Huling Aktibidad

Magpatuloy at Maglingkod

Pag-isipang Mabuti:Ayon sa mga banal na kasulatan at quotation sa kanan, paanong ang mawalan ng buhay sa paglilingkod sa iba ay talagang magliligtas sa atin?

“Sapagka’t ang sinomang magibig iligtas ang kaniyang buhay ay mawawalan nito; at ang sinomang mawalan ng kaniyang buhay dahil sa akin ay makakasumpong niyaon.”

Mateo 16:25

“Kung kayo ay nasa paglilingkod ng inyong kapwa-tao, kayo ay nasa paglilingkod lamang ng inyong Diyos.”

Mosias 2:17

“Ang layunin ng [pagiging self-reliant sa] temporal at espirituwal ay ilagay ang ating sarili sa mas mataas na lugar nang maiahon natin sa hirap ang ibang nangangailangan.”

Robert D. Hales, “Pagkilala sa Ating Sarili: Ang Sakramento, ang Templo, at Sakripisyo sa Paglilingkod,” Ensign o Liahona, Mayo 2012, 36

Basahin:Ngayong nakumpleto mo na ang My Foundation, hinihikayat ka namin na pag-isipang muli nang mabuti ang payo sa alituntunin 7. Sinabi ni Pangulong Uchtdorf:

“Ang di-makasariling paglilingkod at lubos na paglalaan ay nagpapadalisay sa ating espiritu, nag-aalis ng tabing sa ating espirituwal na mga mata, at nagbubukas ng mga dungawan ng langit. Sa pagiging sagot sa dalangin ng iba, kadalasan ay nasasagot ang sarili nating dalangin.”

Dieter F. Uchtdorf, “Paghihintay sa Daan Patungong Damasco,” Ensign o Liahona, Mayo 2011, 76.

Talakayin:Paano nabubuksan ng paglilingkod sa iba ang “mga dungawan ng langit” sa iyong buhay?

Praktis:Bumuo ng plano kasama ang iyong grupo o pamilya para gawin ang isa sa mga sumusunod:

1. Magsagawa ng service project sa inyong komunidad. Maaaring maglingkod kayo sa mga maysakit sa ospital, magdala ng pagkain sa ampunan, o pumili ng ibang aktibidad.

2. Bisitahin ang pinakamalapit na family history center ng Simbahan kasama ang iyong pamilya. Pagkatapos ay magpunta sa templo at gawin ang mga sagradong ordenansa para sa mga kapamilya na yumao na.

3. Magboluntaryo sa isang self-reliance center o maglingkod bilang group facilitator. Turuan ang isang tao sa kanyang landas patungong self-reliance.