iVakamacala Taumada

Kemuni na Taciqu kei na Ganequ:

Esa vakarota na Kalou, “Sa noqu inaki meu vakarautaka na veika oqo me yaga vei ira na noqu tamata” (V&V 104:15). Na ivakatakila oqo e dua na iyalayala mai vua na Turaga ni o Koya ena vakarautaka na veivakalougatataki vakayago ka dolava na katuba ni bula rawati koya, sa ikoya na noda rawa ni vakarautaka na veika ni bula me baleti keda kei na noda leweni matavuvale.

Na ivola lobi, Noqu Yavu, e sa vakarautaki me ra vukei kina na leweni Lotu me ra vulica ka bulataka na ivakavuvuli ni vakabauta, vuli, cakacaka vakaukauwa, kei na nuitaka na Turaga. Nomu ciqoma ka bulataka na veivakavuvuli oqo ena vukei iko sara ena nomu ciqoma na veivakalougatataki vakayago e yalataka mai na Turaga.

Keitou sureti iko mo vulica vagumatua ka bulataka na veivakavuvuli ka vakavulica vei ira na leweni nomu matavuvale. Nomu vakayacora vakakina, ena vakalougatataki na nomu bula. O na vulica mo vakayacora na veika oqo ena nomu salatu ki na bula rawati koya cecere. Ko na vakalougatataki ena nuinui, vakacegu kei na toso ki liu.

Yalovinaka mo kakua ni vakatitiqataka ni o iko o luvena na Tamada mai Lomalagi. E lomani iko o Koya ka na sega vakadua ni biuti iko. E kilai iko ka sa tu vakarau me dodoka yani vei iko na veivakalougatataki ni bula rawati iko.

Wekamuni dina,

Na Mataveiliutaki Taumada