2

Օգտագործեք ժամանակն իմաստությամբ

«Քանզի ահա, մարդկանց համար այս կյանքն է ժամանակը` նախապատրաստվելու հանդիպել Աստծուն. այո, ահա, մարդկանց համար այս կյանքի օրն է իրենց գործերը կատարելու օրը»:

Ալմա 34․32

Խորհեք.Ինչո՞ւ է ժամանակը Աստծո մեծագույն պարգևներից մեկը։

Դիտեք.«Ժամանակի պարգևը» (Տեսանյութը մատչելի չէ՞։ Կարդացեք հաջորդ էջը։)

Քննարկեք.Դուք ի՞նչ սովորեցիք Քույր Բենկոսիից:

Կիրառեք.Ահա հինգ քայլ, որոնք կարող եք կատարել ամեն օր՝ ձեր ժամանակը ճիշտ օգտագործելու համար։ Կարդացեք ամեն մեկը : Քույր Բենկոսին կատարու՞մ էր այդ բաները:

❶

Թվարկեք գործերը

Ամեն առավոտ կազմեք գործերի ցուցակը։ Ավելացրեք այն մարդկանց անունները, ում կարող եք ծառայել։

❷

Աղոթեք

Աղոթեք առաջնորդության համար: Լսեք։ Պարտավորվեք անել լավագույնը` ձեր ուժերի սահմաններում։

❸

Առաջնահերթություններ սահմանեք

Համարակալեք ձեր կարևոր առաջնահերթությունները։ Գրեք «1» ձեր ամենակարևոր գործի դիմաց, «2»՝ մյուսի և այդպես շարունակ։

❹

Նպատակներ դրեք, գործեք

Լսեք Հոգուն։ Նպատակներ դրեք: Ջանասիրաբար աշխատեք: Սկսեք ամենակարևոր գործից և շարունակեք` անցնելով ցուցակի մյուս կետերին։

❺

Զեկուցեք

Ամեն երեկո աղոթքով զեկուցեք Երկնային Հորը: Հարցեր տվեք։ Լսեք։ Զգացեք Նրա սերը։ Ապաշխարեք:

Սկսեք այժմ։ Գրեք այս տետրում կամ առանձին թղթի վրա: Կատարեք քայլ 1-ը․ Թվարկեք ձեր վաղվա օրվա գործերը։ Դրանք պետք է լինեն կարևոր գործեր` կապված ձեր աշխատանքի, ուսման, եկեղեցու կամ ընտանեկան ծառայության հետ, ոչ պարզապես օրվա մանր գործեր։

Կատարեք քայլեր 2 և 3։

Վաղը կատարեք քայլեր 4 և 5։

Պարտավորվեք.Պարտավորվեք շաբաթվա ընթացքում կատարել հետևյալ գործողությունները: Նշեք վանդակները, երբ կավարտեք յուրաքանչյուր գործողությունը.

• Վարժվեք կատարել այդ քայլերը ամեն օր՝ ձեր ժամանակն ավելի իմաստուն օգտագործելու համար։

• Ուսուցանեք այս սկզբունքը ձեր ընտանիքին:

• Շարունակեք կիրառել նախորդ հիմնական սկզբունքը:

«Ժամանակը երկրի վրա ամենագլխավոր հարստությունն է։ … Եթե ճիշտ օգտագործվի, այն կմեծացնի ձեր հարմարավետությունը, նյութական շահը և բավարարվածությունը։ Եկեք հաշվի առնենք սա և այլևս չնստենք ծալած ձեռքերով` վատնելով մեր ժամանակը»։

Brigham Young, in Discourses of Brigham Young, sel. John A. Widtsoe (1954), 214

Հուշում վարողին

Երբ խմբի անդամները հարցեր ունենան, օգնեք նրանց գտնել պատասխաններն ինքնուրույն։

Ժամանակի պարգևը

Եթե չեք կարողանում դիտել տեսանյութը, ընտրեք դերերը և կարդացեք այս սցենարը:

ԿՈՖԻ․ Ողջույն, Քույր Բենկոսի։ Ինչպե՞ս եք։

ՔՈՒՅՐ ԲԵՆԿՈՍԻ․ Լա՞վ ես, Կոֆի։

ԿՈՖԻ․ Օհ, Քույր Բենկոսի։ Այնքան զբաղված եմ: Ես պետք է աշխատեմ, ծառայեմ և օգնեմ ընտանիքիս, հետո էլ իմ ֆուտբոլը։ Ես ժամանակ չունեմ:

