iVurevure

Cakacakataka ka Yalataka

Digitaka na itavi mo matanataka ka vakatovolea na veika oqo.

LEWE NI ILAWALAWA 1: Eda vakabauta na noda cakava ka maroroya na veika eda sa vakadeitaka. Ena noda ilawalawa ni bula rawati koya, na veika taucoko eda cakava ena yavutaki toka ena yalayala kei na kena ripotetaki.

LEWE NI ILAWALAWA 2: Ni oti e dua na bose ni ilawalawa, eda na raicalesu na noda cakacaka ni macawa ka sainitaka me vakaraitaka na noda veivakadeitaki. Eda na digitaka e dua na noda “itokani ni veiqaravi.” O itokani ni veiqaravi me saini ena ivolanicakacaka me ivakadinadina ni nona veitokoni. Ena veisiga ni caka na bose, eda veitaratara kei noda itokani ni veiqaravi me ripotetaki na itavi sa qaravi ka kereya na veivuke kevaka e gadrevi.

LEWE NI ILAWALAWA 3: Ena tadrua ni bose, eda na makataka na noda tubu vakacakacaka ena ivola ni cakacaka ka vakayagataka na iyaya ni cakacaka vakarautaki, me vakataka na pepa ni cakacaka se fomu tale eso. Ia, kevaka eda na gadreva na veivuke eda rawa ni kerei ira na noda matavuvale, noda itokani, se o dauveivakarautaki.

LEWE NI ILAWALAWA 4: Ena tekivu ni noda bose e tarava, eda na lesu ka ripotetaka na noda veivakadeitaki. Oqo e dodonu me gauna ni vakacegu ka vakila kina na yaloqaqa vei keda kece. Ni ra sa ripote tiko na lewe ni ilawalawa vakasamataka na nona vukei mai na nona vakayacora na yalayala kei na veika sa yaco tiko ena nona sa toso ki liu.

LEWE N I ILAWALAWA 1: Na imatai ni gauna au a ripotetaka kina na noqu veivakadeitaki, au a vakasamataka, “Oqo e ka vou.” Na cava na vuna me ratou mai kauwai kina na noqu lewe ni ilawalawa ena veika au cakava? Au sa qai mai kila e muri ni ratou kauwai dina kina. Oqori sara ga na ka e a vukei au.

LEWE NI ILAWALAWA 2: Au a raica niu sega ni vinakata meu vakawalena na noqu ilawalawa. Koya ya na vuna au cakacaka kina vakaukauwa meu qarava na noqu yalayala. Au sega ni kila seu na rawa ni qarava rawa tale beka vakaevei. Niu ripote ena veibose yadua sa vukei au sara ga ena noqu dau tuvatuva ka.

LEWE NI ILAWALAWA 3: Niu vakasamataka na noqu sala ki na bula-rawati au, au sa rere baleta ni oqo e dua na ka levu. Ia, na mai bose vakailawalawa, sa vukei au sara ga meu taura vakamalua na veikalawa yadua. Kau sa qai mai ripotetaka kina noqu ilawalawa na veikalawa yadua. Au sa qai mai toso dina sara ga. Au nanuma ni rawa-ka oqo e vu mai na kena tarai cake e so na itovo vou.

Lesu ki na tabana e 13

Kusai na Vaqara Cakacaka (iTaviqaravi me Digitaki)

Vulica ka vakamuria na veika e volai tu eke me vakatotolotaka nomu vaqara cakacaka! Ena rawa ni ko qarava na itavi oqo kei ira na nomu matavuvale, dua vei ira nomu lewe ni ilawalawa se dua nomu itokani se dauveituberi.

Sarasara:“Rafael: Cakacaka ena 6 na Siga!” (Mo raica na vidio, lako kina srs.lds.org.)

Veivosaki:Na cava e vukei Rafael ena nona vaqara cakacaka?

Wilika:Na Kusai ni Vaqara Cakacaka sa iyaragi kaukauwa sara ni vaqara cakacaka ena veisiga. Ena so na vanua, na kena icakacaka oqo sa vakalailaitaka na gauna e tauri me kunei kina na cakacaka mai na 200 na siga ki na 20 na siga! Sa na vinakati sara ga kina na igu ni sasaga. Wiliki kina na tolu na itaviqaravi me vakayacori ena veisiga:

• Raica ka kila e 15 na ivurevure vou.

• Saga e 10 na veitaratara.

• Qarava e rua na veivakatarogi ena veiraici mata.

Sarasara:“iVurevure ni: Vaqara Cakacaka ena Veisiga” ( Mo raica na vidio, lako kina srs.lds.org, se wilika na veika oqo.)

