៨
ការប្រាស្រ័យទាក់ទង ៖ បញ្ចេញមតិ ហើយស្ដាប់
-
ពិចារណា ៖តើអ្នកធ្លាប់មានបទពិសោធន៍នៅពេលដែលព្រះវរបិតាសួគ៌បានឆ្លើយតបនឹងការអធិស្ឋានអ្នកអំពីការងារ ឬអាជីវកម្ម ការអប់រំរបស់អ្នកដែរឬទេ ?
-
មើល ៖« ការបង្កើតការលើកឡើង » (ពុំមានវីដេអូឬ ? សូមអាននៅទំព័របន្ទាប់ ) ។
-
ពិភាក្សា ៖តើប្រធានអុហ្វដុហ្វ មានប្រសាសន៍ថាយើងអាចលើកខ្លួនយើងឲ្យផុតពីកង្វល់ខាងលោកិយយ៉ាងដូម្តេចខ្លះ ? តើធ្លាប់មានគ្រាខ្លះខណៈពេលដែលយើងមិនដឹងថាជា ការឆ្លើយតបចំពោះការអធិស្ឋានរបស់យើងដែរឬទេ ? តើការស្តាប់ជាផ្នែកដ៏សំខាន់នៅក្នុងការអធិស្ឋានរបស់យើងឬទេ ?
-
អាន ៖គោលលទ្ធិ និងសេចក្តីសញ្ញា ៨:២ ដកស្រង់ប្រសាសន៍របស់អែលឌើរណិលសុន( នៅខាងស្តាំដៃ )
-
ពិភាក្សា ៖សូមឆ្លើយសំណួរទាំងនេះជាក្រុម ៖ តើហេតុអ្វីការស្តាប់គឺជាជំនាញដ៏សំខាន់ ? តើការស្តាប់ដោយយកចិត្តទុកដាក់ជួយយើងក្នុងការងារយើងយ៉ាងដូចម្តេច ?
-
អនុវត្ត ៖សូមធ្វើសកម្មភាពនេះ ដើម្បីរៀនកែលម្អដល់ជំនាញស្តាប់របស់អ្នក ៖
-
សូមអានជាក្រុមនូវជំហានខាងក្រោមនេះ ហើយពិភាក្សាវាដោយសង្ខេបអំពីជំនាញការស្តាប់ ។
-
សូមឲ្យសមាជិកក្រុមម្នាក់ឬពីរនាក់ឲ្យប្រាប់គ្នាអំពីឧបសគ្គ ឬសំណួរដែលពួកគេមាន ។ សមាជិកក្រុមដទៃទៀតគួរតែព្យាយាមស្តាប់ ដោយការធ្វើតាមជំហានទាំងនេះ ។
-
សូមឲ្យសមាជិកក្រុមដែលបានឡើងនិយាយប្រាប់ថាតើពួកគេមានអារម្មណ៍យ៉ាងណា នៅពេលដែលក្រុមពិតជាបានព្យាយាមស្តាប់នោះ ។
❶
ការយកចិត្តទុកដាក់
-
សូមផ្ដោតលើពាក្យសំដីនិងកាយវិការរបស់អ្នកនិយាយ ។
-
សូមកុំរំខាន ។
➋
ថ្លែងអំណរគុណ
-
មើលទៅអ្នកឡើងនិយាយ
-
សូមប្រើពាក្យខ្លីៗដូចជា « បាទ/ច៎ាស » « យល់ព្រម » ។
-
អរគុណដល់អ្នកឡើងនិយាយ ។
➌
រំឭកឡើងវិញ
-
សូមនិយាយថា « បើអញ្ចឹង អ្នកកំពុងតែនិយាយថា … »។
-
បន្ទាប់មកនិយាយឡើងវិញនូវអ្វីដែលអ្នកបានឮ ។
➍
សូមសួរថា
-
សួរ ៖ « តើខ្ញុំយល់ត្រូវទេ ? »
-
សូមរង់ចាំចម្លើយ ហើយស្តាប់ ។
-
-
តាំងចិត្ត ៖សូមតាំងចិត្តធ្វើសកម្មភាពខាងក្រោមអំឡុងសប្ដាហ៍នេះ ។ សូមគូសសញ្ញាកែងក្នុងប្រអប់ នៅពេលអ្នកបញ្ចប់សកម្មភាពនីមួយៗ ។
-
អនុវត្តជំហានដើម្បីឆ្ពោះទៅរកការរៀនស្តាប់ជាមួយក្រុមគ្រួសារអ្នក ។
-
ឲ្យសមាជិកគ្រួសារចែកចាយអំពីឧបសគ្គ ឬ សំណួរដែលគាត់ ឬនាងជួបប្រទះ ។