ՔՈՒՅՐ Բ․ Կոֆի, ողջ ժամանակը քոնն է։

ԿՈՖԻ․ Ի՞նչ։

ՔՈՒՅՐ Բ․ Տղաս, Աստված տվել է մեզ մեծ պարգև՝ մեր ժամանակը։ Մենք պետք է անենք այն, ինչը կարևոր է:

ԿՈՖԻ․ Բայց ինչպե՞ս, Քույր Բենկոսի։ Դուք միշտ այնքան շատ գործ եք անում։ Դուք հաջող ընտանիք և գործ ունեք։ Դուք ծառայում և օրհնում եք շատերին, օրինակ՝ ինձ։ Ես չգիտեմ, թե ինչպես եք դա անում։

ՔՈՒՅՐ Բ․ Իսկապե՞ս ուզում ես իմանալ։ Եթե հանգիստ նստես և լսես, ես կասեմ քեզ իմ գաղտնիքը։

Ամեն առավոտ ես արթնանում եմ արևածագից առաջ։ Ես հագնվում եմ, լվացվում։

Ես կարդում եմ սուրբ գրքերը: Ապա ես կազմում եմ այդ օրվա գործերի ցուցակը։

Ես մտածում եմ, թե ում կարող եմ ծառայել: Ես աղոթում եմ Աստծո կամքն իմանալու համար: Եվ ես լսում եմ։

Երբեմն մտքիս են գալիս մարդկանց անուններ կամ դեմքեր։ Ես ավելացնում եմ դրանք իմ ցուցակին։

ԿՈՖԻ․ Այդպե՞ս եք միշտ իմանում, թե ում պետք է ծառայեք։

ՔՈՒՅՐ Բ․ Այո, Կոֆի։ Եվ ես աղոթում եմ ուժ և իմաստություն ունենալու համար։ Ես աղոթում եմ, որ Աստված «սրբագործի իմ աշխատանքը»: Այդպես է ասվում 2 Նեփի 32-ում։

Ես շնորհակալություն եմ հայտնում Նրան: Ես խոստանում եմ անել այն ամենը, ինչ կարող եմ: Ես խնդրում եմ, որ Նա անի այն մասը, որը ես չեմ կարող:

Ապա նայում եմ ցուցակիս։ Ես գրում եմ «1» իմ ամենակարևոր գործի դիմաց, «2»՝ մյուսի։

ԿՈՖԻ․ Ինչպե՞ս եք իմանում, որն է կարևոր։

ՔՈՒՅՐ Բ․ Ես լսում եմ, երբ աղոթում եմ։ Ապա սկսում եմ աշխատել։ Ես նայում եմ համար 1-ին և աշխատում առաջինը դա անել, հետո 2-ը։

Երբեմն փոփոխություններ են կատարվում։ Սուրբ Հոգին ասում է ինձ այլ բան անել: Դա լավ է։

Ես շատ եմ աշխատում, բայց հոգիս խաղաղ է ։ Ես գիտեմ, որ Աստված կօգնի ինձ:

Այսպիսով, իմ ցուցակով և Հոգով ես անում եմ այն, ինչը կարևոր է, Կոֆի։

ԿՈՖԻ․ Դա հեշտ է հնչում, բայց միևնույն ժամանակ` բարդ։

ՔՈՒՅՐ Բ․ Դու իրավացի ես։ Երբ ես վերջապես պատրաստվում եմ քնելու, ես աղոթում եմ։ Ես զեկուցում եմ Երկնային Հորը: Ես պատմում եմ Նրան, թե ինչպես անցավ օրը: Ես հարցեր եմ տալիս։ Ես հարցնում եմ, թե ինչը ավելի լավ կարող եմ անել։ Ես լսում եմ։ Ես հաճախ եմ զգում Նրա սերը։ Ես գիտեմ, որ Նա օգնում է ավելի լավ անել այն, ինչ ես փորձում եմ անել։ Ապա ես խաղաղություն եմ զգում, Կոֆի, և ես քնում եմ։

ԿՈՖԻ․ Դա լավ է, Բենկոսի մայրիկ։ Ես նույնպես ուզում եմ այդ խաղաղությունը զգալ: Ես ուզում եմ օգտագործել իմ ժամանակը: Ես ուզում եմ ավելի լավ աշխատել և ծառայել:

ՔՈՒՅՐ Բ․ Դու պետք է հրաժարվես նրանից, ինչը կարևոր չէ, Կոֆի։ Դու կօգտագործես քո ժամանակն այնպես, որ անես այն, ինչը կարևոր է։ Եվ Աստված կլինի քեզ հետ, եթե քո սիրտն արդար է։

ԿՈՖԻ․ Շնորհակալություն ։

ՔՈՒՅՐ Բ․ Այժմ գնա, տղաս։ Դու շատ բան ունես անելու: