“Ko e Fuofua Sākalamēnití,” Ko e Kaumeʻá, Sune 2023, 46–47.
Ngaahi Talanoa mei he Folofolá
Ko e Fuofua Sākalamēnití
Tā fakatātaaʻi ʻe Apryl Stott
Kimuʻa pea pekia ʻa Sīsū Kalaisí, naʻá Ne fakataha mo ʻEne kau ʻAposetoló. Naʻá Ne foaki kiate kinautolu ʻa e sākalamēnití.
Naʻe pakipaki ʻe Sīsū ʻa e maá ʻo ʻoange kiate kinautolu. Naʻá Ne kole ange ke nau kai ia ke tokoni ke nau manatuʻi naʻá Ne foaki ʻEne moʻuí maʻanautolu.
Hili iá ne ʻoange leva ʻe Sīsū ha ipu kiate kinautolu. Naʻá Ne kole ange ke nau inu mei ai. ʻE tokoni ia ke nau manatuʻi foki Ia.
Naʻa mo e taimi naʻe ʻikai ke ʻi he kau ʻAposetoló ai ʻa Sīsuú, naʻe tokoni ʻa e sākalamēnití ke nau fakakaukau kiate Ia. Naʻe lava ke nau ongoʻi ʻEne ʻofá mo manatuʻi ke tauhi e ngaahi fekaú.