iVurevure

Oqori e Sega ni Noqu Cala

Digitaka na itavi mo matanataka ka vakatovolea na veika oqo.

JOSEFA (NA BOSO): Gloria, iko sa bera tiko ena tolu na aua.

GLORIA: Vosoti au, Josefa. Au gadreva eso tale na ka. E a tauvimate ena bogi na luvequ tagane kau a sega ni moce rawa me yacova ni sa bogilevu sara.

JOSEFA: Oqori e sega ni noqu leqa.

GLORIA: Qai sega ni tagi na noqu alamu ena mataka nikua.

JOSEFA: Sega ni noqu leqa

GLORIA: Ena gauna au sa vakarau kina, au sa calata na imatai ni basi.

JOSEFA: Tukuna tale, sega ni noqu leqa

GLORIA: Niu yaco kina ikelekele ni basi, au qai kila ni sega tu vei au na ilavo me noqu ivodovodo ni basi

JOSEFA: E sega tikoga ni noqu leqa

GLORIA: Au sa qai calata talega na ikarua ni basi baleta niu a lesu tale i vale meu laki kauta mai na ilavo.

ANTHONY: Waia, vosota niu sa na takosova yani nomudrau veivosaki, na misini o ya sa baci ca ka sa drodro tu ga mai kina na waiwai.

JOSEFA: Na misini cava?

ANTHONY: Au sega ni kila se cava na yacana. Koya na kena ka dabe toka mai na kona mai muri ena yasa ni tavata. E sega ni tiko nikua o Tomasi, ka sa ikoya ga e dau cicivaka tiko na misini o ya.

JOSEFA: Oqori e sega ni noqu leqa.

ANTHONY: Au sa mani vakayagataka ga na misini ka sa qai mai tao sara ga.

JOSEFA: Ughh Oqori e sega ni noqu leqa.

ANTHONY: Ena rairai tiko beka e dua na kena ivolavakamacala ia au sega ga ni kila se sa tiko e vei.

JOSEFA: Ok, ok. Kemudrau ruarua, drau tu mada vakadua! Anthony, Gloria, drau sa walia na leqa o ya.

Lesu ki na tabana e 98

Oqori na Noqu Leqa.

Digitaka na itavi mo matanataka ka vakatovolea na veika oqo.

JOSEFA: Anthony, e rawa beka ni ko qiriti Tomasi mo kila mai vua se siga cava ena lesu mai kina mai na sikovi ira na dauvolivoli? Edatou na vinakata me levu toka na waiwai ena misini.

ANTHONY: Au kila ni datou na gadreva e so na waiwai. Au sa volia oti mai e so kau sa vakavodoka oti talega

JOSEFA: Na cava? O sega ni waraki Tomasi? Au sega ni vinakati iko mo baci vakaleqa tale na misini.

ANTHONY: Au sa kila vinaka tu oqo na misini o ya. Au a kunea na kena ivola vakamacala, kauta ki vale laki vulica mai, ka lesu mai ka ripeataka na misini. Oqo, au sa na rawa ni qarava na cakacaka ni lako tu o Tomasi ena sikovi ira na dauvolivoli.

JOSEFA: Isa, totoka oqori.

ANTHONY: Ia e sega ni o koya walega o ya. Au sa lokuca na kena mai vakadikevi me rawa ni na sega ni yaco tiko mai muri na leqa vata oqo.

JOSEFA: Vinaka, Anthony. Au vakavinavinakataka na nomu rawa ni walia na leqa oqo.

ANTHONY: Sa ikoya oqori na noqu leqa.”

JOSEPH: [Vosavosa i yalona] Sa bau laveti koya cake sara ga o Anthony, o koya sa saumi koya ga vakataki koya nikua.

JOSEFA: [Sobo, Ae, Gloria Ko qai lako vakacava mai? E a qiri mai o Angela ka kaya ni na sega ni rawa mai ki cakacaka nikua baleta na nodra vakabesebese na draiva ni basi. Au nanuma ni o iko kei Benjamin o drau na sega talega ni yaco mai.

GLORIA: Au kila ni o ira na draiva ni basi era sa veitalanoataka tiko ni ra na vakabesebese, au sa mani veivosaki tu vei Benjamin ena vica na siga sa oti me na vakavodoki au mai kevaka me sa na yaco dina na vakabesebese.

