iVurevure

Vaqara Cakacaka e Veisiga : iTalanoa nei Alba

Kerea e dua me wilika na veika oqo.

Na noqu lomaleqataka niu sega tu ni cakacaka e biligi au sobu sara ga ki ra na vanua ena rawa duauda ga vua na Tamaqu Vakalomalagi me vueti au cake mai kina. E a vakauqeta e dua me mai sureti au meu lako kina vale ni bula rawati koya na vanua e tekivu kina e dua na parokaramu ni vaqara cakacaka ka vakatokai na Kusai ni Vaqara Cakacaka. Oqo e dua na iwalewale ni kena vakavulici na vaqarai vakatotolo ni cakacaka. Sa dua dina na veivakalougatataki vinaka!

Ena ituvatuva oqo, au kunea kina e dua na cakacaka tudei ena dua na tabacakacaka ni matanitu. Au a vakacakacakataki meu cicivaka na tabacakacaka ni vakauitukutuku. Au sega ni vakatitiqataka ni oqo e a rawa mai na noqu masu kei na nona isaunimasu na Kalou.

Lesu ki na tabana e 81

iVurevure ni Vaqara Cakacaka e Veisiga

Vakaitavi kece ena wiliwili.

Eda vakavulici mai na ivolanikalou, ni “sa kilikili mera gumatua ena cakacaka vinaka ko ira na tamata kecega io, mera vakayacora ga vakai ira na ka era kila ni dodonu. … Sa tu vei ira na kaukauwa, me ra vakayacora ga na ka era gadreva.” Sa salavata mai na ivakaro oqo e dua na yalayala: “ia, na tamata kecega sa vakayacora na veika dodonu, ena rawata vakaidina na kena isau” (V&V 58:27–28).

O ira era vaqara cakacaka ena yalodina era kila ni “sa tu vei ira na kaukauwa,” ka na vukei ira na Kalou ni sa “kilikili mera gumatua.” Ena ganita meda na veitalanoataka e dua na icakacaka ni vaqara cakacaka ka sa vakamawe tiko ena tolu na kena iwasewase. E vakatokai na Kusai ni Vaqara Cakacaka.

Matai, o ira era sa rawaka ena vaqara cakacaka era sa vulica mera na raica ka kila e 15 na ivurevure ena veisiga. iKarua, e 10 na nodra veitaratara ena veisiga. Me rua na nomu bose se veivakatarogi ena veisiga yadua.

Ni se qai tekivu, ena vaka e tatadredre na Kusai ni Vaqara Cakacaka. Ia, ni veitalanoataki na kena veitikina, ko na qai raica ni veika oqo ena rawa ka na yaco me vakakina.

Meda tekivu mada ena ivurevure Na cava na ivurevure? Na ivurevure e dua na tamata, dua na vanua, se dua na ka ena vukea na veimuataki ni dua e vakasaqaqara cakacaka tiko kina dua na vanua e vaqara tiko mai.

Mera na wili kina na matavuvale kei na itokani, lewe ni Lotu kei ira na iliuliu, itaukei ni cakacaka kei na tamata cakacaka, qasenivuli kei ira na daunivakasala ena cakacaka, tamata era tu ena sitoa qo se o ira kecega e rawa ni ra solia e dua na itukutuku ni cakacaka kei na ivurevure.

Na veivanua e wili kina na valenivolavola ni vaqara bisinisi, minisitiri ni veivakacakacakataki, kei na vanua ni vaqaqara ka ra sa vakaivola tu. Na veivanua vakaoqo ena solia na itukutuku ka na veivuke sara vakalevu.

Na veika ena vukea na nomu vaqaqara e wili kina na ivolalevu ni talevoni kei na veimataveilawa ni bisinisi, na initaneti, mekasini ni bisinisi, niusipepa kei na veivanua tale e so ni soli itukutuku.

Cakava e dua na lisi me rauta ni 15 ena veisiga yadua!

Lesu ki na tabana e 82

Veitaratara ni Vaqara Cakacaka ena Veisiga

Vakaitavi kece ena wiliwili.

Oqo meda sa veivosakitaka mada na veitaratara. Na veitaratara e sega walega ni vakau kina na ivola kerekere se vakaleweni kina e dua na ivola ni vaqara cakacaka. Mai na ivurevure kece o sa kilai ira mai, mo sa na qai cakava e dua na veitaratara vei ira e lewe 10.

Veitaratara e wili kina na veikilai ena cakacaka, ira na vaqara cakacaka, vakauti ni dua na resami se dua na ivola ni vakavinavinaka, kei na ivola me volai vei ira na itokani, lewe ni lotu, ni o vaqara cakacaka tiko. Ena rawa talega ni ko veitaratara kei na nomu veikilai ko ni semati tu ena initaneti vakakina o ira na so na itaukei ni cakacaka. Vakaraica e so na madigi mo veitaratara kei ira e so na tamata ka tukuna vei ira ni ko vaqara cakacaka tiko. Levu na tamata era na marautaka mera dusia vei kemuni e so tale na tamata era kila. Na veikilai vakaoqo ena kauti kemuni yani kina veivakatarogi ka na rawa ni kunei kina na cakacaka.

Lesu ki na tabana e 82

Bose ni Vaqara Cakacaka e Veisiga

Vakaitavi kece ena wiliwili.

Kena itinitini, o ira era a solia nodra dina ena vaqara cakacaka era tovolea mera veitaratara kei na rua na tamata ke lailai ena veivakatarogi veirai mata ena dua na siga. Oqo ena rairai ni ka bibi duadua mo na qarava ena dua na siga. Na cava na vuna? Na sota ena veirai mata se veivakatarogi ena solia na veitalanoa kei na veikilai vakaibalebale. Tiko na tamata era “vosa” ena veimoiyaki ni tiki ni yagodra kei na irairai ni matadra. Na veitukutuku ka soli vakaoqo ka sega ni cavuti kina e dua na vosa ena sega ni ciqomi ena imeli se ena talevoni. Ni tiko na kemu ituvaki, era na rawa ni raica na tamata ka vakila na bibi ni veika o matanataka tiko!

Na veisotaraki ena veirai mata ena solia talega vei iko na dodonu mo raica rawa ka vakila na ituvaki ni vanua ko na rairai na laki cakacaka kina. Sa na rawa ni ko raica na nodra veimaliwai na tamata kei na nodra veilsamakai ka veivakaitokanitaki kei na rawaka ni kabani na cava ena ganita se cava me na caka ka na sotava vakacava na kabani na bolebole oqori. Na veivakatarogi sa dua na madigi vinaka!

Sega ni veisotari ena veirai mata e veisiga me na dau vakayacori kei ira na itaukei ni cakacaka. Sa rawa talega mo sotava e so na veikilai wili kina na itokani kei na matavuvale, kei na nodra itokani na itokani, vakatalega o ira na sekeriteri se qasenivuli se daunivakasala se o ira na mataqli tamata ka ra na via cakava tiko na cakacaka ko vaqara tiko. Sasaga ga mo sotavi ira na tamata! Solia vei ira na nomu “o au ena 30 na sekodi” ka vakayagataka na iotioti ni taro mo taroga kina e so mo na rawa ni laki sotavi ira talega. Sasagataka tikoga, volitaka na veika o vakamareqeta, ka kereya na veivuke kei na ivakasala. Ena levu sara na veika lelevu ena yaco.

Sa ikoya gona qo na Kusai ni Vaqara Cakacaka. Ena veisiga kevaka mo na kunea e 15 na ivurevure ka rawata e 10 na veitaratara ka qarava e 2 na veivakatarogi ena veirai mata sa na rawarawa sara. Ko na kurabui sara ena kena sa na totolo sara na nomu vaqara cakacaka. Cakava ena vakabauta tudei ka sa dolava mai vei iko na katuba ko dau nanuma tu ni dau dredre na kena dola.

Lesu ki na tabana e 82

Vaqara Cakacaka ena Veisiga: Mera Biuvata Kece Sara

Vakaitavi kece ena wiliwili.

