Աշխատեք. պատասխանատվություն ստանձնեք

Խորհեք.Ինչո՞ւ է Երկնային Հայրը ցանկանում, որ մենք անձնական պատասխանատվություն ունենանք մեր կյանքի համար։

Դիտեք.«Սեդրիկի ճանապարհորդությունը» (Տեսանյութը մատչելի չէ՞։ Կարդացեք հաջորդ էջում։)

Քննարկեք.Ինչպե՞ս Սեդրիկն օգտագործեց իր ազատ ընտրության իրավունքը և պատասխանատվություն ստանձնեց իր ապագայի համար։ Ի՞նչ կպատահեր Սեդրիկին, եթե նա մեղադրեր մեկ ուրիշին իր խնդիրների համար։

Կարդացեք.2 Նեփի 2․16, 26, Վարդապետություն և Ուխտեր 42․42 (աջ կողմում)

Կիրառեք.Դիմեք ձեզ ամենամոտ գտնվող խմբի անդամին։ Միասին կարդացեք Մարգարե Ջոզեֆ Սմիթի հետևյալ խոսքերը։ Նա նկարագրում է մեծանալու իր անձնական փորձը։ Քննարկեք այս հարցերը․

Ինչպիսի՞ն էր նրա նյութական վիճակը։
Մարգարեի խոսքերից դուք ի՞նչ սովորեցիք ինքնապահովման մասին :
Մարգարեն ի՞նչ ի նկատի ուներ «անդադար աշխատանք» արտահայտությամբ։

Կիրառեք.Մտածեք այն մասին, թե ինչպես կարող եք ավելի մեծ անձնական պատասխանատվություն ստանձնել ձեր ինքնապահովման համար: Գրեք երկու կամ երեք փոփոխություններ, որոնք ցանկանում եք կատարել ձեր գործողությունների կամ մոտեցումների մեջ։

Պարտավորվեք.Պարտավորվեք շաբաթվա ընթացքում կատարել հետևյալ գործողությունները: Նշեք վանդակները, երբ կավարտեք յուրաքանչյուր գործողությունը.

Ամեն օր սովորեք պատասխանատվություն ստանձնել։
Ուսուցանեք այս սկզբունքը ձեր ընտանիքին:
Շարունակեք կիրառել նախորդ հիմնական սկզբունքները:

«Աստված ստեղծել է այս մահկանացու գոյությունը, որպեսզի անդադար ճիգեր պահանջի ։ … Աշխատանքով մենք պահպանում և հարստացնում ենք կյանքը։ … Աշխատանքը կառուցում և շտկում է բնավորությունը, ստեղծում է գեղեցկություն և հանդիսանում է գործիք` իրար և Աստծուն ծառայելու գործում։ Նվիրագործված կյանքը լցված է աշխատանքով, երբեմն կրկնվող, … երբեմն չգնահատվող, սակայն միշտ բարելավող, … բարձրացնող, [և] ոգեշնչող»։

Դ. Թոդ Քրիստոֆերսոն, «Մտորումներ նվիրագործված կյանքի մասին», Ensign կամ Լիահոնա, նոյ. 2010, 17