5
Աշխատեք. պատասխանատվություն ստանձնեք
-
Խորհեք.Ինչո՞ւ է Երկնային Հայրը ցանկանում, որ մենք անձնական պատասխանատվություն ունենանք մեր կյանքի համար։
-
Դիտեք.«Սեդրիկի ճանապարհորդությունը» (Տեսանյութը մատչելի չէ՞։ Կարդացեք հաջորդ էջում։)
-
Քննարկեք.Ինչպե՞ս Սեդրիկն օգտագործեց իր ազատ ընտրության իրավունքը և պատասխանատվություն ստանձնեց իր ապագայի համար։ Ի՞նչ կպատահեր Սեդրիկին, եթե նա մեղադրեր մեկ ուրիշին իր խնդիրների համար։
-
Կարդացեք.2 Նեփի 2․16, 26, Վարդապետություն և Ուխտեր 42․42 (աջ կողմում)
-
Կիրառեք.Դիմեք ձեզ ամենամոտ գտնվող խմբի անդամին։ Միասին կարդացեք Մարգարե Ջոզեֆ Սմիթի հետևյալ խոսքերը։ Նա նկարագրում է մեծանալու իր անձնական փորձը։ Քննարկեք այս հարցերը․
-
Ինչպիսի՞ն էր նրա նյութական վիճակը։
-
Մարգարեի խոսքերից դուք ի՞նչ սովորեցիք ինքնապահովման մասին :
-
Մարգարեն ի՞նչ ի նկատի ուներ «անդադար աշխատանք» արտահայտությամբ։
-
-
Կիրառեք.Մտածեք այն մասին, թե ինչպես կարող եք ավելի մեծ անձնական պատասխանատվություն ստանձնել ձեր ինքնապահովման համար: Գրեք երկու կամ երեք փոփոխություններ, որոնք ցանկանում եք կատարել ձեր գործողությունների կամ մոտեցումների մեջ։
-
Պարտավորվեք.Պարտավորվեք շաբաթվա ընթացքում կատարել հետևյալ գործողությունները: Նշեք վանդակները, երբ կավարտեք յուրաքանչյուր գործողությունը.
-
Ամեն օր սովորեք պատասխանատվություն ստանձնել։
-
Ուսուցանեք այս սկզբունքը ձեր ընտանիքին:
-
Շարունակեք կիրառել նախորդ հիմնական սկզբունքները:
-
Սեդրիկի ճանապարհորդությունը
Եթե չեք կարողանում դիտել տեսանյութը, կարդացեք այս տեքստը:
ՍԵԴՐԻԿ. Իմ անունը Սեդրիկ Կամբեսաբուե է: Ես ապրում եմ Կոնգոյի Դեմոկրատական Հանրապետությունում։ Ես ՎՕՍ Եկեղեցու անդամ եմ:
Ես ճյուղի միսիոներ եմ Կիպուսանգա գյուղում: Ես պետք է պատրաստվեմ արտասահմանյան միսիա գնալուն: Միսիա գնալու համար ինձ անձնագիր է հարկավոր, որն արժե 250 ԱՄՆ դոլար։
Դրամ վաստակելու համար ես և հայրս ադամաթուզ ենք գնում։ Կան գյուղեր, որտեղ շատ ադամաթուզ են աճեցնում՝ Տիշաբոբոն, Լուսուկուն և Կամանդան։
Տիշաբոբոն մեզանից 9 մղոն հեռու է։ Լուսուկուն 18 մղոն հեռու է։ Կամանդան` նույնպես 18 մղոն։ Մենք գնում ենք այդ գյուղերը, գնում ենք ադամաթուզ և բերում դրանք այստեղ` վաճառելու:
Գյուղեր մենք հեծանվով ենք գնում։ Մենք կարող ենք վերցնել ադամաթուզի չորս կամ վեց ճյուղ։
Հեծանվով մեկ ու կես ժամ է տևում յուրաքանչյուր ուղղությամբ, եթե հեծանիվը աշխատում է և ես ուժ եմ ունենում։ Կեսօրին, երբ տապ է, ես դանդաղ եմ շարժվում։
Ես կարող եմ երկու ճամփորդություն կատարել օրվա մեջ, եթե վաղ առավոտյան արթնանամ։ Դա լավ եղանակ է` վճարելու անձնագրիս համար ։
Այսօր ես քիչ-քիչ փող եմ աշխատում, որ խնայեմ և դպրոցի, և միսիայի համար։ Եվ այժմ, չորս տարի աշխատելուց հետո, ես ունեմ բավական գումար իմ անձնագրի համար և խնայված 70 դոլար։