12

Qëndroni të Përqendruar, Merrni Ordinancat

Përsiatni:Çfarë na pengon të bëjmë gjërat që kanë më shumë rëndësi?

“Doing What Matters Most” [“Bërja e Asaj që Ka më Shumë Rëndësi”] (Nuk keni material filmik? Lexoni faqen vijuese.)

Diskutoni:Cilat janë disa gjëra të parëndësishme që bëjnë njerëzit, të cilat e çojnë dëm kohën e tyre? Zoti e urdhëroi Jozef Smithin që të ndërtonte tempuj edhe kur anëtarët e Kishës qenë shumë të varfër. Përse?

Lexoni:Doktrina e Besëlidhje 84:20; 136:4; 1 Nefi 18:2–3 (në të djathtë)

“Si rrjedhim, në ordinancat e saj, fuqia e perëndishmërisë manifestohet.”

Doktrina e Besëlidhje 84:20

“Dhe kjo do të jetë besëlidhja jonë – që ne do të ecim në të gjitha ordinancat e Zotit.”

Doktrina e Besëlidhje 136:4

“Unë e ndërtova [anijen] sipas mënyrës që Zoti më tregoi; prandaj ajo nuk ishte sipas mënyrës së njerëzve. Dhe unë, Nefi, shkova në mal shpesh dhe iu luta Zotit shpesh; prandaj Zoti më tregoi gjëra të mëdha.”

1 Nefi 18:2–3

Lexoni:“Ligji i Administrimit të Dheut” (në faqen tjetër)

Diskutoni:Çfarë i zbuloi Zoti Plakut Uitso në tempull? Çfarë i zbuloi Zoti Nefit në mal?

Ndërsa kërkojmë mbështetje te vetja, pse është kaq e rëndësishme të jemi të denjë për në tempull?

Me një shok, lexojeni shkrimin e shenjtë më poshtë. Çfarë do të thotë për ju që nëpërmjet adhurimit në tempull ne përgatitemi për të marrë çdo gjë të nevojshme në jetën tonë? Flisni rreth asaj që kjo do të thotë për jetën tuaj dhe për synimin tuaj të mbështetjes te vetja.

“Dhe bëj, Atë i Shenjtë, që gjithë [ata] që do të adhurojnë në këtë shtëpi, të mund … të përgatiten për të fituar çdo gjë të nevojshme.”

Doktrina e Besëlidhje 109:14–15

çift me tempullin e Laies të Havait në sfond

Zotohuni:Zotohuni që t’i bëni veprimet vijuese gjatë javës. Shenjojini kutitë përzgjedhëse kur ta përfundoni çdo detyrë:

• Ushtrojeni të qenit i/e denjë për në tempull çdo ditë.

• Jepjani mësim familjes suaj këtë parim. Mësojuni se si frekuentimi i tempullit do t’i ndihmojë ata t’ia dalin mbanë shpirtërisht e materialisht, dhe diskutoni me ta për atë që duhet të bëni për të marrë fuqinë e Zotit që gjendet në ordinancat e tempullit.

• Vazhdoni t’i ushtroni parimet e mëparshme të themelit.

“Zoti do të na bekojë ndërsa marrim pjesë në punën e ordinancave të shenjta të tempujve. Bekimet e atjeshme nuk do të kufizohen te shërbimi ynë në tempull. Ne do të bekohemi në të gjitha punët tona. Ne do të kemi të drejtën e ndikimit të Zotit në interesin tonë edhe në çështjet tona shpirtërore ashtu edhe në ato materiale.”

Boyd K. Packer, The Holy Temple (1980), f. 182

Bërja e Asaj që Ka më Shumë Rëndësi

Nëse nuk jeni në gjendje ta shikoni materialin filmik, lexojeni këtë skenar.

Presidenti Diter F. Uhtdorf

TREGIMTARI: Një avion u rrëzua në Florida në një natë të errët në dhjetor. U vranë mbi 100 njerëz. Ai ishte 32 kilometra larg zonës së sigurisë.

PRESIDENTI UHTDORF: Pas aksidentit, hetuesit u përpoqën të përcaktonin shkakun. Rrota e përparme në fakt ishte shtrirë siç duhej. Aeroplani ishte në kushte mekanike të përkryera. Çdo gjë funksiononte siç duhej – gjithçka përveç një gjëje: një llambe të vetme drite e djegur. Llamba e vogël – me vlerë rreth 20 cent – nisi zinxhirin e ngjarjeve që së fundi çoi në vdekjen tragjike të më tepër se 100 vetëve.

Sigurisht, llamba e dritës që nuk ndizej, nuk e shkaktoi aksidentin; ai ndodhi sepse ekuipazhi u përqendrua te diçka që dukej se kishte rëndësi në atë çast, duke harruar atë që kishte rëndësinë më të madhe.

Prirja për t’u përqendruar te gjërat e parëndësishme në kurriz të atyre të thellave u ndodh jo vetëm pilotëve por gjithkujt. Të gjithë jemi në rrezik. … A jepen mendimet dhe zemrat tuaja pas atyre gjërave jetëshkurtra, fluturake që kanë rëndësi vetëm për çastin, apo pas gjërave që kanë më shumë rëndësi?

(Diter F. Uhtdorf, “Jemi Duke Bërë një Punë të Madhe dhe nuk Mund të Zbresim”, Ensign ose Liahona, maj 2009, f. 59–60)

Ligji i Administrimit të Dheut

PLAKU UITSO: Për disa vjet, me trupën organizative të punëtorëve të mi, me ndihmë financiare nga qeveria, kishim mbledhur mijëra artikuj të dhënash që i përkisnin përzierjes së dheut; por nuk mund të formuloja ndonjë parim të përgjithshëm që vlente për të gjitha të dhënat. Në fund hoqa dorë.

Gruaja ime dhe unë shkuam në tempull atë ditë për ta harruar dështimin. Në dhomën e tretë të dhurimit [indaumentit], nga e padukshmja, erdhi zgjidhja e cila që atëherë ka kaluar në shtyp. …

Kjo është dhurata që u vjen atyre që hyjnë në tempull siç duhet, sepse është një vend ku mund të priten zbulesa. Unë ju jap dëshminë time vetjake se është kështu.

(Në Alan K. Parrish, Modern Temple Worship, f. 156–157)