5

Cakacaka: Taura me Nomu iTavi

Vakananuma Vakatitobu:Na cava o vakila me baleta na nona vinakata na Tamada Vakalomalagi me da vakaitavi ena noda bula yadudua?

“Sedrick ’s Journey” (Sega na vidio? Wilika na draunipepa ka tarava.)

Veivosaki:E rawata vakacava o Sedrick me vakayagataka nona galala me vakaitavi ena nona bula mai muri? Na cava ena yaco vei Sedrick kevaka e beitaka e dua tale me baleta na veibolebole e sotava?

Wilika2 Nifai 2:16, 26.; Vunau kei na Veiyalayalati 42:42 (ena imatau)

“A sa solia na Turaga na Kalou vua na tamata me lewa na ka e kitaka … [na tagane kei na yalewa era galala] era na lewa na ka me ra kitaka ka sega ni vakasaurarataki vei ira.”

2 Nifai 2:16, 26

“Mo kakua ni vucesa; raica ko koya sa vucesa ena sega ni kania na kena kakana se tokara na nona isulu na daucakacaka.”

Vunau kei na Veiyalayalati 42:42

Vakatovotovo:Vuki ki na dua na leweni lawalawa volekati iko. Wilika vata, na itukutuku e ra mai vua na Parofita Josefa Simici. E vamacalataka o koya na veika e sotava ena nona tubucake tiko. Veivosakitaka na veitaro oqo:

• Na cava na nona ituvaki vakayago?

• Na cava o vulica me baleta na bula rawati iko ena nona vosa na parofita?

• Na cava na ibalebale ni nona kaya na Parofita “cakacaka tikoga”?

“E sega soti ni tamata vutuniyau ena veika vakavuravura ko tamaqu, ka gadrevi vakalevu sara me keitou dau cakacaka vakalevu e ligai keitou, ka keitou dau cakacaka saumi e veisiga se dua tale na sala, ena veigauna e rawa kina. Ena so na gauna keitou dau tu ga e vale, ka so na gauna keitou tu tani, ia ni keitou cakacaka tikoga sa rawa kina na veika me keitou bula kina.

Josefa Simici—Ai Tukutuku 1:55

Vakatovotovo:Vakasamataka ena rawa vakacava mo rawata vakai iko na bula rawati iko. Vola e rua se tolu na veisau o via cakava ena nomu ivalavala se vakasama.

Yalataka:Yalataka mo cakava na veika oqo ena loma ni macawa. Tikitaka na kisi ni o sa vakacavara na itavi:

• Vakatovotovotaka na vakaitavi ena veisiga.

• Vakavulica na ivakavuvuli oqo ki na nomu matavuvale.

• Tomana na kena vakatovotovotaki na yavu ni vakavuvuli e liu.

“Sa bulia na Kalou na bula oqo me dau gadrevi kina na soli igu e veigauna. … Ena cakacaka keitou sa tokona ka vakavutuniyautaka kina na neitou bula. … Na cakacaka e tara cake ka vakasavasavataka na ivakarau ni bula, bulia na veika totoka, ka iyaya ni noda veiqaravi vei keda vakataki keda kei na Kalou. Na bula e vakatabui e vakasinaiti ena cakacaka, ena so na gauna e tokaruataki, … ena so na gauna e sega ni dau vakavinakataki, ia e veigauna kecega na cakacaka e veivakavinakataki, … veilaveti, [ka] veivakatataki cake.”

D. Todd Christofferson. “Nanumi Lesu na Bula sa Vakatabui,” Ensign se Liaona, Nove. 2010, 17.

Na ilakolako i Sedrick

Kevaka o sega ni sarava rawa na vidio, wilika na italanoa.

SEDRICK: Na yacaqu o Sedrick Kambesabwe. Au vakaitikotiko ena Democratic Republic e Congo. Au lewe ni Lotu ena YDE.

Au daukaulotu ni tabana ena koro o Kipusanga. Au gadreva meu vakarau laki kaulotu e vanua tani. Meu rawa niu laki kaulotu, au gadreva e dua na pasipote, e tiko na kena isau ena gauna oqo ena 250 na dola ni Amerika.

Meu rawai lavo, keirau dau voli jaina kei tamaqu. Eso na koro era dau tei jaina vakalevu: Tishabobo, Lusuku, kei Kamanda.

Na koro o Tishabobo e 9 na maile mai ke. Na koro o Lusuku e 18 na maile. Na koro o Kamanda e 18 talega na maile. Keirau lako ena veikoro oqori ka voli jaina, ka kauta mai me volitaki eke.

Na ilakolako ki na veikoro oqori e dau vakayagataki na basikeli. Keirau dau rawa ni kauta e va kina ono na veta jaina.

Niu dau vodo basikeli, e dau rauta na dua kina veimama ni auwa lako yani lesu mai, kevaka e vinaka tiko na basikeli kau kaukauwa tiko. Ena sigalevu e sa dau wadra na siga, au dau lako vakamalua baleta na katakata ni siga.

E rawa niu dau lesu vakarua ena dua na siga kevaka au yadra vakamataka lailai. Esa dua na sala vinaka me rawa ni saumi kina na noqu pasipote.

Ena gauna oqo au sa rawa ilavo tiko, vakalalai, kau sa vakabulai ilavo me baleta na vuli kei na kaulotu. Oqo, ni oti e va na yabaki ni cakacaka, au sa rawata na isau ni pasipote, ka bula tale tu e 70 na dola.