iVurevure

Na veivakatarogi

Digitaka na itavi mo matanataka ka vakatovolea na veika oqo.

DAUNIVEIVAKATAROGI: Na cava o rawa ni tukuna vei au me baleti iko?

MATAVAKATURI 1: Ko nanuma ni veika au vinakata na cakava? Sega ni levu sara, ya e dina. E sega tu na qito se cakacaka au dau taleitaka. Sega sara ga ni dua na ka au dau cakava tu.

MATAVAKATURI 2: Umm … Oilei, au … … 

MATAVAKATURI 3: Isa, au na taleitaka. Me vaka o sa raica niu dautaleitaka na lave ka bi. Au a dodonu meu lako ena kalasi ni vakatulewataki ni cudru. Ia o cei e vinakata na lako kina? Ko ni sa kila taucoko na kena ibalebale oqo?

MATAVAKATURI 1: Se cava o nanuma niu dau vakacava tu o au mai vanua ni cakacaka? Au se bera mada ni dede ena dua na vanua ni cakacaka meu na kaya. Au dau logaloga ca totolo kau sa sega gona ni rairai kina. Sega beka ni dodonu meu tukuna na ka o ya.

MATAVAKATURI 2: Umm …

MATAVAKATURI 3: ni tamata e vakavulica tiko na kalasi ni vakatulewataki ni cudru, … Au rawa ni musuki koya vakaveimama. Se o cei beka me noqu boso? O iko? O iko, o sega ni mataqali tamata ka dau vakaraici keimami wasoma se keimami osososo tiko se sega, se vavei? Sa vaka tiko o keimami e dua na ilawalawa gonelalai? Na noqu boso e liu e dau cakava vaka o ya, kau dau sega ni taleitaka.

DAUVEIVAKATAROGI: Na cava na vuna me keitou vakacakacakataki iko kina?

MATAVAKATURI 2: Dodonu mo dou vakacakacakataki au baleta … um …

MATAVAKATURI 1: Sa vinaka, au gadreva e dua na cakacaka. Au nanuma ni o tinaqu e a mai vosa vei iko ena noa baleta na ka oqori. Tukuna o koya ni dodonu meu vaqara e dua na noqu cakacaka. Se sega beka?

MATAVAKATURI 3: O sa lialia kevaka o sega ni vakacakacakataki au. Au raica ena noqu curu mai ni so na ka ena ganita me veisautaki eke. Kurabuitaki ni o dou se cici tikoga vakabisinisi. Au na rawa ni vakavinakataka taucoko na veika o ya. Io? Ko na vakavinavinakataki au niu a mai vakabula nomu bisinisi.

MATAVAKATURI 2: Baleta … um …

DAUVEIVAKATAROGI: Na cava na nomu malumalumu levu duadua?

MATAVAKATURI 3: E sega ni dua na malumalumu e tiko vei au. Na cava o ya? Sobo, au cata na mataqali taro vaka o ya.

MATAVAKATURI 2: Malumalumu? Hmm …

MATAVAKATURI 1: Umm … butako. Au kila ni sega ni butako, e dina beka. E sega ni butako. Sa dua na italanoa balavu. Au kaya niu a via kauta lesu mai. Au nanuma ni o noqu boso ena solia meu vakayagataka mada vakalailai.

Lesu ki na tabana e 24

Meu Vukica Vakacava na Dredre me Rawarawa? (iTaviqaravi e Vakatau)

Veivosaki:Ko na sauma vakacava na taro oqo: “Na cava na nomu malumalumu levu duadua?” Wilika na isaunitaro nei Gloria.

“Vinaka, au sa cakacaka tiko ena noqu saga meu vikataka vakavinaka na noqu vakayagataka na gauna. Au sa kunea e dua na iyaragi ni ivolanivula me vukei au, kau sa vakayagataka tiko ena veisiga. Se qai oti ga oqo, dina ga ni levu na veiqati e tubu mai, au a vukea meu kauta mai e dua na matatimi ni volivolitaki me vakacavara ena kena gauna donu.”

Wilika:Notisi e wasea o Gloria:

• Na malumalumu e tiko kina tamata taucoko

• Vakamacalataka matata sara ga na nona saga me valuta na malumalumu o ya.

• iKuri ni ripote mai na iyatuvosa veivesuki.

Vakatovotovo:Tovolea oqo kei na dua na lewe ni matavuvale se itokani. Mera taroga mada vei iko e dua na taro dredre. Sauma ena nomu wasea e dua na malumalumu ka tiko kina tamata kecega. Vakamacalataka na nomu sa valuta rawa na malumalumu oqori. Kuria na itukutuku ni iyatuvosa veivesuki.

iDusidusi