na veika me tomani ki na nomu vakacegui, logaloga vinaka kei na vakacegu. Meda navuca na veika oqo, ka biuta laivi na dabe wale ena, vakalusi gauna.”

Brigham Young, ena iVunau nei Brigham Young, sel. John A. Widtsoe (1954), 214

iDusidusi nei Dauveituberi

Ni tiko nodra taro na leweni lawalawa, vukei ira me ra sauma ga vakataki ira.

Na iSolisoli ni Gauna

Kevaka e sega ni tiko na kena vidio, e rawa ni digia na itavi ka wilika na veika e sa volai.

KOFI: Ni bula, Sister Benkosi. “Ni sa vakaevei tiko?

SISTER BENKOSI: Sa vakacava tiko, Kofi o sa daumaka tiko beka?

KOFI: Oilei, Sister Benkosi. Au sa dau osooso tu ga. Au cakacaka tiko kau veiqaravi ka vukea tiko noqu matavuvale … ka sa tiko tale ga na noqu dau qito soka. Sa sega ga vei au na gauna!

SISTER B.: Kofi, e sa tiko vei iko na gauna kece o gadreva.

KOFI: Na cava?

SISTER B.: Noqu tagane, na Kalou sa solia vei keda e dua na isolisoli cecere—noda gauna. Meda cakava kina na veika e bibi duadua.

KOFI: Ena rawa vakacava, Sister Benkosi? O sa dau cakava e levu na ka. O sa rawata vinaka na ka baleta nomu matavuvale, nomu bisinisi. O sa veiqaravi ka vakalougataka e lewe vuqa, vakataki au. Au sega ni kila o cakava tiko vakacava.

SISTER B.: O vinakata dina mo kila? Kevaka o na tiko vakadua ka vakarorogo, au na tukuna vei iko na noqu ka vuni.

Ena veimataka au yadra mai ni se bera ni cadra na matanisiga. Au vakaisulu ka savata na mataqu kei na ligaqu.

Wili ivolanikalou. Au sa dau qai cakava e dua na lisi ni veika meu vakayacora ena siga oya.

Au vakasamataka ocei au rawa ni veiqaravi kina. Au masu meu kila na nona lewa na Kalou. Kau qai vakarorogo.

Eso na gauna e dau lako mai kina noqu vakasama na matadra kei na tamata. Au tomani ira ki na noqu lisi.

KOFI: Oqori beka na sala o kila kina ocei e gadreva na nomu veiqaravi?

SISTER B.: Io, Kofi. Kau masulaka na kaukauwa kei na vuku. Au masu me “vakatabuya na [noqu] vakaitavi” na Kalou. E tukuni ena 2 Nifai 32:.

Au vakavinavinaka Vua. Au yalataka meu na cakava na noqu vinaka taucoko. Au kerea me cakava o Koya na veika au sega ni rawata.

Kau qai raica noqu lisi. Me biu na “1” ena itavi bibi dudua, qai biu na “2”.

KOFI: O kila vakacava na veika me vakaliuci?

SISTER B.: Au dau vakarorogo niu dau masu! Kau qai cakacaka. Au raica na naba 1 ka tovolea me caka iliu, sa qai naba 2.

Ena so na gauna e dau veisau eso na ka. Na Yalo Tabu e tukuna vei au meu vakayacora e dua tale na ka. Oya e vinaka.

Au cakacaka vakaukauwa, ia au vakacegu tu. Au kila ni na vukei au na Kalou.

Ena, noqu lisi kei na Yalotabu, au vakayacora na veika e bibi, Kofi.

KOFI: E rogorogo rawarawa ka dredre talega.

SISTER B.: O dina saraga! Niu sa dau vakarau tu meu moce, au masu. Au ripote vei Tamada Vakalomalagi. Au tukuna Vua na ilakolako ni siga oya. Au dau taro. Au taroga se cava au rawa ni cakava me vinaka cake. Au vakarorogo. Au vakila na Nona loloma. Au kila ni o Koya e dau vakalevutaka na veika au dau tovolea meu cakava. Kau vakacegu, Kofi, kau moce sara.

KOFI: Sa ka vinaka dina, Mama Benkosi. Au vinakata na vakacegu oqo. Au vinakata meu vakayagataka noqu gauna. Au via cakacaka ka veiqaravi vinaka cake sara.

SISTER B.: O na biuta laivi na veika e tawayaga, Kofi. O na vakayagataka nomu gauna mo cakava kina na veika e bibi. Ka na tiko vata kei iko na Kalou ke donu na veika e tiko e yalomu.

KOFI: Vinaka vakalevu.

SISTER B.: Lako yani, noqu tagane. Sa levu na ka mo cakava!