Na tolu na tiki ni Kusai ni Vaqara Cakacaka eratou sega ni wasei yadudua. Ni ko sa cakava tiko ko na raica ni ivurevure sa ra tu ena veivanua kecega. Tekivuna na veisiga yadua ena nomu tomana na nomu lisi. Ni ko sa tekivu ko na qai vakasamataka e levu na sala mo veitaratara kina kei ira na tamata, ia na veitaratara qori ena muataki iko yani kina veisotari.

Na nomu ilawalawa ni bula rawati koya sa na dua na ivurevure, veitaratara, kei na veisotari vei iko. Sa vakakina o ira na lewe ni Lotu nomu neiba se nomu veikilai mai vanua ni cakacaka. Tosoya tikoga na iwiliwili ni nomu ivurevure ena nomu sa veitaratara. Kerea na yacadra mo veitaratara kei ira ena gauna o veisotari kina ena veiraimata. Kerea na veivakatarogi vei ira kece o veisotari kei ira.

Vakayagataka na nomu itukutuku ni “O au ena 30 na Sekodi.” Na Kusai ni Vaqara Cakacaka ena rawa, ka sa na rawa ni dua na ka talei ni ko sa tekivutaka. Kua ni wawa. Veitalanoa vata kei ira kece. Dau vakasaqara ena veigauna kece na Yalo Tabu ka sasaga mo bula kilikili tu ga. Dau maroroya na itukutuku vinaka ka dau vakamuria. Ni ko sa tekivu yavala sa na vakaraitaka na Turaga na sala.

Lesu ki na tabana e 82

Fomu ni iVurevure, Veitaratara, kei na Bose

iVUREVURE (cakava e dua na ituvatuva)	VEITARATARA (talevoni, imeli)	BOSE (veirai mata)

Fomu ni Vakamuri ni Kusai ni Vaqara Cakacaka

Makataka na kato ka kuria na ivakamacala. Vakaraitaka na kenalevu e veisiga.

iMatai ni Siga
iVurevure: ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐	Kena levu e veisiga
Veitaratara: ☐ ☐ ☐ ☐ ☐ ☐ ☐ ☐ ☐ ☐ ☐ ☐	Kena levu e veisiga
Bose: ☐ ☐ ☐ ☐	Kena levu e veisiga
iDusidusi:

iKarua ni Siga
iVurevure: ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐	Kena levu e veisiga
Veitaratara: ☐ ☐ ☐ ☐ ☐ ☐ ☐ ☐ ☐ ☐ ☐ ☐	Kena levu e veisiga
Bose: ☐ ☐ ☐ ☐	Kena levu e veisiga
iDusidusi:

iKatolu ni Siga
iVurevure: ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐	Kena levu e veisiga
Veitaratara: ☐ ☐ ☐ ☐ ☐ ☐ ☐ ☐ ☐ ☐ ☐ ☐	Kena levu e veisiga
Bose: ☐ ☐ ☐ ☐	Kena levu e veisiga
iDusidusi:

iKava ni Siga
iVurevure: ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐	Kena levu e veisiga
Veitaratara: ☐ ☐ ☐ ☐ ☐ ☐ ☐ ☐ ☐ ☐ ☐ ☐	Kena levu e veisiga
Bose: ☐ ☐ ☐ ☐	Kena levu e veisiga
iDusidusi:

iKalima ni Siga
iVurevure: ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐	Kena levu e veisiga
Veitaratara: ☐ ☐ ☐ ☐ ☐ ☐ ☐ ☐ ☐ ☐ ☐ ☐	Kena levu e veisiga
Bose: ☐ ☐ ☐ ☐	Kena levu e veisiga
iDusidusi:

Fomu ni Vakamuri ni Veitaratara
VEITARATARA

Tamata se isoqosoqo:

Talevoni:

iTikotiko:

Imeli:

E vagolei au mai eke o:

Au veitaratara kei na tamata oqo

• Io

• Sega

Tikinisiga:

Veika e veivosakitaki:

1.

2.

3.

iTaviqaravi me vakamuri:

1.

Me oti ena (tikinisiga):

2.

Me oti ena (tikinisiga):

3.

Me oti ena (tikinisiga):

Yaca vou:

1. Yaca:

Talevoni:

Fax:

Imeli:

iTikotiko:

2. Yaca:

Talevoni:

Fax:

Imeli:

iTikotiko:

iDusidusi