9

Gugumatua tikoga

Vakananuma Vakatitobu:Eda vulica vakacava me da cakava tiko e dua na itavi me yacova ni sa oti?

Sarasara:“E dua ga na Dautavatu” (Sega na vidio? Wilika na tabana ka tarava.)

Veivosaki Eda vulica vakacava me dau tomana tiko ga na ilakolako ni sa dredre mai? Ena rawa vakacava ni da rawata na gugumatua tikoga kevaka eda nuitaka tiko ga na Turaga?

Wilika:iTukutuku mai vei Peresitedi Faust; Iperiu 12:1; Vunau kei na Veiyalayalati 58:4 (ena imatau)

“E dau vakaraitaki na sasaga vagumatua mai vei ira era dau toso tikoga ni sa dredre mai na itosotoso, o ira era sega ni dau soro, ena gauna era sa kaya mai kina na kena vo,‘Sa sega ni rawa.’”

James E. Faust, Tomani tikoga Ensign se Liaona, Me 2005, 51.

“Me da ciciva tiko ga na cere esa tiko e matada.”

Iperiu 12:1

“Ni sa oti na veika rarawa, ena yaco na veivakalougatataki.”

Vunau kei na Veiyalayalati 58:4

VakatovotovoCakacakavata ena vulici na iwalewale oqo ni gugumatua tikoga kei na vorati ni veibolebole:

• Vakailawalawa, wilika na ikalawa e koto ena iwalewale e ra.

• Vuki vua e dua na leweni lawalawa. Drau veitarogitaka kevaka e tiko e dua na ilesilesi se itavi e sotavi tiko e sa rui dredre.

• Drau veivukei ena kena vakaraici na va na kalawa e ra, na kena veitalanoataki na ilesilesi se itavi.

• Yalataka vei kemudrau ni drau na gugumatua tikoga—ni drau na toso tiko ga me yacova ni sa vakacavari vakavinaka na ilesilesi se itavi.

➊

Taukena na iTuvaki Vinaka ni Vakasama

Lisitaka na nomu kalougata.

➋

Nanuma me Cakacakataki Vata

Taroga na itokani, icaba, leweni lawalawa, kei ira tale eso mera veivuke.

➌

Veisosomitaka na Rere ena Vakabauta

Levea na vakatitiqa. Nanuma tiko na Kalou e tiko kece vua na kaukauwa. Masuti Koya ka ciqoma na Nona lewa.

➍

Toso yani ena Yalovosota kei na Qaqa

Kua, kua, kua sara; ni soro; vosota ena vakabauta.

“Kakua ni lutu ena veitemaki erau rawai kina o Leimani kei Lemueli. Ena gauna a soli mai na ivakaro talei me ratou kauta mai na peleti vei Lepani, na itukutuku e vakaraitaka ni rau a vosa kudrukudru, erau tukuna ni sa rui dredre na ka e vakaroti vei rau. Ka mani rau vakayalia kina na nodrau madigi kei na isolisoli. Ia, me vaka na tacidrau o Nifai na nomu ivakarau: ‘Au na ia ka kitaka na veika sa vakarota na Turaga 1 Nifai 3:5–7).”

Thomas S. Monson, Nodra iVakavuvuli o Thomas S. Monson (2011), 54

VakatovotovoDigia e dua na ibolebole e sotava tiko na nomu matavuvale. Vakayagataka na iwalewale e cake ka dusia e rua se tolu na sala me toso na nomu vakabauta, nuitaka ni na veivakarautaki na Kalou:

Yalataka:Yalataka mo cakava na veika oqo ena loma ni macawa. Tikitaka na kato ni ko sa vakacavara na itavi yadudua:

• Vakatovotovotaka na gugumatua tikoga ena sala o sa dusia e cake.

• Vakatavulica ki na nomu matavuvale.

• Tomana mo vakatovotovotaka na yavu ni vakavuvuli e liu.

“E noda itavi me da tubu sivia na dauvamumuri tu ga kina kila na ka, mai na druka ki na rawaka. Na noda itavi me da yaco me da tamata vinakacake sara. E dua na isolisoli cecere ni Kalou vei keda sa ikoya na reki ni dau tovolea tale, me kakua ni da vakadrukai ena druka.”

Thomas S. Monson, “Na Lewa e Koto e Lomada” Ensign, Me 1987, 68.

E dua na Dautavatu ga

Kevaka o sega ni sarava rawa na vidio, wilika na itukutuku.

ELDER HOLLAND: O John R. Moyle e dua na painia mai Igiladi ka a takosovi Amerika ena qiqi dreti. E vakaitikotiko e Alpine, Utah, e rauta ni 22 na maile (35 na kilomita) mai na Valetabu e Salt Lake.

E a kacivi Brother Moyle o Brigham Young me iliuliu ni tavatu ena kena tara tiko na Valetabu e Salt Lake.

Me rawa ni dau tiko e vanua ni cakacaka ena 8 na kaloka ena mataka ni Moniti, e dau tekivu taubaletaka tu mai o Brother Moyle na 22 na maile ena 2 na mataka ni Moniti. E dau suka na cakacaka ena 5 na yakavi ni Vakaraubuka ka qai tekivu taubale ki vale, ka yaco tiko yani ni bera vakalailai na bogilevu. E sa nona ituvatuva tu ni veimacawa oqori me rauta e 20 na yabaki ena gauna a tara tiko kina na valetabu.

Dua na gauna ena nona tiko e vale ena muani macawa e cudru e dua na nona bulumakau ena gauna e loba tiko kina na sucu ka qai caqeta na yavai Brother Moyle, ka mai kamusu na sui ni yavana e ruku ni duruna.

E a sega sara ni vinaka tu na veiqaravi vakavuniwai ena vanua ni teitei, eratou qai cavuta na nona matavuvale e dua na katuba me vesu kina o koya me sa teveli ni veisele. Sa qai tauri mai na ivaro e dau musu kina na tabani kau ka mai vakayagatataki me musu kina na yavana vakalailai ga e ruku ni duruna.

Ni sa tekivu mavo tiko na yavana, e taura o Brother Moyle e dua na tikini kau ka ceuta kina e dua na yava cavu. Matai e taubale e lomani ni vale. Sa qai taubale e yasani vale. Sa qai taubale taka wavokita o koya na nodratou qele taucoko.

Ena gauna e sa vosota rawa kina o koya na mosi, e sa cobara yani na yavana kau, ka taubaletaka yani na 22 na maile ki na valetabu e Salt Lake City, kabata na ikabakaba ni tara vale, taura na ituki ni ceuceu e ligana ka qai ceuta na “Tabu me nona na Kalou.”

Raica talega na Jeffrey R. Holland, “Me vaka na Ruve ena neitou Katubaleka,” Ensign, Me 2000, 76–77.)