5

Puna: Merrni Përgjegjësi

Përsiatni:Pse mendoni se Ati Qiellor dëshiron që ne të marrim përgjegjësi vetjake për jetën tonë?

“Sedrick’s Journey” [“Udhëtimi i Sedrikut”] (Nuk keni material filmik? Lexoni faqen vijuese.)

Diskutoni:Si e përdor Sedriku lirinë e tij të zgjedhjes dhe merr përgjegjësi për të ardhmen e tij? Çfarë do t’i ndodhte Sedrikut nëse ai do t’ia vinte fajin dikujt tjetër për sfidat e tij?

Lexoni:2 Nefi 2:16, 26; Doktrina e Besëlidhje 42:42 (në të djathtë)

“Kështu që, Zoti Perëndi e lejoi njeriun që ai të veprojë nga vetja e tij … [dhe burrat e gratë janë të lirë] të veprojnë për veten e tyre dhe të mos detyrohen të veprojnë.”

2 Nefi 2:16, 26

“Mos ji dembel; sepse ai që është dembel nuk duhet të hajë bukën, as duhet të veshë rrobat e punëtorit.”

Doktrina e Besëlidhje 42:42

Ushtrohuni:Drejtohuni te një anëtar i grupit afër jush. Së bashku lexojeni pohimin më poshtë nga Profeti Jozef Smith. Ai përshkruan situatën e tij vetjake teksa rritej. Diskutoni për këto pyetje:

• Cila ishte situata e tij materiale?

• Çfarë mësoni rreth mbështetjes te vetja nga fjalët e Profetit?

• Çfarë donte të thoshte Profeti me “punë [e] vazhdueshme”?

“Ngaqë gjendja ekonomike e atit tim ishte shumë e kufizuar, ne[ve] na duhej të punonim me duart tona, duke u punësuar që të punonim gjatë ditës dhe në mënyra të tjera, si të na jepej rasti. Nganjëherë ishim në shtëpi e nganjëherë larg saj dhe nëpërmjet punës së vazhdueshme ishim në gjendje të kishim një jetesë të mjaftueshme.”

Joseph Smith – Historia 1:55

Ushtrohuni:Mendoni për mënyrën se si të merrni përgjegjësi më vetjake për mbështetjen tuaj te vetja. Shkruani dy ose tri ndryshime që dëshironi të bëni në veprimet apo sjelljet tuaja.

Zotohuni:Zotohuni që t’i bëni veprimet vijuese gjatë javës. Shenjojini kutitë përzgjedhëse kur ta përfundoni çdo detyrë:

• Ushtrojeni marrjen e përgjegjësive çdo ditë.

• Jepjani mësim familjes suaj këtë parim.

• Vazhdoni t’i ushtroni parimet e mëparshme të themelit.

“Perëndia e ka projektuar këtë ekzistencë të vdekshme për të kërkuar thuajse një tendosje të përhershme. … Me punë ne [e] mbajmë dhe pasurojmë jetën. … Puna ngre dhe përsos karakterin, krijon bukuri dhe është instrumenti i shërbimit tonë për një tjetër dhe për Perëndinë. Një jetë e shenjtëruar është e mbushur me punë, ndonjëherë e përsëritur, … ndonjëherë e pavlerësuar, por gjithmonë punë që përmirëson, … ngre [dhe] dëshiron.”

D. Tod Kristoferson, “Mendime mbi një Jetë të Përkushtuar”, Ensign ose Liahona, nëntor 2010, f. 17

Udhëtimi i Sedrikut

Nëse nuk jeni në gjendje ta shikoni materialin filmik, lexojeni këtë skenar.

një burrë duke mbajtur banane mbi biçikletë

SEDRIKU: Emri im është Sedrik Kambezabue. Jetoj në Republikën Demokratike të Kongos. Jam anëtar i Kishës SHDM.

Jam misionar dege në fshatin e Kipusangës. Duhet të përgatitem për të shkuar në një mision të huaj. Në mënyrë që të shkoj në një mision, më nevojitet një pasaportë, e cila tani kushton 250 dollarë amerikanë.

Për të fituar para, babai im dhe unë blejmë banane. Disa fshatra prodhojnë shumë banane: Tishabobo, Lusuku dhe Kamanda.

Tishabobo është rreth 14,5 kilometra larg prej këtu. Lusuku është 29 kilometra larg. Edhe Kamanda është 29 kilometra larg. Ne shkojmë atje dhe blejmë banane dhe i sjellim prapë këtu për t’i shitur.

Për të shkuar nëpër fshatra ne përdorim një biçikletë. Ne mund të marrim katër ose gjashtë tufa banane.

Kur shkoj me biçikletë çdo rrugë shkon një orë e gjysmë, nëse biçikleta punon dhe unë kam fuqi. Kur është mesditë dhe i nxehti është shtypës, lëviz ngadalë për shkak të të nxehtit dhe diellit.

Mund të bëj dy udhëtime në ditë nëse zgjohem shumë herët në mëngjes. Kjo është një mënyrë e mirë për të ndihmuar për pagimin e pasaportës sime.

Tani po fitoj para, pak e nga pak, ndaj po ruaj edhe për shpenzimet e shkollës edhe të misionit. Dhe tani, pas katër vitesh punë, kam mjaftueshëm para për pasaportën time, plus 70 dollarë të ruajtur.