7

Yaco me Duabau, Cakacaka Vata

Vakananuma Vakatitobu:Na cava e kena ibalebale meda “dua bau”? Na cava e gadrevi kina oqo ena bula rawati koya?

Sarasara:“Ena nona sala na Turaga” (Sega na vidio? Wiika na tabana ka tarava.)

Veivosaki:Na cava e vakavulica na itukutuku oqo me baleta na noda veiqaravi ka veivuke vei ira na tani?

Wilika:Mosese 7:18; Vunau kei na Veiyalayalati 104:15–17 ena vava ni volavola.

“A sa vakatokai ira na nona tamata na Turaga mera lewe i Saioni, ni ra sa yalovata ka duavata … a sa sega vei ira na dravudravua.”

Mosese 7:18

“Raica sa noqu inaki meu vakarautaka na veika oqo me yaga vei ira na noqu tamata; io au sa lewa na ka kecega. Ia mena vakayagataki ena sala sa dodonu vei au; ia ko i au na Turaga, oqo na sala kau sa lewa mera vukei kina na noqu tamata; io me vukei ira na dravudravua mera vinaka cake mai, ka loveci ira sobu na vutuniyau mera tautauvata. Raica sa sinai sara ko vuravura ena ka kecega; io sa rauta na ka me vakayagataki ka vo tu yani.”

Vunau kei na Veiyalayalati 104:15–17

Vakatovotovo:Cakava na veika oqo:

1. Mo vakasamataka vakataki iko, na vei taledi, naba ni veitaratara, se so tale na ivurevure e tiko vei iko. Ena rawa vakacava ni vukea tale eso na leweni ilawalawa na nomu isolisoli me rawati na bula rawati koya? Wasea na nomu nanuma eso:

2. Vakailawalawa, ni veiwaseitaki na nomuni taledi, naba ni veitaratara, kei na ivurevure tale eso o lisitaka tu. Vola na naba ni veitaratara se ivurevure tale eso e tiko vei ira na tani ena rawa ni vukei iko.

3. Oqo mo lisitaka na ivurevure e tiko ena Valenivolavola ni bula rawati koya ni Lotu, oka kina na daunivakasala, Komipiuta, kei na so tale. Na cava o gadreva kina na veika oqo?

4. Na ivurevure cava e tiko vei iko ena rawa kina ni vukei iko kei ira na tani mo ni bula rawati koya?

5. Ena rawa vakacava mo vukei ira na tani ena nodra salatu kina bula rawati koya?

6. Ena rawa vakacava ni o vakayagataka na veivuke mai vei ira na tani ena nomu salatu ?

Wilika:Mo vakatovotovotaka nomu rawata, ena rawa ni o cakava na veika oqo:

• Vukea na matavuvale ena vakalevutaka ni duavata kei na cakacakavata.

• Veitalanoa kei ira na leweni nomu tabanalevu era sa bula rawati ira. Taroga se ocei se na ivurevure cava e vukei ira. Kerea mera na nomu daunivakasala!

• Lako kina tolu na vanua ena nomu itikotiko e tiko kina na ivurevure me vukei iko mo bula rawati iko. Vola na veiqaravi era rawa ni solia. Tekivu mo vakayagataka!

Yalataka:Yalataka mo cakacakataka na veika oqo ena loma ni macawa. Tikitaka ni o vakacavara na itavi:

• Vakatovotovotaka na cakacaka kei ira na tani (cakacaka kei na nomu matavuvale, leweni tabanalevu kei na ivurevure ena nomu itikotiko me vaka sa lisitaki e cake).

• Vakavulica na ivakavuvuli oqo kina nomu matavuvale.

• Tomana na vakatovotovotaki ni yavu ni vakavuvuli e liu.

“Ni da cakacakavata ena veitokoni, … eda rawata na ka ga e takoso. Ni da vakayacora vakakina, eda kauta tani na malumalu ni dua na tamata e tu duadua tu ka veisosomitaka kei na kaukauwa ni veiqaravi vata kei na lewe vuqa.”

Thomas S. Monson, “Era Vosa Cake mai na iLiuliu ni Lotu ena veika Vakamareqeti ena Kosipeli ” Ensign, Me 1999, 118.

Bulataka na iVakarau ni Turaga

Kevaka o sega ni sarava rawa na vidio, wilika na itukutuku.

PERESITEDI EYRING: Na ivakavuvuli ena yavu ni parokaramu ni welefea ni Lotu e sega ni ka ni dua ga na vanua se gauna. Era ka ni veigauna kei na veivanua. …

Na sala mena caka dina e matata. O ira era sa rawata vakalevu era sa vakayalomalumalumutaki ira mera vukei ira era gadreva.

O ira era tiko vakalevu vei ira mera soli bulataka na nodra logaloga vinaka, gauna, maqosa vakacakacaka, kei na ivurevure ena nodra vakacegui na vakaloloma. Me solia na veivuke ena sala ena rawa ni vakalevutaka na kaukauwa i koya e ciqoma me na rawa ni ra qarauni koya [ka qai qarauni ira na tani].

Oqo e caka, ena sala ni Turaga, e dua na ka veivakurabuitaki e rawa ni yaco. Erau vakalougatataki ruarua o koya e solia kei koya e ciqoma.

(Henry B. Eyring, na vosa e caka ena vakatabui ni Sugarhouse Utah Welfare Services Center, June 2011. LDS.org; na vosa era tiko ena bracket e tomana kina o Peresitedi Eyring ena veivakatarogi ena Maji 2014)

PERESITEDI UCHTDORF Kemuni na taciqu, eda sa veiyalayalatitaka ka nodai tavi meda kauwaitaka na nodra gagadre na tani ka veiqaravi me vaka a vakayacora na iVakabula—meda dodo liga yani, vakalougatataka, ka laveti ira era tu wavoliti keda.

Ena levu na gauna, na sau ni noda masu e sega ni lako mai ena gauna eda tekiduru tu kina ia ena gauna eda tucake ka veiqaravi tiko vua na Turaga kei ira era tu wavoliti keda. Na veiqaravi tawananumi koya kei na yalo e vakatabui, e kauta tani na veika e mataboko tu kina na matada vakayalo ka dolava na katubaleka kei lomalagi. Ena noda laki sauni masu ki vua e dua tale, e vakawasoma na noda kunea na sau ni noda.

(Dieter F. Uchtdorf, Wawa Toka Ga ena Gaunisala i Tamasiko Ensign se Liaona, Me 2011, 76).