11
Ձգտեք սովորել և կրթություն ստանալ
-
Խորհեք.Մարգարեներն ասել են, որ կրթությունը հնարավորություններ բացող բանալի է: Ե՞րբ եք համոզվել այս սկզբունքի ճշմարտացիության մեջ:
-
Դիտեք.«Աստծո փառքը բանականությունն է» (Եթե տեսանյութը մատչելի չէ, կարդացեք հաջորդ էջում:)
-
Քննարկեք.Ինչո՞ւ է Ալեքսանդրը համոզված, որ ամբողջ կյանքի ընթացքում ուսումը կարևոր է: Ի՞նչ է Էմելդան մտածում կրթության և ջանասեր աշխատանքի մասին: Ինչպե՞ս ԿՄՖ-ի վարկն օգնեց նրան: Արդյո՞ք դա լավ պատճառ էր պարտք վերցնելու համար:
-
Կարդացեք.Վարդապետություն և Ուխտեր 88.118–19, Handbook 2, 6.1.1 (աջ կողմում)
-
Կիրառեք.Մենք կարող ենք շարունակաբար սովորել ամբողջ կյանքի ընթացքում: Ստորև տրված վանդակում գրեք, թե վերջերս ինչ եք սովորել ուսման այս աղբյուրներից յուրաքանչյուրից:
Ուսման աղբյուրներ
Այն, ինչ վերջերս սովորել եմ այս աղբյուրներից
Իմ շուրջ գտնվող մարդիկ, իմ ղեկավարները
Կյանքի փորձառությունները
Գրքեր և լրատվամիջոցներ
Դասարան/ուսուցիչներ
Սուրբ գրություններ, տաճար, Սուրբ Հոգի
-
Քննարկեք.Ինչպե՞ս կարող եք շարունակել սովորել և աճել ամեն օր:
-
Պարտավորվեք.Պարտավորվեք շաբաթվա ընթացքում կատարել հետևյալ գործողությունները: Նշեք վանդակները, երբ կավարտեք յուրաքանչյուր գործողությունը.
-
Փնտրեք սովորելու հնարավորություններ և գրի առեք այն, ինչ սովորել եք:
-
Ուսուցանեք ձեր ընտանիքին տարբեր աղբյուրներից ամբողջ կյանքի ընթացքում սովորելու մասին: Մտածեք, թե ինչ ճանապարհներով ձեր ընտանիքը ավելի շատ կրթություն կարող է ստանալ՝ թե մեծերը, թե երեխաները:
-
Շարունակեք կիրառել նախորդ հիմնական սկզբունքները:
-
Աստծո փառքը բանականությունն է
Եթե չեք կարող դիտել տեսանյութը, կարդացեք այս տեքստը:
ՊԱՏՄՈՂ. Ալեքսանդրը Պերուից է: Նա նվիրել է իր կյանքը սովորելուն և սովորեցնելուն: Նա պատմում է հետևյալը.
ԱԼԵՔՍԱՆԴՐ. Երբ ես երիտասարդ էի, հայրս ուսուցանում էր ինձ սովորելու և կրթությունը գնահատելու մասին:
Գոյություն ունի երկու բան, որոնք մենք կարող ենք անել առաջընթաց ապրելու և այս կյանքում բարգավաճելու համար: Առաջինը, եղեք հավատարիմ և համբերեք մինչև վերջ: Երկրորդը, սովորեք և ուսումնասիրեք:
Ես իմ կյանքի ընթացքում սովորել եմ, որ կրթությունը առավել կարևոր միջոցն է, որով մենք պետք է հասնենք մեր կյանքի նպատակներին:
Ես գնացի միսիայի՝ շատ քիչ իմանալով ավետարանի մասին, սակայն մեծ ցանկությամբ՝ ճիշտ բաներ անելու և սովորելու:
Ես դասարաններում չեմ անցկացրել իմ ժամանակը, սակայն համոզված եմ, որ իմ միսիան իմ կյանքում սովորելու ամենակարևոր ժամանակն էր:
Ես օգտվում եմ սովորելու հնարավորություններից, որտեղ էլ որ լինեմ. տանը, աշխատանքի վայրում, եկեղեցում, համալսարանում, անգամ ավտոբուսում: Ես միշտ ձգտում եմ սովորել:
Տաճարը ամենակարևոր վայրն է իմ կյանքում և լավագույն դպրոցը երկրագնդի վրա:
ՊԱՏՄՈՂ. Էմելդան Եկեղեցու նորադարձ է` Հարավային Աֆրիկայից: Նա հասկացավ, որ իր երազանքը Կրթության Մշտական Ֆոնդի միջոցով կարող է իրականանալ: Նա կիսվում է իր վկայությամբ.
ԷՄԵԼԴԱ. Լավագույն ուսանողներից մեկը լինելու համար ես պարտական եմ ոչ թե ինձ, այլ Եկեղեցուն: Ես գիտեի, որ Հիսուս Քրիստոսի Վերջին Օրերի Սրբերի Եկեղեցուն միանալը ինձ կբարձրացներ հոգևոր ավելի բարձր հարթակների, սակայն երբեք չէի պատկերացնի, որ այն կբացեր իմ առաջ ակադեմիական դռները: …
Ավետարանը սովորելը ինձ համար իսկապես արթնացնող կանչ դարձավ: Դա օգնեց ինձ հասկանալ, որ ես իմ սեփական ճակատագրի տերն եմ: … Անկախ մեր ներկա հանգամանքներից և մեր զգացմունքներից, ես կասկած չունեմ, որ իմ Երկնային Հայրը լավ ծրագրեր ունի մեզ համար: