“Naʻe Papitaiso ʻa Sīsū,” Ngaahi Talanoa ‘o e Fuakava Foʻoú maʻá e Kau Laukonga kei Īkí, 2018
“Naʻe Papitaiso ʻa Sīsū”
Ngaahi Talanoa ‘o e Fuakava Foʻoú maʻá e Kau Laukonga kei Īkí
Naʻe Papitaiso ʻa Sīsū
Mei he Matiu 3:13–17; Maʻake 1:9 –11; Luke 3:21–22; Sione 1:29 –34
Naʻe hoko ʻa Sione Papitaiso ko ha palōfita maʻongoʻonga. Naʻá ne akoʻi ‘a e kakaí ke nau fakatomala peá ne papitaiso kinautolu.
ʻI ha ʻaho ʻe taha naʻe papitaiso ai ʻe Sione ʻa e kakaí ʻi he Vaitafe ko Soataní. Naʻe hāʻele mai ʻa Sīsū ʻo folofola kia Sione ke ne papitaiso Ia. Naʻe ʻilo ʻe Sione naʻe ʻikai ha angahala ʻa Sīsū. Ko e hā leva naʻe fie papitaiso ai ʻa Sīsuú?
Naʻe folofola ʻa Sīsū naʻe fie maʻu ke Ne talangofua ki he ngaahi fekau kotoa pē. Ko e papitaisó ko ha fekau ia.
Hili hono papitaiso ʻe Sione ʻa Sīsuú, naʻe hā mai ha lupe ke fakahaaʻi ʻoku ʻi ai e Laumālie Māʻoniʻoní. Naʻe ongo mai e leʻo ʻo e Tamai Hēvaní mei he langí, ʻo folofola mai, “Ko hoku ʻAlo ʻofaʻangá ʻeni, ʻa ia ʻoku ou fiemālie lahi aí” (Mātiu 3:17).
Te tau lava ʻo talangofua ki he ngaahi fekaú mo fili ke papitaiso, hangē ko Sīsuú. ʻE lava leva ke hilifakinima kitautolu ke tau maʻu ʻa e meʻafoaki ʻo e Laumālie Māʻoniʻoní.
Mamata he New Testament Stories ʻi he lds.org/children/scripture-stories.
Peesi Valivalí
ʻOku ou Houngaʻia ʻi Hoku Sinó
Lomiʻi ‘i he fakatātaá ke download.
Tā fakatātaaʻi ʻe Apryl Stott