8

Veitaratara: Vakatakekere ka Vakarorogo

Vakananuma Vakatitobu:O sa bau sotava vakadua na nona sauma na nomu masu na Tamada Vakalomagi me baleta na cakacaka, nomu bisinisi, se nomu vuli?

Sarasara:“Creating Lift” (Sega na vidio? Wilika na draunipepa ka tarava.)

Veivosaki Na cava e tukuna o Peresitedi Uchtdorf ena rawa ni da laveti keda mai na vei kauwai vakavuravura? E tiko beka na gauna eda sega ni vakila rawa na sau ni noda masu? E tiki bibi beka ni masu na vakarorogo?

WilikaVunau kei na Veiyalayalati 8:2; Malanivosa mai vei Elder Nelson (ena imatau)

“Io, raica, au na tukuna ki na nomu vakasama kei na vu ni yalomu, ena Yalo Tabu, ka na qai lako mai vei iko ia ka na tiko sara ena lomamu.”

Vunau kei na Veiyalayalati 8:2

“Ena vakalougatataki na yalomu ni ko vulica mo vakarorogo, ka qai vakarorogo mo vuli mai vei ira na gone, itubutubu, itokani, neiba, kei na iliuliu ni Lotu, o ira kece era na vakalevutaka na nomu rawa ni rogoca na ivakasala mai cake.”

Russell M. Nelson, “Vakarorogo mo Vuli,” Ensign, Me 1991, 24.

VeivosakiVakailawalawa, veivosakitaka na veitaro oqo: Na cava e sa rui bibi kina na vakarorogo? E na vukei keda vakacava ena noda cakacaka na dauvakarorogo vinaka?

Vakatovotovo:Cakava na itaviqaravi oqo mo vakavinakataka na nomu vakarorogo:

• Vakailawalawa, wilika na veikalawa ka veivosakitaka vakatotolo.

• Taroga e dua se rua na leweni ilawalawa me tukuna vei ira na kena vo baleta e dua na ibolebole se taro e tiko vei iratou. O ira na kena vo me vakarogoca, ena vakamuri ni veikalawa oqo.

• Tarogi ira na leweni lawalawa era a vosa na cava era vakila ni ra saga mera vakarorogo na ilawalawa.

❶

Vakanamata vakatabakidua

• Vakanamata kina nona vosa kei na veika e vakaraitaka na kena ituvaki o koya ka mai vosa.

• Kua ni curu takoso.

➋

Vakavinavinataka

• Vakaraici koya ka mai vosa.

• Vakayagataka na vosa lalai vaka na “io” se “donu.”

• Vakavinavinataki koya ka mai vosa.

➌

Railesu

• Tukuna: “O a kaya tiko. …”

• Ka qai tokaruataka tale na veika o rogoca.

➍

Taroga

• Taroga: “Au kila vinaka beka na ka o a kaya?”

• Waraka na kena isau ka vakaroroga.

Yalataka:Yalataka mo cakava na veika oqo ena loma ni macawa. Tikitaka na kato ni ko sa vakacavara na itavi yadudua:

• Vakatovotovotaka na veikalawa ni vakarorogo vinaka cake ena nomu matavuvale:

  • Taroga e dua na leweni matavuvale me wasea e dua na ibolebole se taro e sotava.

  • Vakatovotovotaka na veikalawa ni vakarorogo ena nomu vakarogoca na ibolebole.

• Vakavulica na ivakavuvuli oqo kina nomu matavuvale.

• Tomana mo vakatovotovotaka na yavu ni vakavuvuli e liu.

“E rogoca na Tamada Vakalomalagi na nodra masu na luvena ena veiyasai vuravura ni ra kere kakana mera kania, isulu mera vakaisulu kina, kei na galala me na yaco mai ni ra sa bula rawati ira. Sa rogoca o Koya na kerekere kece oqori, tekivu mai na gauna e a biuta kina o Koya na tagane kei na yalewa e delai vuravura.”

Henry B. Eyring, “Opportunities to Do Good,” Ensign se Liaona, Me 2011, 22.

“Me da kerea na veivuke ni tamada Vakalomalagi ka vakasaqara na kaukauwa ni Veisorovaki ni Luvena o Jisu Karisito. Ena veika vakayago ka vakayalo, na kena rawati na veivuke vakalou oqo sa rawa kina me da dauveiqaravi ena veika yaga ni bula me baleti keda kei ira na tamata.”

Robert D. Hales, Yaco mo Dausoli-ka: Vakayago ka Vakayalo Ensign se Liaona, Me 2009, 7–8

TaUyavutaki na Veilaveti

Kevaka o sega ni sarava rawa na vidio, wilika na itukutuku.

PERESITEDI UCHTDORF: Me rawa ni tubu cake mai dela ni qele edua na waqavuka, e dodonu mo vakayacora e dua na ka me rawa kina ni talave. Ena verevereya ni vuka, na talave ena yaco ni sa liwava na dela ni taba ni waqavuka na cagi ka kaukauwa cake na kena liwa ena ruku ni taba ni waqavuka mai na kena e delana. Na gauna sa kaukauwa cake kina na sasaga ni tubu cake, mai na idre ni lutu sobu ki na qele, sa na qai vuka tubu kina na waqavuka.

Ena rawa talega ni da laveta vaka o ya na noda bula vakayalo. Ni sa tubucake na kaukauwa ka na biligi keda ki lagi mai na idre ni veitemaki kei na lomaleqa ka na dreti keda sobu, sa na qai rawa me da cabeta yani na matanitu e vakaitikotiko kina na Yalotabu.

E dina ni levu na ivakavuvuli vakosipeli ena vukei keda me da na rawa ni laveti, au na gadreva meu vakanamata ki na dua ga vei ira.

“Masu?”

Na masu sai koya e dua na ivakavuvuli vakosipeli ka na rawa ni veilaveti. Na masu e tiko kina na kaukauwa me laveti keda mai na [veigagadre vakavuravura. Na masu e rawa] ni laveti keda cake mai na delani o ni taqaya [se] loaloa kina rarama kei na serau ni tuvaki maravu.

E dua na veivakalougatataki levu kei na dodonu e tiko vei keda ni da luvena na Tamada Vakalomalagi sa ikoya na noda na rawa ni veitaratara vata kei Koya. E rawa ni da tukuna Vua na ka eda sa sotava tiko, na dredre kei na veivakalougatataki. E rawa ni da vakarogoca ka ciqoma na veituberi vakaselesitieli mai na Yalo Tabu [ena gauna kei na vanua cava ga].

(Dieter F. Uchtdorf, “Na Masu kei na Karakarawa ni Vunilagi,” Ensign se Liaona, June 2009, 5–6; na vosa ena sikuea e tomana o Peresitedi Uchtdorf ena veivakatarogi Maji 2014)