Vulica

Na cava meda cakava ena ilawalawa oqo?

Gauna:Tuva na gauna me 60 na miniti me baleta na iwasewase ni Vulica.

Wilika:Meda kila na inaki ni ilawalawa ni bula rawati koya oqo, cega na drauna e loma ni waqa ni ivola ni cakacaka ka wilika na ivakamacala taumada.

Eda lako mai me veivuketaka na vaqarai ni cakacaka vou se na cakacaka e vinaka cake. Tiko talega noda vakatutu e levu cake, meda bula rawati keda ka veivukei vei ira na tani.

Vakatovotovo:O ira era bulataka na ivakavuvuli eda na vulica vata e vakavuqa ni ra na sotava vakatotolo na cakacaka. Sa na ganita gona me yalodinataki na kena qaravi! Rai kina Mape ni Rawa-ka ena Vaqara Cakacaka ena iotioti ni tabana ni ivola oqo ka mo ni na wilika kece sara.

Wilika:Eda na vakavinakataka na noda vaqara cakacaka ena veisiga. Tekivu nikua eda na vakanamata kina saumi ni ono na taro ena Mape ni Rawa-ka ena Vaqara Cakacaka baleti keda. Eda na yalayala, cakava, ka da na qai mai ripote kina ilawalawa. Eda na rawaka vata!

Ena gauna eda sa na rawa cakacaka kina, eda na lakova tikoga mai na bose ni ilawalawa meda mai vuli ka vakatovotovotaka na ivakavuvuli ni Yavu . Eda na tosoya tikoga na noda laveti ira cake na lewe ni ilawalawa ka sasagataka na veivuke ni ilawalawa mera veivuke ena bolebole ni vaqara cakacaka.

Oqo na taro kei na ka me caka ena macawa oqo.

Wilika:NA TARO NI MACAWA OQO—Meu na rawata vakacava na madigi ni cakacaka donu?

KA ME CAKA ENA MACAWA OQO—Vakarautaka ka vakatovotovotaka na noqu ivakamacala, “o au ena 30 na sekodi” ka wasea vei ira kece au rawa ni cakava kina. Vakasamataka na caka ni Vakatotolotaki ni Vaqara Cakacaka (itaviqaravi me caka kevaka e rawa).

Na vo ni bose oqo ena vukei keda meda sauma na taro oqo ka cakava na ka ena ganita.

Vakatovotovo:Meda sa cakava mada na ka me na caka vakailawalawa. Meda taura mada e lima na miniti ka digitaka e dua na yaca me vakatokai kina na nodatou ilawalawa.

Vola e ra na yaca ni ilawalawa:

Na cava e tiko vei au, e rawa niu solia?

Veivosaki:Ko sa bau madua li ena nomu kaya vei ira na tamata ni ko gadreva tiko e dua na cakacaka?

Wilika:Meda kakua sara ni lomaleqa kina! Na tamata kece e a gadreva e dua na cakacaka ena dua na gauna. E tiko kece vei keda na taledi kei na kila. Kena ikuri, ni o keda eda luvena na Kalou. E rawa ni da rawa ka! Ena gadrevi meda tukuna vei ira na tamata ni da vaqara tiko e dua na cakacaka vinaka sara ka sa tiko vei keda na kena kila!

Vakatovotovo:Wasewase kina vica na timi lalai lewe ya tolu. Tuva na idabedabe me veiqaravi ka qai cakava na itaviqaravi oqo.

1. Me dua me tukuna vei ira na kena vo e dua na ka o sa rawata oti. Me vakalekaleka ga! Rawa ni o tukuna: “E a soli vei au na ‘icovi ni veiqaravi vinaka duadua’ mai vanua ni cakacaka,” se “au a kaulotu” (se “dua ga na itavi ena Lotu, se “o au e dua na tina.”

2. Me vakatotolo sara nodrau na kaya mai vei iko na lewe rua se na maqosa kei na kila cava soti ena gadrevi me rawa ni ko cakava rawa. Kevaka mo a kaya, “Au a kaulotu,” e dodonu me rau kaya mai na lewe rua, “O iko e dua na tamata yaloqaqa, dua na gone vinaka, dau cakacaka, iliuliu, dauveiqaravi, dua e dau vakatutu, dau vinaka vei ira na tamata, o qasenivuli, dau tuvatuva ka, ka sa na rawa ni ko cakava eso na ka dredre.”

3. Me na caka na ka oqo mai vei ratou kece sara na lewe ni ilawalawa.

Veivosaki:E vakaevei o iko ena nodra sa tekivu veivosakitaka nomu taledi, kei na maqosa ni kila na lewe ni ilawalawa?

Wilika:Wirina ena kato oqo na ka o sa cakava rawa ka vola e levu tale. Kakua ni dokadoka. Mo na qai wirina na nomu rawa ka, maqosa vakacakacaka, kei na nomu kilai tani vola e levu tale na ka. Tovolea mo raici iko me vaka na Nona raici iko na Tamada Vakalomalagi.

VEIKA SA SOTAVI (Wirina ka vola e so tale na ka)
iLesilesi Vakalotu
Tabana ni Kaulotu
iTubutubu
iCovi ni gumatua ena cakacaka
Vuli Ka
Veiliutaki
iCovi ni veiqaravi
Liutaka na bose
Volitaka e dua na ka
Bulia e dua na ka
Solia e dua na itukutuku

RAWA KA, MAQOSA VAKACAKACAKA, KILAI TANI (Wirina ka vola e so tale na ka)
Dina	Gugumatua
Maqosa ena veivoli	Dauvakarorogo vinaka
Nuitaki	Loloma
Maqosa ni sasamaki	Cakacaka vakamisini
Veitaratara	Dau lalawa ka
Qasenivuli	Dauniivurevure
Vuku	Vakavinakataki yaya
Dautara vale	Yalomalua
Dauvakavure vakasama vovou	Vakaitovo matau
Tobotobo totolo ena vuli	Dautaracake na duavata
Daunituvatuva ka	Dau raica na veiyasana vivinaka

Meu tukuni au vakacava vei ira na tani?

Wilika:Oqo sa qai kila ni levu na ka e vinakati mai vei iko! Me rawati e dua na cakacaka vinaka, e dododu mo tukuna vei ira na tamata na nomu maqosa vakacakacaka me vukei iko ka dodonu mo na tukuna vakatotolo ka me veirawai vei ira. Me na qarava taucoko na ilawalawa ena kena wiliki na “iTukutuku taumada kei Sofia.”

iTukutuku Taumada kei Sofia

Bula ¹ Na yacaqu o Sofaia Gonzalez, kau ² gadreva e dua na cakacaka vaqasenivuli ena dua na koronivuli vakaitaukei. ³ Sa yabaki lima noqu veivakavulici tiko ka tiko vei au na sitivikiti ni veivakavulici. Era dau rawata noqu gonevuli na maka vivinaka sara. ⁴ Au qasenivuli taleitaki, ka ra solia vei au na noqu gonevuli na nodra vinaka kece.

¹ Yaca ² iNaki ³ Rawa-ka Vakavuli ⁴ Kilai tani

Vakatovotovo:Oqo, mo sa bulia e dua na kemu ivakamacala taumada mai na va na tikina sa toka oqo. Vola ena laini sa koto oqo e ra. Taura e 2 -3 na miniti. Wili kina:

1. Na Yacamu

2. Na cakacaka o gadreva (inaki)

3. Na cava o na vinaka kina ena cakacaka oqo (rawa-ka -vakavuli)

4. E so na ka o kilai tani kina se o maqosa ni cakava me na vukei iko mo rawata na cakacaka o ya.

“O au ena 30” Veivuke: Vakalekaleka ga! Era na vakarorogo na tamata ena vica walega na sekodi.

Na mataqali ivakamacala taumada vakaoqo e vakatokai me “o au ena 30 na sekodi.” Tucake yadudua ka vakamacalataki iko mai na nomu “O au ena 30 na sekodi.” Mo na taura ga e 30 na sekodi. Meda vakasausau ka kaila ena vakavinavinaka!

Wilika:Na “o au ena 30 na sekodi” sa dua na ivakamacala taumada momona ka ni tukuni keda tiko vakalekaleka sara. Ena vakaibalebale sara vakalevu kevaka meda na laki tinia ena so na taro vei koya eda wilika tiko vua. O Sofia e vakatovotovotaka e vica na taro ena nona ivakamacala ka vakatau mai na tamata erau veisotari.

Na itokani, matavuvale: Na qasenivuli se itaukei ni koronivuli cava o veikilai kei ira?

Sekeriteri: e rawa beka ni o biuti au vei Mrs. Gomez, na kena itaukei?

iTaukei ni cakacaka: ena vukei iko vakacava noqu kila vakacakacaka?

Meda vakamacalataki keda vei ira e levu sara na tamata mera kila ni da vaqara cakacaka tiko.

Vakatovotovo:Taura e vica na miniti mo vola na nomu“o au ena 30 na sekodi” ke gadrevi vakakina Vakavinakataka cake. Kuria ena so na rawaka vakavuli kei na ka o kilai tani kina. Kuria ena so na taro ko na rawa ni taroga ni o vosa tiko vua e dua na itaukei ni cakacaka.

Taro:

Vakatovotovo:Dou qarava vakailawalawa na itaviqaravi oqo. Ena dodonu me kakua ni sivia e 5 - 6 na miniti.

1. Tucake kece ka toso yani kina dua na vanua galala. Me veisa qaravi kece na tamata.

2. Tukuna vei kemu isa na nomu “o au ena 30 na sekodi”.

3. Oti me qai tukuna lesu mai o kemu isa na nona “O au ena 30 na sekodi”.

4. Tukuna sara vakatotolo vua na nomu railesu:

   • E tiko kece kina na va na tikina (yaca, inaki, rawa-ka vakavuli, kilai tani)

   • E laki vakacavari li ena dua na taro?

   • E ka dina li ka yalodei? E tara cake li na vakanuinui?

   • E a matadredredre tu li na tamata o ya?

   • Ko na gadreva li mo tukuni koya na tamata oqo se mo vakacakacakataki koya?

5. Veisautaka na kemu isa ka cakava tale. Cakava tale!

6. Vakusakusataka me yacova ni tamata kece sa cakava oti vaka lima.

Wilika:Tekivu oqo eda sa na sega ni qai madua na tukuna vei ira na tamata ni da vaqara cakacaka tiko. Eda rawa ni na kaya vei ira kece ni da sa tu vakarau meda vakacakacakataki kei na kila sa tu vei keda!

Eda sa vakarau li meda lako yani ka laki wasea na “o au ena 30 na sekodi” vei ira kece na tamata eda sota ni bera ni da mai sota tale ena bose ka tarava.? E rawa beka?

ITAVIQARAVI E VAKATAU: ENA VAKUSAKUSATAKI NI VAQARA CAKACAKA
(KAKUA NI CAKAVA OQO ENA GAUNA NI BOSE.)
Ena ika lima ni bose eda na vulica kina e dua na sala me kusai kina na vaqara cakacaka. Ia, Kevaka mo via vakatotolotaka nomu vaqara cakacaka ena gauna oqo, ko na rawa ni cakava na ka oqo ni bera na bose. Ena rawa ni ko vakayacora sara ga o iko se vata kei na so tale.
Mo na rawa ka vakatotolo sa na rawa ni ko vulica na “Vaqara Cakacaka Vakatotolo” ena iwase ni iVurevure, tabana e 15 - 20. Mo veivosakitaka ka vulica kei na nomu matavuvale, dua na lewe ni ilawalawa, se dua na itokani. Lako yani ka cakava—vakaraica na ivurevure, veitaratara kei ira e so, ka lokuca na bose vata kei na levu ga ni tamata o rawata. Oqo ena taura toka e rua kina va na aua ena dua na siga.
Vaqarai ni cakacaka e cakacaka! Ia, ni ra vakamuria na tamata na ituvatuva oqo, era na rawata vakatotolo sara e dua na cakacaka.
Kevaka o digitaka mo cakava na itaviqaravi, lesu mai ka mai ripote vei iratou na lewe ni ilawalawa. Na veika o sotava ena vukei ira na lewe ni ilawalawa.