-
អនុវត្តជំហានការស្តាប់ នៅពេលអ្នកស្តាប់ពីឧបសគ្គទាំងនេះ ។
-
-
បង្រៀនគោលការណ៍នេះដល់ក្រុមគ្រួសារអ្នក ។
-
បន្តអនុវត្តគោលការណ៍មូលដ្ឋានគ្រឹះពីមុនៗ ។
-
ការបង្កើតកម្លាំងលើក
ប្រសិនបើអ្នកមិនអាចមើលវីដេអូទេ សូមអានរឿងនេះវិញ ។
ប្រធាន អុជដូហ្វ ៖ ដើម្បីឲ្យយន្តហោះមួយអាចហោះឡើងពីដីបាន អ្នកត្រូវតែបង្កើតការលើកឡើង ។ នៅក្នុងឌីណាមីកអាកាស ការលើកឡើងកើតឡើងបាននៅពេលខ្យល់ បក់ហូរកាត់ពីលើស្លាបយន្តហោះ ក្នុងរបៀបមួយដែលធ្វើឲ្យសម្ពាធខាងក្រោមស្លាបយន្តហោះខ្លាំងជាងសម្ពាធខាងលើស្លាបយន្តហោះ ។ នៅពេលដែល ការលើកឡើងនេះមានកម្លាំងខ្លាំងជាងការទាញចុះនៃទម្ងន់យន្តហោះពីទំនាញផែនដី នោះយន្តហោះក៏ឡើងពីដីហើយសម្រេចបាន ការហោះហើរ ។
ស្រដៀងគ្នានោះដែរ យើងបង្កើតការលើកឡើងនៅ ក្នុងជីវិតខាងវិញ្ញាណយើង ។ នៅពេលកម្លាំងដែលកំពុងរុញយើងឆ្ពោះទៅកាន់ស្ថានសួគ៌ខ្លាំងក្លាជាងការល្បួង និងទុក្ខព្រួយដែលទាញយើងចុះនោះយើងអាចឡើង ហើយហោះយ៉ាងខ្ពស់ទៅកាន់អណាចក្រនៃវិញ្ញាណ ។
ទោះជាមានគោលការណ៍ដំណឹងល្អជាច្រើនដែលជួយយើងដើម្បីសម្រេចបានការលើកឡើងក្តី ខ្ញុំសូមផ្តោតតែទៅលើចំណុចមួយជាពិសេស ។
[ ការអធិស្ឋាន ! ]
ការអធិស្ឋានគឺជាគោលការណ៍មួយនៃដំណឹងល្អ ដែលផ្តល់នូវការលើកឡើង ។ ការអធិស្ឋានមានអំណាចដើម្បីស្ថាបនាយើងពី [ ការខ្វល់ខ្វាយខាងលោកិយ ។ ការអធិស្ឋានអាច ] លើកយើងឡើងខ្ពស់កាត់ពពកនៃក្តីអស់សង្ឃឹម [ ឬ ] សេចក្តីងងឹតឲ្យមានពន្លឺ និងជើងមេឃពណ៌ខៀវ ។
ពរជ័យមួយនៃពរជ័យដ៏អស្ចារ្យជាច្រើន និង អភ័យឯកសិទ្ធ ហើយព្រមទាំងឱកាសទាំងឡាយដែលយើងមានក្នុងនាមជាកូនចៅរបស់ព្រះវរបិតាសួគ៌គឺថា យើងអាចទំនាក់ទំនងជាមួយទ្រង់បាន [ តាមរយៈការអធិស្ឋាន ] ។ យើងអាចនិយាយជាមួយទ្រង់ពីបទពិសោធន៍ក្នុងជីវិតយើង ពីឧបសគ្គ និងពរជ័យទាំងពួង ។ យើងអាចស្តាប់ ហើយទទួលការណែនាំពីនគរសេឡេស្ទាលតាមរយៈព្រះវិញ្ញាណបរិសុទ្ធ [ គ្រប់ពេល និងគ្រប់ទីកន្លែង ] ។
( ឌៀថេរ អេហ្វ អុជដូហ្វ « Prayer and the Blue Horizon » Ensign ឬ Liahona ខែ មិថុនា ឆ្នាំ ២០០៩ ទំព័រ ៥–៦; ពាក្យសំដីនៅក្នុងរង្វង់ដង្កៀប ត្រូវបានបន្ថែមដោយ ប្រធាន អុជដូហ្វ នៅក្នុងកិច្ចសម្ភាសខែ មីនា ឆ្នាំ ២០១១៤ )