Me Baleti Ira na Dauveivakarautaki

Noqu Vaqara Cakacaka

Ena siga ni bose:

Tex se qiriti ira na lewe ni ilawalawa kevaka me tiko vei iko na nodra naba taroga se ra na lako mai kina bose se sega. Tukuna vei ira me ra na tiko ena bose ni vo e tini na miniti me tekivu mera na sainitaka na ivolaniyaca.
Vakarautaka na iyaya ni bose:
- Kauta mai na ilavelave ni ivola ni cakacaka oqo kei na ivolalailai Noqu Yavu: iVakavuvuli, Maqosa Vakacakaka, iTovotudei me baleti ira yadua na lewe ni ilawalawa.
- Kauta mai e lima tale na ilavelave ni ivola lailai Noqu Sala ni Bula Rawati Koya de so vei ira na lewe ni ilawalawa ena sega tu na nodra ilavelave.
- Vakarautaka e dua na sala me saravi kina na vidio, kevaka e rawa.
- Sega ni tiko na ivola se vidio? Sa rawa mo kauta mai na initaneti ena srs.lds.org.

Tuva wavoki na idabedabe ena yasa ni teveli me rawa ni ra na veivolekati na tamata.
- Na dauveivakarautaki ena sega ni tucake tu ena gauna ni bose ka sega ni laki dabe mai na ulu ni teveli. Me na kakua ni dreta na vakanamata o dauveivakarautaki ia me vukei ira na lewe ni ilawalawa mera veivukei.

Kidavaki ira na lewe ni ilawalawa ena nodra sa yacoyaco tiko mai. Vulica na yacadra.
Solia yani e dua na pepa vei ira na lewe ni ilawalawa mera vola kina na yacadra taucoko, tabanalevu se tabana, kei na tikinisiga ni nodra sucu (siga kei na vula, me kua na yabaki). Ni oti na bose ni ilawalawa, gole ki na srs.lds.org/report ka muria na ivakasala mo rejisitataki ira taucoko kina na lewe ni ilawalawa.
- Ni oti na imatai ni bose, vola e dua na ituvatuva ni nodra na rawa ni veitaratara tiko na lewe ni kalasi.
Lesia e dua na daunigauna me vakamuri kina vakavinaka na ilawalawa. Kerei koya me tuva na kena gauna me vaka sa tuvai tu ena ivola.
- Kena ivakaraitaki ni ko na raica ni volai tu na ivakasala ka tukuna “Gauna: tuva na gauna me 60 na miniti baleta na iwase ni Vuli” Ena laki tuva na kena gauna o daunigauna ena dua na talevoni, dua na kaloko ni liga se dua ga na misini vakaloko ka na qai kaya vei ira na lewe ni ilawalawa ni sa oti na gauna. Me ra na qai lewa na ilawalawa se mera sa tekivutaka e dua na iwase vou se me ra tomana tikoga na nodra veitalanoa me vica tale na miniti

Tukuna “Ni sa bula vinaka mai kina ilawalawa ni bula rawati koya oqo.”
Kerei ira me ra bokoca na nodra talevoni kei na veika vakalivaliva tale eso.
Tukuna na veika oqo:
- “Oqo na ilawalawa ni bula rawati koya ka na vakatokai me, ‘Na Noqu Vaqara Cakacaka.’ Ko ni lako taucoko mai mo ni mai vaqara cakacaka se vakavinakataka nomuni cakacaka?
- “Na rawati ni dua na cakacaka e dua ga na tiki ni takete ni bula rawati koya. Ni da sa rawata na cakacaka, meda sa na qai vakavinakataka yani. Ko ni na lako tikoga mai kina bose vakaoqo kevaka o sa rawata e dua na cakacaka?
- “Eda na mai sota vaka 12. Ena dau taura toka e rua na aua na dede ni vuli. Eda na vakayagataka tiko e dua se rua na aua ena veisiga ena qaravi ni noda yalayala me vukei keda meda rawata na cakacaka. Ko ni na rawata li na yalataka na gauna vakaoqo?”
Me dua na idola masu (kei na sere, kevaka e gadrevi).
Tukuna na veika oqo:
- “Na veigauna kece eda bose kina, eda na tekivu ena dua na ulutaga mai na ivolalailai Noqu Yavu: iVakavuvuli, Maqosa Vakacakacaka, iTovotudei. Na ivolalobi oqo ena vukei keda meda vulica na ivakavuvuli, maqosa vakacakacaka, kei na itovotudei ka na veivakauti yani kina bula rawati koya vakayalo ka vakayago.”
Vakarautaka na kaloko ki na 20 na miniti me baleta na Noqu Yavu.
Wilika na ivola ni ivakamacala taumada ni Mataveiliutaki Taumada ena ka 2 ni draunipepa ni Noqu Yavu. Mo qai vakacavara na ivakavuvuli 1 ena ivolalailai o ya ka lesu mai ki na ivola ni cakacaka oqo.