Vulica

Eda na rawa ni veivukei vakacava ena bolebole ni cakacaka?

Gauna:Cakava na kena gauna me 20 na miniti baleta na tabana walega oqo (sega ni iwasewase kece ni Vuli ka)

Mo nanuma talega ni ko na vakayagataka e 20 tale na miniti ena iwasewase ni Yalayala

Wilika:E so vei keda sa cakacaka tiko ka so era se vaqara cakacaka tiko ia na tamata kece ena sotava tiko na bolebole ni cakacaka. E oka kina na ivakaraitaki oqo:

• Au se vaqara cakacaka tikoga oqo

• Na noqu boso e sega ni dau taleitaka na noqu cakacaka

• Au sa cakacaka tiko ia e sega ga ni sau vinaka

• Au sega ni kila se meu walia vakacava na veivaqumi ena noqu vanua ni cakacaka.

• Au veitalanoa kei na levu sara na tamata, ia e sega ni dua e vakacakacakataki au.

• E ka dredre na yalodina vua na noqu itaukei ni cakacaka

• Au sega ni taletaki ira na noqu ilawalawa vakacakacaka

• Au dau sega ni tudei ena dua na cakacaka

Eda na bularawati keda vakalevu kevaka meda veitalanoataka ka vakatovotovotaka na valuti ni bolebole.

Vakatovotovo:Na lewe ni ilawalawa yadua me vola ena papa na nona bolebole levu duadua ena cakacaka. Dou digitaka vakailawalawa e tolu na bolebole mai na papa. Na nomu vakatovotovo nikua mo na veivosakitaka ka tuva e so na iwali.

Na raicilesu ni ka sa caka oti, na veivosaki, kei na vidio ena ivolanicakacaka oqo ena rawa ni veivuke. Ko na rairai kila tiko e dua ena taudaku ni ilawalawa ena rawa ni mai veivuke ena dua na bolebole. Na tamata oqo ena rawa ni sureti me mai veivuke ena nomu bose ni nomu ilawalawa ka tarava.

Au sa vinaka cake beka ena noqu bularawati au?

Gauna:Cakava me 20 na miniti na kena gauna na tabana walega oqo

Wilika:Na noda vakatutu na bula rawati koya, ena bula vakayago kei na bula vakayalo. Na rawaka ena noda cakacaka e dua walega na tiki ni vakatutu oqori.

Veivosaki:Na veisau cava o sa raica ena nomu bula ena nomu sa cakacakataka ka vakavulica na ivakavuvuli ni Noqu Yavu ?

Vakatovotovo:Dolava na nomu ivola lailai Noqu Sala ki na Bula Rawati Au ki na dua na tikina lala ni vakadikevi ni bula rawati au (ka tiko sara mai muri). Vakacavara na veikalawa.

Ni ko sa vakacavara, taura e tolu na miniti mo vakananuma na veika oqo:

Ko sa qai kila vinaka li na nomu dau vakayagataki ilavo. Sa na rawa beka mo na sauma na taro ena “vakawasoma” kei na “veigauna” ena levu sara na taro ena basika? Ko sa qai vakadeitaka beka li na iwiliwili ni ilavo ko sa biuta toka me kemu isau ena bula rawati koya? O sa voleka tiko beka yani kina rawati ni isau ena bula rawati koya. Na cava o rawa ni cakava mo vaqaqacotaka tiko kina?