• Eda vakavulici mai na ivolanikalou, ni “sa kilikili mera gumatua ena cakacaka vinaka ko ira na tamata kecega io, mera vakayacora ga vakai ira na ka era kila ni dodonu. … Sa tu vei ira na kaukauwa, me ra vakayacora ga na ka era gadreva.” Sa salavata mai na ivakaro oqo e dua na yalayala: “ia, na tamata kecega sa vakayacora na veika dodonu, ena rawata vakaidina na kena isau” (V&V 58:27–28).

• O ira era vaqara cakacaka ena yalodina era kila ni “sa tu vei ira na kaukauwa,” ka na vukei ira na Kalou ni sa “kilikili mera gumatua.” Ena ganita meda na veitalanoataka e dua na icakacaka ni vaqara cakacaka ka sa vakamawe tiko ena tolu na kena iwasewase. E vakatokai na Kusai ni Vaqara Cakacaka.

• iMatai, o ira era sa rawa-ka ena vaqara cakacaka era sa vulica mera na raica ka kila e 15 na ivurevure ena veisiga. iKarua, e 10 na nodra veitaratara ena veisiga Me rua na nomu bose se veivakatarogi ena veisiga yadua.

• Ni se qai tekivu, ena vaka e tatadredre na Kusai ni Vaqara Cakacaka. Ia, ni veitalanoataki na kena veitikina, ko na qai raica ni veika oqo ena rawa ka na yaco me vakakina.

• Meda tekivu mada ena ivurevure. Na cava na ivurevure? Na ivurevure e dua na tamata, dua na vanua, se dua na ka ena vukea na veimuataki ni dua e vaqara cakacaka tiko kina dua na vanua e vaqara tiko mai.

• Mera na wili kina na matavuvale kei na itokani, lewe ni Lotu kei ira na iliuliu, itaukei ni cakacaka kei na tamata cakacaka, qasenivuli kei ira na daunivakasala ena cakacaka, tamata era tu ena sitoa oqo sa o ira kecega e rawa ni ra solia e dua na itukutuku ni cakacaka kei na ivurevure.

• Na veivanua e wili kina na valenivolavola ni vaqara bisinisi, minisitiri ni veivakacakacakataki, kei na vanua ni vaqara ka ra sa vakaivola tu. O ira kece oqo era na solia na itukutuku ka na veivuke.

• Na veika ena vukea na nomu vaqaqara e wili kina na ivolalevu ni talevoni kei na veimataveilawa ni bisinisi, na initaneti, mekasini ni bisinisi, niusipepa kei na veivanua tale e so ni soli itukutuku.

• Vakarautaka me 15 na yaca ni vanua vakaoqo ena veisiga!

Vakatovotovo:Wasea e dua na tikinipepa me tolu na kolomu. Vola ena kolomu yadua mai cake na “iVurevure,” “Veitaratara,” kei na “Bose”. Tekivu sara ga oqo mo vola na levu ga ni iVurevure ena imatai ni kolomu. Oqo o ira na tamata, veivanua, kei na veika e rawa ni ra tukuna vei iko na veika mo vukei kina. Oqo e vica na kena ivakaraitaki. Ko na qai vakalewena na kolomu tale e so e muri.

iVUREVURE (cakava e dua na ituvatuva)	VEITARATARA (talevoni, imeli	SOQONI (veirai mata)
mata ni initaneti	Lewe ni Kuoramu se iSoqosoqo ni Veivukei	iTaukei ni Cakacaka e Rawa
Niusipepa	Ira na tamata o sa cakacaka vata kei ira	Dauveituberi vakavuvale
Cakacaka	Vakavuvuli	Lewe ni Lotu
Vale ni bula rawati koya	Ira na tamata o sotava mai na sitoa

Sarasara:“Vaqara Cakacaka e Veisiga: Veitaratara” ( mo raica na vidio, lako kina srs.lds.org, se wilika na veika oqo.)

• Oqo meda sa veitalanoa mada ena veitaratara. E dua na veitaratara e sega walega ni vakau kina na ituvatuva ni kila se me vakaleweni na ivola kerekere. Mai na ivurevure kece o sa kilai ira mai, mo sa na qai cakava e dua na veitaratara vei ira e lewe 10.

