Veprimtaria e Fundit

Shkoni Përpara dhe Shërbeni

Përsiatni:Bazuar te shkrimet e shenjta dhe citimi në të djathtë, si na shpëton në të vërtetë humbja e vetvetes në shërbimin e të tjerëve?

“Sepse ai që do të dojë ta shpëtojë jetën e vet, do ta humbasë; por ai që do ta humbasë jetën e vet për hirin tim, do ta gjejë atë.”

Mateu 16:25

“Kur jeni në shërbimin e bashkëqenieve tuaja, ju jeni vetëm në shërbimin e Perëndisë tuaj.”

Mosia 2:17

“Qëllimi i mbështetjes materiale dhe shpirtërore te vetja është që ta sigurojmë veten shpirtërisht dhe materialisht, në mënyrë që t’i ndihmojmë dhe të tjerët që janë në nevojë.”

Robert D. Hejls, “Të Vijmë në Vete: Sakramenti, Tempulli dhe Sakrifica e Shërbimit”, Ensign ose Liahona, maj 2012, f. 36

Lexoni:Tani që e keni përfunduar programin Themeli Im, ne ju ftojmë ta merrni sërish parasysh këshillën te parimi 7. Presidenti Uhtdorf tha:

“Veprimet vetëmohuese të shërbimit dhe përkushtimit kullojnë shpirtrat tanë, i heqin luspat nga sytë tanë shpirtërorë dhe hapin pragjet e qiellit. Duke u bërë përgjigjja për lutjen e një tjetri, ne shpesh gjejmë përgjigjen për lutjen tonë.”

Diter F. Uhtdorf, “Duke Pritur në Rrugën për Damask”, Ensign ose Liahona, maj 2011, f. 76

Diskutoni:Si mund t’jua hapë “pragjet e qiellit” në jetën tuaj shërbimi ndaj të tjerëve?

Broshura Familja Ime

Ushtrohuni:Krijoni një plan me grupin ose familjen tuaj për të bërë një nga sa vijon:

1. Kryeni një projekt shërbimi në komunitetin tuaj. Mund t’u shërbeni të sëmurëve në një spital, të çoni ushqim në një jetimore ose të zgjidhni një veprimtari tjetër.

2. Vizitojeni qendrën më të afërt të Kishës për historinë familjare me familjen tuaj. Përgatiteni historinë tuaj familjare duke përdorur broshurën Familja Ime: Histori që na Bashkojnë. Pastaj shkoni në tempull dhe kryejini ordinancat e shenjta për pjesëtarët e familjes që kanë vdekur.

3. Bëni punë vullnetare në një qendër për mbështetjen te vetja ose shërbeni si ndërmjetës grupi. Këshillojeni më vete dikë që është drejt shtegut për te mbështetja te vetja.