Նախորդ հրատարակություններ
9. Եղեք հետևողական

9

Եղեք հետևողական

Խորհեք.Ինչպե՞ս ենք մենք սովորում աշխատել նույն խնդրի վրա, մինչ այն ավարտվի:

Դիտեք.«Պարզապես քար կտրող» (Տեսանյութը մատչելի չէ՞։ Կարդացեք հաջորդ էջում։)

Քննարկեք.Ինչպե՞ս ենք մենք սովորում շարունակել այն, ինչ սկսել ենք, անգամ երբ դժվար է դա անել: Տիրոջն ապավինելն ինչպե՞ս է ազդում հետևողական լինելու մեր ունակության վրա:

Կարդացեք.Նախագահ Ֆաուստի հայտարարությունը, Եբրայեցիս12.1, Վարդապետություն և Ուխտեր 58.4 (աջ կողմում)

Կիրառեք.Աշխատեք միասին և սովորեք հետևողական լինել և հաղթահարել խնդիրները.

  • Խմբով կարդացեք ստորև տրված յուրաքանչյուր քայլը:

  • Աշխատեք խմբից որևէ մեկի հետ: Հարցրեք միմյանց, թե կա արդյոք որևէ պարտականություն կամ խնդիր ձեր կյանքում, որը շատ դժվար է:

  • Օգնեք իրար` անցնելու ստորև նշված չորս քայլերով` խոսելով այդ դժվար պարտականության կամ խնդրի մասին:

  • Պարտավորեցրեք միմյանց, որ հետևողական կլինեք, կշարունակեք այնքան ժամանակ, մինչև այդ պարտականությունը կամ խնդիրը կատարված լինի:

➊

Ունեցեք դրական վերաբերմունք:

Թվեք ձեր օրհնությունները:

➋

Հիշեք, որ պետք է աշխատեք միասին:

Օգնություն խնդրեք ընկերներից, հասակակիցներից, խմբի անդամներից և ուրիշներից:

➌

Վախը փոխարինեք հավատքով:

Խուսափեք կասկածանքներից: Հիշեք, Տերն ունի ողջ զորությունը: Կանչեք առ Նա և ընդունեք Նրա կամքը:

➍

Առաջ ընթացեք համբերատարությամբ և քաջությամբ:

Երբեք ու երբեք մի հանձնվեք: Դիմացեք հավատքով:

Կիրառեք.Ընտրեք որևէ խնդիր, որ ձեր ընտանիքն ունի: Օգտվելով վերը նշված քայլերից, մշակեք երկու կամ երեք եղանակ, որոնցով կարող եք առաջ ընթանալ հավատքով` վստահություն ունենալով, որ Աստված կօգնի.

Պարտավորվեք.Պարտավորվեք շաբաթվա ընթացքում կատարել հետևյալ գործողությունները: Նշեք վանդակները, երբ կավարտեք յուրաքանչյուր գործողությունը.

  • Եղեք հետևողական` հետևելով վերևում ձեր նախանշած եղանակներին :

  • Ուսուցանեք այս սկզբունքը ձեր ընտանիքին:

  • Շարունակեք կիրառել նախորդ հիմնական սկզբունքները:

Պարզապես քարտաշ

Եթե չեք կարողանում դիտել տեսանյութը, կարդացեք այս տեքստը:

Նկար
Սոլթ Լեյքի տաճարը կառուցման փուլում

ԵՐԵՑ ՀՈԼԼԱՆԴ․ Ջոն Ռ․ Մոյլը անգլիացի ռահվիրաներից էր, ով հատեց Միացյալ Նահանգները` ձեռնասայլակ քաշելով։ Նա հիմնավորվեց Ալփինում, Յուտա, Սոլթ Լեյքի տաճարից մոտ 35 կմ հեռու։

Բրիգամ Յանգը Սոլթ Լեյքի տաճարի կառուցման ընթացքում նշանակեց Եղբայր Մոյլին որպես գլխավոր վերահսկիչ։

Որպեսզի աշխատանքի վայրում լիներ ամեն երկուշաբթի առավոտյան 8:00-ին, Եղբայր Մոյլը առավոտյան ժամը 2:00-ին սկսում էր իր 22 մղոն ճանապարհը։ Նա ավարտում էր իր աշխատանքային շաբաթը ուրբաթ ժամը 17:00-ին և սկսում էր վերադարձի ճանապարհը, հասնելով տուն` կեսգիշերից մի փոքր շուտ։ Տաճարի կառուցման ընթացքում գրեթե 20 տարի ամեն շաբաթ նա շարժվում էր այդ գրաֆիկով։

Մի անգամ, երբ նա շաբաթ ևկիրակի տանն էր, կովերից մեկը` կթելու ժամանակ հարվածեց Եղբայր Մոյլին և փշրեց ոտքի ոսկորը` ծնկից անմիջապես ներքև։

Ֆերմայում նրանք լավ բժշկական օգնության հնարավորություն չունեին, այնպես որ ընտանիքի անդամները և ընկերները հանեցին դուռը ծխնիների վրայից և տեղավորեցին նրան այդպես պատրաստված վիրահատական սեղանին։ Ապա նրանք վերցրեցին սղոցը, որով կտրում էին ծառերի ճյուղերը, և կտրեցին ոտքը ծնկից մի փոքր ներքև։

Երբ ոտքը վերջապես սկսեց լավանալ, Եղբայր Մոյլը մի փայտի կտոր վերցրեց և արհեստական ոտք պատրաստեց։ Սկզբում նա քայլում էր տան մեջ։ Ապա նա սկսեց քայլել այգում։ Ի վերջո նա համարձակվեց դուրս գալ իր տարածքից։

Երբ զգաց, որ կարող էր դիմանալ ցավին, նա հարմարեցրեց իր փայտե ոտքը, քայլեց 22 մղոն դեպի Սոլթ Լեյքի Տաճար, մագլցեց փայտամածը և գործիքով քանդակեց այս հայտարարությունը «Սրբություն Տիրոջը»։

(Տես նաև Jeffrey R. Holland, “As Doves to Our Windows,” Ensign, May 2000, 76–77:)

Տպել