• O ira na veitaratara oqo e wili kina e so o a veitarata tu ga vakamamada kei ira o a sa volakerekere oti kina vakauta na kemu itukutuku kei na ivola ni vakavinavinaka ena nomu tukuna vei ira nomu itokani, lewe ni matavuvale kei na lewe ni Lotu ni o vaqara cakacaka tiko vakau tex se ena imeli. Ena rawa talega ni ko veitaratara kei na nomu veikilai ko ni semati tu ena initaneti vakakina o ira na so na itaukei ni cakacaka. Vakaraica e so na madigi mo veitaratara kei ira e so na tamata ka tukuna vei ira ni ko vaqara cakacaka tiko. Levu na tamata era na marautaka mera dusia vei kemuni e so tale na tamata era kila. Na veikilai vakaoqo ena kauti kemuni yani kina veivakatarogi ka na rawa ni kunei kina na cakacaka.

Vakatovotovo:Oqo mo sa vakayagataka nomu pepa mo lisitaka e levu sara na tamata ko na rawa ni veitaratara kei ira ni bera na bose ka tarava. Nanuma—kakua ni madua. Vaqara na sala mo na qarava kina e 10 ena dua na siga

Sarasara:“Vaqara Cakacaka e Veisiga: Bose” (Mo sarava na vidio, lako kina srs.lds.org, se wilika na veika oqo.)

• Kena itinitini, o ira era a solia nodra dina ena vaqara cakacaka era tovolea mera veitaratara kei na rua na tamata ke lailai ena veivakatarogi veirai mata ena dua na siga. Oqo ena rairai ni ka bibi duadua mo na qarava ena dua na siga. Na cava na vuna? Na sota ena veirai mata se veivakatarogi ena solia na veitalanoa kei na veikilai vakaibalebale. Tiko na tamata era “vosa” ena veimoiyaki ni tiki ni yagodra kei na irairai ni matadra. Na veitukutuku ka soli vakaoqo ka sega ni cavuti kina e dua na vosa ena sega ni ciqomi ena imeli se ena talevoni. Ni tiko na kemu ituvaki, era na rawa ni raica na tamata ka vakila na bibi ni veika o matanataka tiko!

• Na veisotaraki ena veirai mata ena solia talega vei iko na dodonu mo raica rawa ka vakila na ituvaki ni vanua ko na rairai na laki cakacaka kina. Sa na rawa ni ko na raica na nodra dau veimaliwai na tamata na nodra mamarau na nodra veivakaitokanitaki, na kena rawa-ka vinaka tu na isoqosoqo, na cava e gadrevi se na madigi cava ena vinakati, kei na icakacaka ni kena na sotavi na veika kece oqori. Na veivakatarogi sa dua na madigi vinaka!

• Na veivakatarogi kece ena veiraimata, ena ganita me vakayacori vata kei ira ena rawa ni da kunea kina e dua na madigi ni cakacaka. Sa na rawa talega ni ko sotavi ira e so tale o na veitaratara kaya wili kina nomu itokani, matavuvale, itokani ni nomu itokani, vakakina na sekeriteri, qasenivuli, daunivakasala, kei na so na tamata era cakava tiko na mataqali cakacaka ko gadreva tiko mo rawata. Sasaga ga mo sotavi ira na tamata! Solia vei ira na nomu “o au ena 30 na sekodi” ka vakayagataka na iotioti ni taro mo taroga kina e so mo na rawa ni laki sotavi ira talega. Sasagataka tikoga, volitaka na veika o vakamareqeta, ka kereya na veivuke kei na ivakasala. Ena levu sara na veika lelevu ena yaco!

• Oqo na Kusai ni Vaqara Cakacaka! Ena veisiga kevaka mo na kunea e 15 na ivurevure ka rawata e 10 na veitaratara ka qarava e 2 na veivakatarogi ena veirai mata sa na rawarawa sara. Ko na kurabui sara ena kena sa na totolo sara na nomu vaqara cakacaka! Cakava ena vakabauta tudei ka sa dolava mai vei iko na katuba ko dau nanuma tu ni dau dredre na kena dola.

Vakatovotovo:Vakayagataka sara nomu pepa mo vola kina na yacadra na tamata ko na rawa ni sotavi ira ena veirai mata ni bera na bose ka tarava. Vakasamataka na gauna kei na vanua mo na sotavi ira kina. Nanuma mo na vakayagataka na nomu “o au ena 30 na sekodi” ena veigauna ni veisotari.

Sarasara:“Vaqara Cakacaka ena Veisiga: Biuta Vata Kece Sara” (Mo sarava na vidio, lako kina“ srs.lds.org, se wilika na veika oqo.)

