5

Trabaho: Maging Responsable

Pag-isipang Mabuti:Sa palagay mo, bakit nais ng Ama sa Langit na maging responsable tayo sa ating buhay?

Panoorin:“Ang Paglalakbay ni Sedrick ” (Walang video? Basahin ang kasunod na pahina.)

Talakayin:Paano ginamit ni Sedrick ang kanyang agency at naging responsable sa kanyang kinabukasan? Ano kaya ang nangyari kay Sedrick kung sinisi niya ang iba sa mga paghihirap niya?

Basahin:2 Nephi 2:16, 26; Doktrina at mga Tipan 42:42 (sa kanan)

“Anupa‘t ipinagkaloob ng Panginoong Diyos sa tao na siya ay kumilos para sa kanyang sarili … [at ang kalalakihan at kababaihan ay] kumikilos para sa kanilang sarili at hindi pinakikilos.”

2 Nephi 2:16, 26

“Huwag kayong maging tamad; sapagkat siya na tamad ay hindi makakakain ng tinapay ni makapagsusuot ng kasuotan ng manggagawa.”

Doktrina at mga Tipan 42:42

Praktis:Humarap sa isang kagrupo na malapit sa iyo. Magkasamang basahin ang pahayag ni Propetang Joseph Smith na nasa ibaba. Inilarawan niya ang kalagayan niya sa buhay habang siya ay lumalaki. Talakayin ang mga tanong na ito:

• Ano ang kalagayan niya sa buhay?

• Ano ang natutuhan mo tungkol sa self-reliance mula sa mga salita ng Propeta?

• Ano ang ibig sabihin ng Propeta sa “patuloy na paggawa”?

“Dahil sa hikahos na katayuan ng aking ama, kailangan naming gumawa sa pamamagitan ng aming mga kamay, namamasukan sa mga gawaing arawan at iba pa, hangga’t makakukuha kami ng pagkakataon. Kung minsan ay nasa tahanan kami at kung minsan ay nasa ibang lugar, at sa pamamagitan ng patuloy na paggawa ay nakatamo ng maginhawang kabuhayan.”

Joseph Smith—Kasaysayan 1:55

Praktis:Isipin kung paano ka magiging lalong responsable para sa iyong self-reliance. Sumulat ng dalawa o tatlong bagay na babaguhin mo sa iyong kilos o pag-uugali.

Mangakong Gawin:Mangakong gawin ang mga sumusunod sa linggong ito. Lagyan ng tsek ang mga kahon kapag nakumpleto mo ang bawat gawain:

• Ginagawa ang responsibilidad araw-araw.

• Itinuro ang alituntuning ito sa iyong pamilya.

• Patuloy na ginagawa ang naunang mga foundation principle o saligang alituntunin.

“Ipinlano ng Diyos ang mortal na buhay na ito na nangangailangan ng patuloy na paggawa. … Sa pamamagitan ng paggawa natutustusan natin at napagiginhawa ang buhay. … Ang paggawa ay nagpapalakas at nagdadalisay ng pagkatao, lumilikha ng kagandahan, at ang kasangkapan sa ating paglilingkod sa isa’t isa at sa Diyos. Ang buhay na inilaan ay puno ng paggawa, minsan paulit-ulit, … minsan hindi napahahalagahan ngunit palaging gawin ang yaong nagpapaunlad, … nakatutulong, [at] nagpapabuti.”

, D. Todd Christofferson, “Larawan ng Isang Buhay na Inilaan,” Ensign o Liahona, Nob. 2010, 17

Ang Paglalakbay ni Sedrick

Kung hindi ninyo mapapanood ang video, basahin ang script na ito.

lalaki na may mga saging na nakakarga sa bisikleta

SEDRICK: Ako si Sedrick Kambesabwe. Nakatira ako sa Democratic Republic of the Congo. Miyembro ako ng LDS Church.

Branch missionary ako sa nayon ng Kipusanga. Kailangan kong maghanda sa pagmimisyon sa ibang bansa. Para makapagmisyon, kailangan ko ng passport, na ang halaga ay 250 US dollars.

Para kumita, bumibili kami ng tatay ko ng mga saging. Maraming inaaning saging ang ilang nayon: Tishabobo, Lusuku, at Kamanda.

Ang Tishabobo ay mga 9 na milya ang layo mula rito. Ang Lusuku ay 18 milya. Gayon din ang Kamanda. Pumupunta kami roon at bumibili ng mga saging, at ibinibenta rito sa amin.

Para makapunta sa mga nayon, nagbibisikleta kami. Ang kaya naming dalhin ay apat o anim na buwig ng saging.

Kapag nakabisikleta ako, isa’t kalahating oras bawat pagpunta at pagbalik, kung hindi sira ang bisikleta at may lakas pa ako. Kapag katanghaliang tapat, mabagal ang pagbisikleta ko dahil sa tindi ng sikat ng araw.

Dalawang biyahe ang magagawa ko kada araw kung madaling-araw ako gigising. Magandang paraan ito para mabayaran ang aking passport.

Ngayon kumikita na ako ng pera, paunti-unti, kaya nag-iimpok ako para sa pag-aaral at misyon ko. At ngayon, makalipas ang apat na taong pagtatrabaho, may pambayad na ako para sa aking passport at 70 dollars na ipon.