Meu na vakatulewataka vakacava na noqu bula vakailavo?

Wilika:Na bula rawati koya e wili kina na vakayagataki ilavo me lailai mai na ka eda saumi kina ka maroroya e so ena ilavo maroroi Na ilavo maroroi ena vukei keda meda sotava na veika e dau yaco vakasauri se vukei keda kei na noda matavuvale ena kena dau lailai na isau ni veisaumi mai na ka eda namaka. Ni da sa tiki ni ilawalawa oqo, eda sa yalataka meda na mamaroroi ena veimacawa, kevaka me dua sara mada ga se rua na tiki ni siliva.

Veivosaki:Ena so na vanua, e vinaka cake me laki maroroi tu na ilavo ena dua na baqe. Ena so tale na vanua, ena sega soti ni vinaka me vaka ni isau ni bula sa tiko sara ga e cake se sega soti ni ra dau vakanuinuitaki na baqe. Era vinaka li ena veiqaravi na baqe era tu ena nomuni vanua? Na baqe cava e tiko kina na tubu vinaka duadua ni vakabula ilavo?

Wilika:E dua na tiki bibi ni noda bula rawati keda sai koya meda galala mai na dinau. Na dinau yadudua e dau vakayagataki me da dau sausaumi kina vakasivia mai na ka eda rawata tiko. Era sa vakasalataki keda na parofita meda vagalalataki keda mai na dinau, ni noda sa rawa ni bula rawati keda eda sa na vakalailaitaka ka vagalalataka na dinau (ka na via manata toka kevaka me tiko na dinau ni bisinisi.)

Na veiqaravi vakavuniwai e vinakati vakasauri ena vakavuna e dua na leqa bibi vakailavo. Na inisua kei na veivuke ni qaravi ni bula mai na matanitu ena dau veivuke sara ena veigauna vakaoqo. Na noda saini baleta na inisua se veivuke mai na matanitu sa na rawa ni ka bibi sara ena noda sala kina bula rawati keda.

Veivosaki:Eso na mataqali inisua (me vaka na inisua ni taqomaki ni bula kei na maroroi ni tauvimate) era sa bini tu ka ra sa kilai levu tu ka ra sa nuitaki sara ga ena gauna oqo. E so na kabani ni inisua era vinaka, ia e so tale era dau vaivakaisini toka. Na cava na inisua vinaka duadua e tiko e nomu vanua?

Na cava e vinakata kina na Turaga meda dau bula rawati keda?

Veivosaki:Na cava e vinakata kina na Turaga meda dau bula rawati keda?

Wilika:Wilika na vosa cavutii ena imatau

“Na vakatabui sa ikoya na kena sa biu vakatikitiki se sa vakacabori e dua na ka bibi me sa na vakayagataki ga ena vanua sa vakatikori kina.”

D. Todd Christofferson, “Nanumi Lesu na Bula sa Vakatabui,” Ensign se Liaona, Nove. 2010, 16.

Veivosaki:Ena rawa vakacava me vakacaudreva e dua na “inaki cecere,” na noda sasaga me vaka e kaya o Elder Christofferson?

Wilika:Na Turaga e tiko Vua na kaukauwa me vukei iko mo bula rawati iko. A kaya kina o Koya, “Koi au na Kalou; au sa Kalou ni caka mana” (2 Nifai 27:23). Ni da sa vakacabora se vakatabuya na noda sasaga meda rawata na cakacaka me rawa kina ni da rawata na inaki tabu ni Bula rawati keda, na Turaga ena tuberi keda yani ena veivakauqeti. Ni da sa vakaraitaka noda vakabauta ena noda vakarorogo ka vakamuria na Nona veivakauqeti, na Turaga ena vakayacora na Nona cakamana ka vakayaco ka vakalevu ena noda sasaga mai na noda sasaga ga o keda vakai keda.