JOSEFA: Sa totoka sara ga oqori ena nomu sa vakasama sara ki liu.

GLORIA Au nanuma talega ni laini ena igunugunu ni benisini ena balavu nikua, au sa mani solia tu vei Benjamin e so na ilavo ka kerea vua me vakatawa benisini rawa ena noa ni bera ni kacivaki na itukutuku ni vakabesebese.

JOSEFA: E tiko vei iko na ilavo me baleta na ka oqori?

GLORIA O io au sa dau biuta tu vakatikitiki na ivodovodo ni basi au sa qai vakayagataka o ya me saumi kina na benisini ni motoka. Keirau sa lako kei Benjamin ka laki vakavodoki Angela ka keitou sa tiko kece oqo.

JOSEFA: Gloria, vinaka vakalevu na nomu sa rawa ni raica rawa yani na veika oqo. Era vinakati kemudou tolutolu sara ga na dauvolivoli mo dou tiko e ke nikua.

GLORIA: Sa dina sara Josefa, oqori na noqu leqa

JOSEFA: Vosavosa i yalona] au a sa vakarau sara tu ga meu sa vakasakei koya? O koya e tautauvata kei na tolu na tamata cakacaka nikua.

Lesu ki na tabana e 98

O Koya, e Tara Tiko e Dua na Valenitui

Kerea e dua me wilika na veika oqo

“Vakanananutaka mada ni o iko e dua na vale. Sa qai lako mai na Kalou ka vinakata me taravou tale na vale. Ni se qai tekivu, ko na rawa beka ni vakila na ka e vinakata tiko o Koya me cakava. Sa vakavinakataka mai na sala ni wai, ka tarova na turu ni wai mai na delavuvu ni vale, kei na so tale na ka, ka o kila vinaka tu o iko ni cakacaka oqo e a dodonu ga me caka ka sega ni kurabui kina. Ia, oqo sa tekivu me samusamulaka mai na veiyasana kecega na vale ka sa vaka e mositi iko tale na ka e cakava tiko ka sa sega sara ga ni vakaibalebale vei iko. Na cava beka sa vinakata tiko o Koya me yaco? Na kena ivakamacala e vakaoqo, o Koya e tara tiko oqo e dua na vale ka duidudi mai na kena o nanuma kauta laivi e dua na yasa ni vale eke, ka vakavouya na fulowa mai yasana ka dua, tara cake na kena tawa ka vakarairai vinakataka na kena lomanibai. Ko a nanuma ni ko na tara me dua na vale lailai toka ga ka rairai vinaka, ia o Koya e vinakata me tara e dua na valenitui” (C. S. Lewis, Mere Christianity [1960], 160).

Lesu ki na tabana e 103

Meu Kunea Vakacava e dua na Dauniveituberi me Vukei Au Meu na Rawa- ka Vakalevu. (iTaviqaravi e Vakatau)

Wilika:E dua na tamata cakacaka nuitaki ena kila na lawa ni cakacaka kei na veika e namaka o itaukei ni cakacaka. Ia, e sega tu na “ivolanicakacaka ni kabani” me vakamacalataka na veika e namaki vakaoqo. Sa vakakina ni veivanua ni cakacaka era duidui.

Vakatovotovo:Vakasamataka mada na nomu na rawa ni kunea na lawa ka ra sega tu ni volai vakaoqori kei na veika ena gadrevi ena veivanua ni cakacaka. Ko na rairai na via tarogi ira na lewe ni matavuvale, itokani, se o ira na leweni ilawalawa me baleta na nodra nanuma.

Wilika:E so na veika ena namaki era na vaka tu ga na ka ni vakasama. E so ena rawa ni vakadikevi tu ga. Ia, e so tale, ko na rairai na vinakata kina e dua na dauniveituberi. Na dauniveituberi sa ikoya e dua ko na dau vakararavi vua ka kila tu na veika matailalai ni kabani kei na kena lawa ka sa tu vakarau me na vukei iko.

Vakatovotovo:Ni bera na bose ka tarava, digitaka e dua na dauniveituberi ena nomu vanua ni cakacaka ka kerei koya me vukei iko mo vulica na lawa kei na veika ena namaka na kabani.

Se vakamacalataka na ituvaki ni tamata ko na gadreva me nomu dauniveituberi ena nomu vanua ni cakacaka vou.

iDusidusi