4

Pangasiwaan ang Pera

Pag-isipang Mabuti:Bakit napakahirap mangasiwa ng pera—at bakit napakahalaga nito?

Panoorin:“Unahin ang Mahalaga!” (Walang video? Basahin ang kasunod na pahina.)

Talakayin:Ano ang natutuhan ninyo mula sa mga batang ito? Bakit kailangan nating maingat na irekord ang ating pera? Bakit kailangan nating mag-impok ng pera?

Basahin:Pahayag mula sa All Is Safely Gathered In; Doktrina at mga Tipan 104:78 (sa kanan)

“Magbayad ng mga ikapu at mga handog, … umiwas sa pangungutang, … magbadyet, … alamin kung paano mababawasan ang paggastos sa mga bagay na hindi mahalaga … [at] disiplinahin ang sarili na mamuhay ayon sa inyong ipinlanong badyet.”

All Is Safely Gathered In: Family Finances (buklet, 2007), 3

“At muli, katotohanang sinasabi ko sa inyo, hinggil sa inyong mga utang—masdan aking kalooban na dapat ninyong bayaran ang lahat ng inyong utang.”

Doktrina at mga Tipan 104:78

Praktis:Narito ang apat na hakbang na magagawa mo para mapangasiwaan mo ang iyong pera upang lalo mo pang mapaglingkuran ang iba. Basahin ang mga hakbang na ito. Bilang grupo, pag-usapan kung paano ninyo makakagawian itong gawin.

❶

Magtrabaho nang Mabuti at Matalino

Ipakita sa iyong employer na nagtatrabaho ka nang mabuti araw-araw. Ipakita na kapaki-pakinabang ka. Maging matapat.

❷

Magbayad ng mga Ikapu at mga Handog

Kapag kumita ka na, unahing magbayad ng ikapu. At pagpapalain ka ng Diyos.

❸

Gumasta nang Mas Kaunti sa Kinikita Mo

Magtakda ng badyet. Irekord ang kita at gastos mo. Umiwas sa pangungutang. Dagdagan ang kita. Gumasta nang mas kaunti sa kinikita mo.

❹

Dagdagan ang Impok Araw-Araw

Mag-impok ng pera araw-araw para magkaroon ng kapanatagan at katiyakan.

Mangakong Gawin:Mangakong gawin ang mga sumusunod sa linggong ito. Lagyan ng tsek ang mga kahon kapag nakumpleto mo ang bawat gawain:

• Pinangasiwaan ang iyong pera araw-araw.

• Itinuro ang alituntuning ito sa iyong pamilya.

• Patuloy na ginagawa ang naunang mga foundation principle o saligang alituntunin.

“Tila may damdaming namamayani sa kultura natin ngayon na kamtin ngayon din ang mga bagay na gusto natin. … Kapag nagkaroon tayo ng sobra-sobrang utang, … ginawa nating busabos ang ating sarili, na ginugugol ang buong panahon, lakas, at kabuhayan para makabayad ng utang. … Mahalagang … magkaroon tayo ng plano sa paggastos at pag-iimpok—isang badyet—at pagtukoy sa mga gusto sa mga kailangan.”

Robert D. Hales, “Seek and Attain the Spiritual High Ground in Life” (Church Educational System fireside, Mar. 2009), 6–7; speeches.byu.edu

Tip para sa Facilitator

Ipabahagi sa isang tao kung paano napagpala ng mga alituntuning ito ang kanyang pamilya.

Unahin ang Mahalaga!

Kung hindi ninyo mapapanood ang video, i-assign sa mga group member ang mga role mula sa script at ipabasa ito.

batang babae at batang lalaki

TAGPO: Batang lalaki at batang babae, na nakasuot ng damit na pang-matanda, ginagaya ang kanilang mga magulang.

BATANG LALAKI: Narito na ako, mahal.

BATANG BABAE: Welcome home. Naku, mukhang pagod ka.

BATANG LALAKI: Ikaw rin. Ang dami mong ginawang trabaho, noh?

BATANG BABAE: Kailangan nating magtrabaho, di ba?

BATANG LALAKI: Kumita ako ng 10 ngayon.

BATANG BABAE: Naku, blessing ‘yan. Unahin muna natin ang mahalaga. Magbayad tayo ng ating ikapu.

BATANG LALAKI: Pero paano kung hindi sumapat ang pera natin?

BATANG BABAE: Diyan papasok ang pananampalataya!

BATANG LALAKI: Okey. Pagkatapos?

BATANG BABAE: Bumili tayo ng pagkain, magtabi ng pamasahe, at bayaran ang upa sa bahay. At pagkatapos, magandang bumili ng isang upuan. …

BATANG LALAKI: Pero hindi pwede. Hindi na sapat ang pera natin.

BATANG BABAE: Pwede ba tayong umutang?

BATANG LALAKI: Sabi nila delikadong mangutang. Huwag tayong pumasok sa problema.

BATANG BABAE: Okey. Tama ka. Eh, ano ang gagawin natin dito?

BATANG LALAKI: Iimpok natin! Baka may mangyaring emergency.

BATANG BABAE: Tama nga. Pero wala na tayong pang-pasyal.

BATANG LALAKI: Magkasama naman tayo! At dadagdagan ko pa ang kita ko.

BATANG BABAE: Hindi ako gaanong gagastos!

BATANG LALAKI: Sa ganyang paraan magiging masaya tayo—at self-reliant!

BATANG BABAE: Tama! Hindi naman pala mahirap. Bakit pinapahirap pa ng matatanda?

BATANG LALAKI: Alam mo na. Ganoon talaga sila!