7

Magkaisa, Magtulungan

Pag-isipang Mabuti:Ano ang ibig sabihin ng “maging isa”? Ano ang kinalaman nito sa pagiging self-reliant?

Panoorin:“Ayon sa Pamamaraan ng Panginoon” (Walang video? Basahin ang kasunod na pahina.)

Talakayin:Ano ang itinuturo ng mensaheng ito tungkol sa paglilingkod at pagtulong sa isa’t isa.

Basahin:Moises 7:18; Doktrina at mga Tipan 104:15–17 (sa kanan)

“At tinawag ng Panginoon ang kanyang mga tao na SION, sapagkat sila ay may isang puso at isang isipan … at walang maralita sa kanila.”

Moises 7:18

“At layunin ko ito na maglaan para sa aking mga banal, sapagkat lahat ng bagay ay akin. Subalit ito ay talagang kinakailangang magawa sa aking sariling pamamaraan; at masdan ito ang aking pamamaraan na ako, ang Panginoon, ay nag-utos na maglaan para sa aking mga banal, upang ang mga maralita ay dakilain, sa gayon yaong mayayaman ay ibababa. Sapagkat ang lupa ay sagana, at may sapat at matitira.”

Doktrina at mga Tipan 104:15–17

Praktis:Gawin ang mga sumusunod na aktibidad:

1. Sa iyong sarili, tahimik na isipin ang mga talento, contact o kakilala, o iba pang mga resources mo. Paano mo matutulungan ang iba pang mga group member na lalo pang maging self-reliant? Isulat ang iyong mga ideya:

2. Bilang grupo, ibahagi sa isa’t isa ang mga talento, contact o kakilala, o iba pang mga resources na inilista mo. Isulat ang mga contact o kakilala o resources na mayroon ang iba na makakatulong sa iyo.

3. Ngayon ilista sa ibaba ang mga resources ng self-reliance center ng Simbahan, pati ang mga mentor, computer, at iba pa. Bakit mo kailangan ang mga ito?

4. Ano ang mga resources mo na makakatulong sa iyo at sa iba na maging self-reliant?

5. Paano mo matutulungan ang iba na maging self-reliant?

6. Paano mo magagamit ang tulong mula sa iba para maging self-reliant ka?

Basahin:Para magkaisa, maaari mong gawin ang sumusunod:

• Tulungan ang iyong pamilya na lalo pang magkaisa at magtulungan.

• Makipag-usap sa mga miyembro na self-reliant sa iyong ward. Tanungin kung sinong mga tao o anong mga resources ang nakatulong sa kanila. Itanong kung gugustuhin nilang turuan ka!

• Magpunta sa tatlong lugar sa iyong komunidad na may mga resources na tutulong sa iyo na lalong maging self-reliant. Isulat ang mga serbisyo o services na maibibigay nila. Simulang gamitin ang mga ito!

Mangakong Gawin:Mangakong gawin ang mga sumusunod sa linggong ito. Lagyan ng tsek ang mga kahon kapag nakumpleto mo ang bawat gawain:

• Nakipagtulungan sa iba (nakipagtulungan sa iyong pamilya, mga miyembro ng ward, at komunidad gaya ng nakalista sa itaas).

• Itinuro ang alituntuning ito sa iyong pamilya.

• Patuloy na ginagawa ang naunang mga foundation principle o saligang alituntunin.

“Kapag nagtutulungan tayo, … magagawa natin ang anumang bagay. Kapag ginawa natin ito, inaalis natin ang kahinaan ng isang taong nakatayong mag-isa at hinahalinhan ito ng lakas ng marami na sama-samang naglilingkod.”

Thomas S. Monson, “Church Leaders Speak Out on Gospel Values,” Ensign, Mayo 1999, 118

Ayon sa Pamamaraan ng Panginoon

Kung hindi ninyo mapapanood ang video, basahin ang script na ito.

Pangulong Henry B. Eyring

PANGULONG EYRING: Ang mga alituntunin sa pagtatatag ng programang pangkapakanan ng Simbahan ay hindi pangminsanan o sa isang lugar lamang. Ang mga ito ay para sa lahat ng panahon at lugar. …

Ang pamamaraan para magawa ito ay malinaw. Yaong mas nakakaangat sa buhay ay dapat magpakumbaba ng kanilang sarili para tulungan ang mga nangangailangan.

Yaong sagana ang buhay ay dapat kusang magbigay ng tulong, oras, mga kasanayan at resources upang maibsan ang paghihirap ng mga nangangailangan. At ang mga ito ay dapat ibigay sa paraang mapapalakas ang kakayahan ng tinutulungan para mapangalagaan ang kanilang mga sarili [at pagkatapos ay mapangalagaan ang iba].

Kapag ginawa ito ayon sa pamamaraan ng Panginoon, napakaganda ng kahahantungan nito. Kapwa pagpapalain ang tumulong at tinulungan.

(Henry B. Eyring, mensaheng ibinigay sa paglalaan ng Sugarhouse Utah Welfare Services Center, Hunyo 2011, lds.org; ang mga salitang naka-bracket ay idinagdag ni Pangulong Eyring sa isang interbyu noong Marso 2014)

PANGULONG UCHTDORF: Mga kapatid, lahat tayo ay may responsibilidad sa tipan na maging sensitibo sa mga pangangailangan ng iba at maglingkod tulad ng ginawa ng Tagapagligtas—tumulong, magbasbas, at magpasigla sa mga nasa paligid natin.

Kadalasan, ang sagot sa ating dalangin ay hindi dumarating habang nagdarasal tayo kundi habang naglilingkod tayo sa Panginoon at sa mga nasa paligid natin. Ang di-makasariling paglilingkod at lubos na paglalaan ay nagpapadalisay sa ating espiritu, nag-aalis ng tabing sa ating espirituwal na mga mata, at nagbubukas ng mga dungawan ng langit. Sa pagiging sagot sa dalangin ng iba, kadalasan ay nasasagot ang sarili nating dalangin.

(Dieter F. Uchtdorf, “Paghihintay sa Daan Patungong Damasco,” Ensign o Liahona, Mayo 2011, 76)