• Na tolu na tiki ni Kusai ni Vaqara Cakacaka eratou sega ni wasei yadudua. Ni ko sa cakava tiko ko na raica ni ivurevure sa ra tu ena veivanua kecega. Tekivuna na veisiga yadua ena nomu tomana na nomu lisi. Ena nomu sa na cakava o ya ko na vakasamataka e so na sala mo veitaratara kina kei na so na tamata, ia na veitaratara oqori ena veimuataki yani kina veisotari.

• Na nomu ilawalawa ni bula rawati koya sa na dua na ivurevure, veitaratara, kei na veisotari vei iko. Sa vakakina o ira na lewe ni Lotu, nomu neiba se nomu veikilai mai vanua ni cakacaka. Tosoya tikoga na iwliwili ni nomu ivurevure ena nomu sa veitaratara. Kerea na yacadra mo veitaratara kei ira ena gauna o veisotari kina ena veirai mata. Kerea na veivakatarogi vei ira kece o veisotari kei ira.

• Me lekaleka toka ga na kemu itukutuku “Oi Au ena 30 na Sekodi.” Na Kusai ni Vaqara Cakacaka ena rawa, ka sa na rawa ni dua na ka talei ni ko sa tekivutaka. Kua ni wawa. Veitalanoa vata kei ira kece. Dau vakasaqara ena veigauna kece na Yalo Tabu ka sasaga mo bula kilikili tu ga. Dau maroroya na itukutuku vinaka ka dau vakamuria. Ni ko sa tekivu toso, na Turaga ena liutaki iko.

Vakatovotovo:Raica mada yani na nomu pepa. Na cava o na cakava taumada? Cakava e dua na ituvatuva mo sotava kina e so na ivurevure, ka veitaratara ena nomu laki veivakatarogi ena veirai mata ena veisiga. Vakadeitaka na nomu na rawa ni cakava ka kerei iratou na nomu matavuvale se o nomu itokani ni veiqaravi me ra vukei iko.

Vakamuria na nomu toso ena nomu veidutaitaka kei na jati ena tabana ka tarava. Vakamuria na nomu veitaratara vata kei na Fomu ni Vakamuria na Veitaratara ena tabana e 20. Tabaka e levu na ilavelave.

Fomu ni Vakamuri ni Kusai ni Vaqara Cakacaka

Tikitaka na kato ena nomu sa vakacavara e dua na cakacaka ka vola na kena ivakamacala.

iMatai ni Siga
iVurevure: ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐	Kena levu e veisiga
Veitaratara: ☐ ☐ ☐ ☐ ☐ ☐ ☐ ☐ ☐ ☐ ☐ ☐	Kena levu e veisiga
Bose: ☐ ☐	Kena levu e veisiga
iDusidusi:

iKarua ni Siga
iVurevure: ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐	Kena levu e veisiga
Veitaratara: ☐ ☐ ☐ ☐ ☐ ☐ ☐ ☐ ☐ ☐ ☐ ☐	Kena levu e veisiga
Bose: ☐ ☐	Kena levu e veisiga
iDusidusi:

iKatolu ni Siga
iVurevure: ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐	Kena levu e veisiga
Veitaratara: ☐ ☐ ☐ ☐ ☐ ☐ ☐ ☐ ☐ ☐ ☐ ☐	Kena levu e veisiga
Bose: ☐ ☐	Kena levu e veisiga
iDusidusi:

iKava ni Siga
iVurevure: ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐	Kena levu e veisiga
Veitaratara: ☐ ☐ ☐ ☐ ☐ ☐ ☐ ☐ ☐ ☐ ☐ ☐	Kena levu e veisiga
Bose: ☐ ☐	Kena levu e veisiga
iDusidusi:

iKalima ni Siga
iVurevure: ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐	Kena levu e veisiga
Veitaratara: ☐ ☐ ☐ ☐ ☐ ☐ ☐ ☐ ☐ ☐ ☐ ☐	Kena levu e veisiga
Bose: ☐ ☐	Kena levu e veisiga
iDusidusi:

Fomu ni Vakamuri ni Veitaratara
Veitarata

Tamata se isoqosoqo:

Talevoni:

iTikotiko:

Imeli:

E vagolei au mai eke o:

Au a veitaratara kei na tamata oqo

• Io

• Sega

Tikinisiga:

Veika e veivosakitaki:

1.

2.

3.

iTaviqaravi me vakamuri:

1.

Me oti ena (tikinisiga):

2.

Me oti ena (tikinisiga):

3.

Me oti ena (tikinisiga):

Yaca vou:

1. Yaca:

Talevoni:

Fax:

Imeli:

iTikotiko:

2. Yaca:

Talevoni:

Fax:

Imeli:

iTikotiko: