10

Ցուցաբերեք շիտակություն

Խորհեք.Ձեր կարծիքով, ինչո՞ւ է Տերը սիրում նրանց, ովքեր ունեն «սրտի շիտակություն»: (Տես Վարդապետություն և Ուխտեր 124.15:)

Դիտեք.«Ի՞նչ փրկանք կտա մարդ իր անձի համար»: (Եթե տեսանյութը մատչելի չէ, կարդացեք հաջորդ էջում:)

Քննարկեք.Ի՞նչ է նշանակում շիտակ լինել: Ի՞նչ փոքր ուղիներով կարող են մարդիկ տալ իրենց հոգիները այս կյանքի բաների համար:

Կարդացեք.Հավատո հանգանակներ 1.13, Մոսիա 4.28, Հոբ 27.5 (աջ կողմում)

«Մենք հավատում ենք ազնիվ լինելուն»:

Հավատո հանգանակներ 1.13

«Եվ ես կկամենայի, որ դուք հիշեիք, որ ձեր միջից ով որ պարտք է վերցնում իր հարևանից, պետք է վերադարձնի այն, ինչը պարտք է վերցրել, ինչպես որ նա համաձայնվել է, այլապես դուք մեղք կգործեք. և միգուցե դուք կստիպեք ձեր հարևանին էլ մեղք գործել»:

Մոսիա 4.28

«Մինչև մեռնելս չեմ ձգելու ինձանից իմ ուղղությունը»:

Հոբ 27.5

Կիրառեք.Ինքնուրույն գնահատական տվեք ձեզ հետևյալ բնագավառներում.

Յուրաքանչյուր կետի դիմաց թիվ դրեք, որը ցույց է տալիս, թե որքան հաճախ եք դուք վարվում այդ կերպ: 1 = երբեք, 2 = երբեմն, 3 = հաճախ, 4 = գրեթե միշտ, 5 = միշտ

1. Ես պահում եմ իմ բոլոր խոստումները, պարտավորությունները և ուխտերը:

2. Ես ամբողջովին անկեղծ եմ իմ ասածների և իմ գրառումների մեջ:

3. Ես չեմ չափազանցնում, որպեսզի այն, ինչ ասում եմ, թվա ավելի լավը, քան իրականում է:

4. Ես վերադարձնում եմ այն, ինչ պարտքով եմ վերցնում, և ես չեմ վերցնում ինձ չպատկանող իրեր:

5. Ես ամբողջովին հավատարիմ եմ իմ ամուսնուն` իմ խոսքերով և գործողություններով:

6. Ես երբեք չեմ ստում, անգամ, երբ գիտեմ, որ սուտը չի բացահայտվի:

7. Երբ ես գտնում եմ ինձ չպատկանող որևէ իր, ես վերադարձնում եմ այն տիրոջը:

8. Ես միշտ հետ եմ վճարում պարտքով վերցված գումարը, այդ թվում՝ Եկեղեցու ԿՄՖ վարկը:

Պարտավորվեք.Պարտավորվեք շաբաթվա ընթացքում կատարել հետևյալ գործողությունները: Նշեք վանդակները, երբ կավարտեք յուրաքանչյուր գործողությունը.

• Ամեն օր շիտակությունդրսևորեք:

• Ուսուցանեք այս սկզբունքը ձեր ընտանիքին:

• Շարունակեք կիրառել նախորդ հիմնական սկզբունքները:

«Շիտակությունը նշանակում է անել այն, ինչը ճիշտ է և բարի` անկախ ուղղակի հետևանքներից: Դա նշանակում է արդար լինել հոգու խորքում` ոչ միայն գործերով, այլ, ինչն ավելի կարևոր է, մեր մտքում և սրտում: … Մի փոքր ստելը, մի փոքր խաբելը կամ անարդար ձևով մի փոքր օգտվելը ընդունելի չեն Տիրոջ համար: … Շիտակության կատարյալ վարձքը Սուրբ Հոգու մշտական ընկերակցությունն է, … [ով] կառաջնորդի մեզ այն ամենում, ինչ մենք անում ենք»:

Joseph B. Wirthlin, “Personal Integrity,” Ensign, May 1990, 30–33

Հուշում վարողին

Օգնեք յուրաքանչյուր մասնակցին կենտրոնանալ գործողության, ոչ թե խոսելու վրա:

Ի՞նչ փրկանք կտա մարդ իր անձի համար:

Եթե չեք կարող դիտել տեսանյութը, կարդացեք այս տեքստը:

Երեց Ռոբերտ Ք. Գայ

ԵՐԵՑ ՌՈԲԵՐՏ Ս. ԳԱՅ. Փրկիչը մի անգամ իր աշակերտներին տվեց հետևյալ հարցը. «Ի՞նչ փրկանք կտա մարդ իր անձի համար»:

Սա մի հարց է, որի շուրջ հայրս սովորեցրեց լրջորեն խորհել տարիներ առաջ: Մինչ ես մեծանում էի, իմ ծնողները ինձ ամեն օր տան գործերից ինչ-որ աշխատանք էին հանձնարարում կատարել և մի փոքր գումար էին վճարում ինձ այդ աշխատանքի համար: Ես հաճախ ծախսում էի այդ գումարը` շաբաթական 50 սենթից մի փոքր ավելի, կինո գնալու համար: Այն ժամանակ կինոյի տոմսը 11 տարեկանների համար արժեր 25 սենթ: Ինձ մոտ մնում էր 25 սենթ կոնֆետների վրա ծախսելու համար, որոնց հատն արժեր 5 սենթ: Կինո` հինգ կոնֆետների հետ միասին: Դրանից լավ լինել չէր կարող:

Ամեն ինչ կարգին էր, մինչև ես դարձա 12 տարեկան: Մի օր կեսօրին, երբ հերթ էի կանգնել, ես իմացա, որ 12 տարեկանների համար տոմսն արժեր 35 սենթ, իսկ դա նշանակում էր երկու կոնֆետ պակաս: Դեռևս պատրաստ չլինելով կատարել այդ զոհաբերությունը` ես ինքս ինձ մտածեցի. «Դու ունես նույն տեսքը, ինչ մեկ շաբաթ առաջ»: Այնուհետև ես առաջ գնացի և խնդրեցի 25 սենթանոց մի տոմս: Տոմսավաճառը ոչինչ չկասկածեց և ես, ինչպես միշտ, գնեցի իմ հինգ կոնֆետները` երեքի փոխարեն:

Իմ արարքով խանդավառված ես հետո վազեցի տուն, որ հայրիկիս պատմեի իմ մեծ հաջողության մասին: Մինչ ես ամեն բան մանրամասնորեն պատմում էի, նա ոչինչ չէր ասում: Երբ ես վերջացրի, նա պարզապես նայեց ինձ և ասաց. «Որդիս, դու կծախե՞ս քո հոգին հինգ սենթով»: Նրա խոսքերը մխրճվեցին իմ սրտի մեջ: Դա մի դաս էր, որը ես երբեք չմոռացա:

(Robert C. Gay, «Ինչ փրկանք կտա մարդ իր անձի համար» Ensign կամ Լիահոնա, նոյ. 2012, 34):