11

Vakasaqara na Vulika kei na Vuli

Vakananuma:Na parofita e sa tukuna na vuli e idola ki na veika lelevu. Gauna cava o a raica kina ni dina na ka oqo?

Sarasara:“The Glory of God is Intelligence” (Sega na vidio? Wilika na draunipepa ka tarava.)

Veivosaki:Na cava e vakabauta kina o Alexander ni sa bibi sara na vuli tiko ena noda bula taucoko? Na cava e nanuma o Emelda me baleta na vuli lesoni kei na vuli? E vukei koya vakacava na dinau ni LLV? E a inaki vinaka beka me dinau kina?

WilikaVunau kei na Veiyalayalati 88:118–19; iVoladusidusi 2 6.1.1 (ena imatau)

“Ia me vaka ni sa sega ni taucoko sara na nomudou vakabauta, dou gumatua sara mo dou veivakavulici vakataki kemudou ena vosa ni yalomatua; io, dou vakasaqara mai na ivola vinaka na vosa ni yalomatua; dou vakasaqara na kila ka, io ena vuli kei na vakabauta. … Tara e dua na vale … ni vuli.”

Vunau kei na Veiyalayalati 88:118-19

“Na [leweni Lotu] e sa dodonu me vakavinakataka cake na nodra rawata me ra wiliwili, volavola, cakava na fika taumada. Sa dodonu me ra rawata na kena levu ga ni vuli era rawa ni rawata, okati kina na vuli tara ena veivanua e rawati kina.”

iVoladusidusi 2 6.1.1

Vakatovotovo:E rawa ni da tomana tiko na vulika ena noda bula taucoko. E ra, vola kina e dua na ka o vulica ena veivurevure ni vulika yadudua.

iVurevure ni Vulika	E dua na ka Au Vulica Walega Oqo ena Veivurevure oqo
O ira na tamata wavoliti au, ira noqu iliuliu
Veika sotavi ni bula
iVola kei na Kakaburaki
Valenivuli/qasenivuli
Na ivolanikalou, valetabu, na Yalo Tabu

Veivosaki:Ena rawa vakacava mo vulika tiko ka tubu tiko e veisiga?

Yalataka:Yalataka mo cakava na veika oqo ena lomani macawa. Tikitaka na kato ni ko sa vakacavara yadua:

• Vakasaqara na imadigi ni vuli, ka vola na veika o vulica.

• Vakavulica ena nomu matavuvale na ivurevure duidui ni vuli ena bula. Navuca eso na sala ena rawa ni vakalevutaka cake na vuli ena nomu matavuvale—vei ira na qase kei na gone.

• Tomana tiko na vakatovotovotaki ni yavu ni ivakavuvuli e liu.

“E noda na madigi kei na bolebole me da vakaitavi ena vuravura ni bisinisi, vakadidike, matanitu, veika vakavuniwai, kei na veika kece e vinaka ka veitaraicake. E noda itavi me da vakamatautaka na ligada kei na noda vakasama me rawaka ena cakacaka e vuravura me vakalougatataki na tamata kecega.”

Gordon B. Hinckley, “A City upon a Hill,” Ensign, 5 ni Julai, 1990

Na lagilagi dina ni Kalou na vuku.

Kevaka o sega ni sarava rawa na vidio, digia na itavi ka wilika na itukutuku.

DAUVAKAMACALA: Alexander e turaga ni Peru ka solia tu nona bula ena vulika kei na veivakavulici. E wasea o koya na veika oqo:

ALEXANDER: Niu se gonelailai, e dau vakavulica vei keitou o tamaqu me keitou dau vuli lesoni ka vakamareqeta na vuli.

E rua na ka eda rawa ni cakava me da toso ki liu ka bula sautu ena bula oqo. iMatai, dau vakabauta ka vosota me yacova na ivakataotioti. iKarua, vulica ka vulika.

Au sa vulica ena noqu bula taucoko ni vuli e idola ni veika vakayago me da rawata na noda veitakete ni bula.

Au a laki kaulotu ka lailai na kila ni kosipeli ia e cecere na noqu gagadre meu vakayacora na veika e dodonu ka vuli.

Au sega ni tiko e valenivuli, ia au vakabauta na noqu kaulotu e gauna uasivi duadua ni vuli ena noqu bula.

Au dau taura na madigi meu dau vuli ena vanua kece ga au tiko kina: e vale, cakacaka, lotu, univesiti, se e lomani basi. Au dau tovolea meu vuli tiko ga.

Na valetabu e vanua bibi duadua ena noqu bula ka koronivuli taleitaki vinaka duadua e vuravura.

DAUVAKAMACALA: O Emelda e dua na saumaki mai na Lotu e Sauca Aferika ka a vakila na dina ni nona tatadra ena dina mai na iLavo Vure ni Vuli. E a wasea na nona ivakadinadina.

EMELDA: Noqu gone vuku e sega ni dua na ka au rawata vakataki au; au rawata ena veivuke ni Lotu! Au kila tu noqu lewena na Lotu i Jisu Karisito ni Yalododonu Edaidai ena kauti au kina veika vakayalo cecere, ia au sega vakadua ni nanuma ni na dolava vei au na katuba ni vuli. …

Noqu vulica na kosipeli e dua dina na kaci ni veivakayadrati. Au mai vakila kina niu lewa vakataki au na noqu icavacava. … Veitalia ga na ituvaki eda tiko kina ena gauna oqo kei na veika eda vakila, au sega ni vakatitiqataka ni Tamada Vakalomalagi e tiko na nona ituvatuva vivinaka me baleti keda.