Vulica

Au na vakatotolotaka beka vakacava noqu vaqara cakacaka?

Gauna:Tuva na gauna me 60 na miniti me baleta na iwasewase ni Vulica.

Wilika:Eda sa rawata e so na iyaya vinaka sara me vukea noda vaqara cakacaka.

• “O Au ena 30 na Sekodi”

• iYatuvosa veivesuki

• Vukica na dredre me rawarawa

• Sauma na taro ena taro

• Sauma na taro e dau tarogi wasoma ena veivakatarogi.

• Vakaotia na kena qaravi

• Vakatorocaketaka kemu irairai kei na ivakarau.

Ena bose qo eda na mai vulica kina na ivakayagataki ni iyaragi me rawa ni vakatotolotaki kina na cakacaka.

Veivosaki:Ko sa qai bau vakacava toka ena nomu sa raica na iyaragi me vukea nomu vaqara cakacaka?

Wilika:TARO ENA LOMA NI MACAWA—Meu vakusakusataka rawa vakacava noqu vaqara cakacaka

VEIQARAVI ENA LOMA NI MACAWA—Vakalevutaka sara ga noqu ivurevure, veitaratara, kei na veisotari e matanavotu.

E so beka na tamata ena noda ilawalawa era sa tovolea tiko beka na Kusai ni Vaqara Cakacaka. Ena bose oqo eda na vakusakusataka kece sara noda vaqara cakacaka.

Vaqara cakacaka ena veisiga

Wilika:Oqo sa kena gauna meda vakayagataka kece sara na iyaragi me vakusakusataka noda vaqara cakacaka.

Sarasara:“Rafael: Cakacaka ena 6 na Siga!” (Sega na vidio? Wilika na “Vaqara Cakacaka e Veisiga: iTalanoa nei Alba” ena tabana e 88.)

Veivosaki:Na cava e vukei Rafael se Alba me rau rawa ka ena Kusai ni Vaqara Cakacaka?

Vakatovotovo:Na Kusai ni Vaqara Cakacaka sa dua na iyaragi vinaka ni vaqara cakacaka ena veisiga. Ena so na vanua, na kena icakacaka oqo sa vakalailaitaka na gauna e tauri me kunei kina na cakacaka mai na 200 na siga ki na 20 na siga! Ena gadrevi kina na yalodina—mai na rua ki na va na aua dua na siga se sivia. Wiliki kina na tolu na itaviqaravi me vakayacori ena veisiga:

1. Raica ka kila e 15 na ivurevure vou.

2. Saga me 10 na nomu veitaratara mai na iwiliwili o ya.

3. Mena 2 na nomu veisotari e matanavotu se veivakatarogi kei ira nomu veitaratara.

Sarasara:“Vurevure ni Vaqara Cakacaka e Veisiga” (sega na vidio? Wilika na tabana e 88.)

Vakatovotovo: Tekivu mo vola ena ituvatuva ena tabana ka tarava ena nomu vola na levu ga ni iVurevure ena imatai ni kolomu. Qo o ira na tamata, veivanua, kei na veika e rawa ni tukuna vei iko na veika mo vukei kina. So na ivakaraitaki sa vakarautaki tu oqori. Vakalewena vakalevu ni bera na bose ka tarava ena vakayagataki ni fomu ena tabana e 91. Tabaka e so na ilavelave ni fomu sega ni vakaleweni ena nomu sa soqona tiko kina nomu ivurevure.

Sarasara:“Vaqara Cakacaka e Veisiga: Veitaratara” (sega na vidio? Wilika na tabana e 89.)

Vakatovotovo:Vola sara ena tabana ka tarava ka, lisitaka na yacadra na tamata kecega o rawa ni nanuma koya o rawa ni veitaratara kei ira ni bera na noda bose ka tarava. Nanuma—kakua ni madua. Vaqara na sala mo rawa ni veitaratara kei na 10 na tamata ena veisiga!

Sarasara:“Vaqara Cakacaka e Veisiga: Bose” (Sega na Vidio? Wilika na tabana e 89.)

Wilika:Ena tabana ka tarava, vakayagataka sara nomu pepa mo vola kina na yacadra na tamata ko na rawa ni sotavi ira ena veirai mata ni bera na bose ka tarava. Vakasamataka na vanua kei na gauna mo ni na sota kina. Nanuma mo na vakayagataka na nomu “o au ena 30 na sekodi” ena veigauna ni veisotari.

Sarasara:“Vaqara Cakacaka e Veisiga: Mo Biuta Vata Kecega” (Sega na vidio?) Wilika na tabana e 90.)

Vakatovotovo:Me da raica mada na ituvatuva ena tabana ka tarava. Na cava o na cakava me imatai, ikarua, ka ikatolu? Cakava e dua na ituvatuva mo sotava kina e so na ivurevure, ka veitaratara ena nomu laki veivakatarogi ena veirai mata ena veisiga. Vakadeitaka na gauna o na cakava kina na veika oqo ka kerei iratou nomu matavuvale se o nomu itokani ni veiqaravi me vukei iko. Masuta na veituberi ni Turaga.

Fomu ni iVurevure, Veitaratara, kei na Bose

iVUREVURE (cakava e dua na ituvatuva)	VEITARATARA (talevoni, imeli)	BOSE (veirai mata)
mata ni initaneti	Lewe ni Kuoramu se iSoqosoqo ni Veivukei	iTaukei ni Cakacaka e Rawa
Niusipepa	Ira na tamata o sa cakacaka vata kei ira	Dauveituberi vakavuvale
Dauveiqaravi ena Veivakacakacakataki	Vakavuvuli	Lewe ni Lotu
Vale ni Bula rawati koya	Ira na tamata o sotava mai na sitoa

Fomu ni Vakamuri ni Kusai ni Vaqara Cakacaka

Wilika:Qo e dua na sabolo ni Fomu ni Vakamuri na Kusai ni Vaqara Cakacaka. Vakamuria na nomu ivurevure, veitaratara, kei na sota vata kei na fomu ena tabana e 92. Tabaka e so na ilavelave me baleta e vica vata na macawa me vaka na kena e gadrevi.

(Makataka na kato ka kuria na kena ivakamacala. Vakaraitaka na kena levu ena veisiga.)

iMatai ni Siga
iVurevure: ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☐	Kena levu e veisiga ,  15
Veitaratara: ☑ ☑ ☑ ☑ ☑ ☑ ☑ ☑ ☑ ☑ ☐	Kena levu e veisiga ,  10
Veivakatarogi: ☑ ☑ ☐ ☐	Kena levu e veisiga ,  2
iDusidusi: Cakacaka ni Dauveisauilavo sa tawani. Eratou kaya me tovolei mada na makete. Eratou na rairai veivakacakacakataki tiko.

iKarua ni Siga
iVurevure: ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☐	Kena levu e veisiga ,  15
Veitaratara: ☑ ☑ ☑ ☑ ☑ ☑ ☑ ☑ ☐ ☐ ☐	Kena levu e veisiga ,  8
Veivakatarogi: ☑ ☑ ☐ ☐	Kena levu e veisiga ,  2
iDusidusi: Sega ni rawa ni bose nikua o Jose. Tukuna o koya me na qai lesu mai ena Lotulevu.

iKatolu ni Siga
IVurevure: ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☐	Kena levu e veisiga ,  14
Veitaratara: ☑ ☑ ☑ ☑ ☑ ☑ ☑ ☑ ☑ ☑ ☐	Kena levu e veisiga ,  10
Veivakatarogi: ☑ ☑ ☑ ☐
iDusidusi: Vakalelwena na ivolakerekere nei Maria mai na makete: